وانا لوحدى فى الخلا

محمد زيدان بداية :

تنتاب الانسان فى بعض الاوقات افكار يحسبها الاخرون جنون وربما ابعد فيرى نفسه هذا الكائن الخالص من الذنوب قد تواجد داخل دومات البشر اولئك الاشبه بالشياطين فيظن انه الملاك الاوحد وان الخروج من تلك الدومات هو الموت فيتمنى ذلك

اليكم ما شعرت به دون عمد ودون ادنى استعداد لتلك المشاعر فرأيتكم فى قصيدتى هذه

وانا لوحدى فى الخلا

وانا لوحدى فى الخلا

جوه ضجيج الاسئلة

متسلسلة روحى

ف جبال هموم

متلتلة

انا كنت بكر

ماليش ذنوب

دلوقتى ليه

طالبنى اتوب

عن كل ضحكات الصبا

عن شمس رايحة للغروب

سامع صدى اصوات نحيبكم

وكأنى زى ما اكون حبيبكم

وانا ؟؟؟

اللى قتلتوه

بالانا

متنشروش نعى فى جريدة

ومتكتبوش عنى ف قصيدة

وتقولوا يا خسارة شبابه

كان اية اللى جابه

جوه تروس مكن الحياة

مش ده مكانه

ولا

ده زمانه

ولا

حد يشبهله ف كيانه

احنا ابالسه مشيطانين

يا ملعونين

كفايكوا

صحيتوا

الميتيين

يالا سبونى ف الخلا

لجل ما ارد الاسئلة

ع المرسلين !!!!!!!!!