تكسب وانا اللى اخسر

تكسب وانا اللى اخسر وبنفسى جى اهنيك
قدرت يوم تكسر قلبى اللى كان فى ايديك
نزلت الدموع من عينى
والقلب اللى بيقوينى
كسرته وقتلت حنينى
ورمتنى لعذاب شيبنى
خلتنى الضعيف الطيب
اداوى فى جراحى واطيب
وكل اللى اعدى عليه
يشوف دمعى بيعيبنى
بقيت جوا عينهم عاجز
صدقت انك انت الفايز
وقلبى اللى بوست ترابه
بقى لعبه فى ايديك مش اكتر
تكسب وانا اللى اخسر
كدبت فى هواك الناس
والدنيا وقولت خلاص
لاقيت اللى قلبه يعينى
وكله وفاء واخلاص
خدعنى الحنان فى عينيك
صدقت انى غالى عليك
بشوفك بتبعد عنى
وبرضه بقرب ليك
اتارينى انتحرت بأيدى
سممت الحياه فى وريدى
اخترت انى امشى فى شوك
وراء واحد مالوش احساس
انا اسف لقلبى وروحى
فى حبك جنيت على روحى
فكرتك ملاك ولاقيتك
غدار زى كل الناس

الله عليك ياقمر
بجد يا سامح قصايدك الاخيره ملهاش حل
أنت اعمالك كله روعه بجد
متميز دائما كلامك بيدخل للقلوب بدون
أستأذان لانك بالجد فنان بتكبلنا
اجمل واحلى الانغام وبتعزف على اوتار
قلوبنا بكلماتك الصادقه الرائعه
تقبل ودى وتقديرى

ميرسى ليكى يامرمر ياقمر
وبجد انتى احلى من اى كلام
وربنا يخليكى لينا على طول

الشاعر الجميل

سامح الكومى

كلماتك فى قصيدتك وقولك تكسب وانا اخسر جديده نوعاّ ما

ولم تستخدم كثيراّ ولهذا اعطت طعم لذيذ للاغنيه .

جميل ما خط قلمك ايها الشاعر الجميل ...

اشكرك يااستاذ عادل
على الكومنت الجميل اوى ده
وتحياتى ليك

» مش بسهوله اني اخسر حد
» أنا وانا
» وانا مش .. رشـــــــا !!!
» وانا لوحدى فى الخلا
» وانا لسه قاعد افتكر