أنا وانا

يا نسمة فى عز الليالى الطويلة

يا شارده يا حيره

ومابيدى حيله

حلمتك ساعاتى

ف أصعب سنينى

تجيلى ف روحى

وتبعد جروحى

ف شرقى وغربى

أدور عليكى

وأسأل واخبط

على كل باب

وأعمل منادى

وانادى بصوتى

وأثبت وجودى

إشارة ف إشارة

بعزم اللى فيه

شرارة المرارة

فحدى اللى فاصل

يعافر واعافر

عشان إنى رافض

يزول اللى فاضل

و ماسك مازورة

وأشوف كام مقاسه

ف نسبة مقاسى

ألاقى النتيجة

ساعات مش فصالحى

حوار جوة ذاتى

وذاتى الحوار

وأخد ف وقتى

كتير م الجدال

وأسرح وافكر

وبعديها أضحك

فرفض اللى فات

وخدنى ف ركابه

وأتعب شويه

واشوف الحياه

واعافر ف جرحى

واشيل التراب

اللى غير ملامحى

تخاف المرارة

ف نسببة وجودها

تشوف هى منى

وانا منها كام

تلاقى مقاسها

بيطلع وينزل

ورافض ثبات

تحاول وتضغط

ف خوفها تموت

عشان عارفة

أنى ف سكنها الحياه

واحس بحوارها

وعجبى الحوار

والاقى عيونى

تنزل ف لولى

بيكتب سطورها

يقول لو تحبى

اللى ساكنه ف روحه

ما كنتى زرعتى

ف جوفه الأنين

ما كنتى حاربتى

الفرح اللى واصل

ماعارف يواصل

ف سيل الدموع

اللى يعصر ف جوفه

يزود ف خوفه

يخاف ع اللى فاضل

ليصبح سراب

ألاقى المرارة

تبلم سكوت

تحاول وتنطق

مفيش ليها منطق

تشاور وترسم

إشارة سماح

هعوض جراح

أقول عايزة أيه

يا قهر السنين

اللى زود ف حملى

يا شيل المواجع

ف قلبى اللى واجع

ورافض ما فيك

يكون جوه منه

فعز الحوار

اللى داير ما بينا

ألاقى المازورة

تقلى برافو

طلعت البريمو

ولا كنت فاكرة

ولا كنت حسه

بإنك تعدى

حصارها ف كيانك

وتلمع عيونى

بلمعة هواصل

واشيل الفواصل

بكلمة هكون

رشروشة حبيب قلبي
وحشاني من اول امبارح
انت صوت قوي في مرحلة التحضير
اجمل حاجة فيكي انك مش بتسكتي
عايزة توصلي
وبتجربي كتير
وهي دي روح
الشاعر الحقيقي
اللي بيوصل مشاعرة واحساسة
في صورة تليق بالشعر
رائعة
ومنتظرة منك الكثير
تقبلي تحياتي وخالص تقديري

الشاعرة المتميزة رشا فؤاد :
أعرف أنك رسامة وتأكدت فى هذه القصيدة من ذلك فكل الصور الجزئية تجمعت فى صورة كلية
منقسمة إلى أنا المخاطب وأنا المتكلم والذى يحاول استرداد ما تبقى من أمل
القصيدة ككل لوحة من فن الرسم بالحروف أبدعتها أنامل شاعرة فنانة
وفى رأيى الخاص أنها تستحق التثبيت
كل الود والتقدير
الزهيرى

[/b][/center][/color]

الشاعر الأستاذ عبدالله عبد الصبور :
شاكرة لكلماتك الجميلة وأحساسك المرهف بالقصيدة ولتواصلك مع العمل لكى منى كل التقدير والشكر

أمينة شامة حببتى وصدقتى التى أعتز بها دائماً يا من من ميرسى يا ستى لرشروشة كلك زوق
أية الكلام الكبير أوى ده
إحنا مش أد الكلام الكبير داه يا ستى
دايماً كلامك مبقدرش أقول كلام جميل زية وأنتى عارفة قدرك عندى وحشينى
نفسى أشوفك قريب
أنتظر تعليقاتك ومرورك الممتع وتواصلك الدائم

أستاذنا الشاعر الكبير والمبدع الراقى عادل سند :
دايماً تشجيعك ومسندتك بتخلينى أحاول فى كل مرة أكون أحسن من اللى قبلها عشان أسمع كلام أعتبره شهادة تقدير من عملاق العامية فى المنتدى
دام تواصلك بروح الأب مع أبناءك الشباب فى المنتدى
بنتك رشا

حببتى عزة وحشانى ووحشنى تعليقك
على فكرة أنا أحترم رأيك جداً وأختلاف الرأى لابفسد للود قضية ولكن أنا مقنعة بالقصيدة علشان كده كتبتها
شكراً على تواصلك

أستاذنا الشاعر والناقد الكبير جابر الزهيرى
أنا أعتبر تعليقك على القصيدة قرأة نقدية مبسطة لأنك وضحت رؤى كتير فعلاً أنا قصدتها فى العمل وده مش غريب على ناقد مثلك
أشكرك على إقتراح التثبيت
وبعد إذنك ياريت نناقش القصيدة فى ورشة نادى أدب منشية ناصر فى ندوة مقبلة
دمت أستاذى

أستاذتى الشاعرة الكبيرة وداد الهوارى
نصيحة أتقبلها بسعة صدر من أختى الكبيرة وأستاذتى اللى دايماً بتوجهنى صح وإن شاء الله القصايد اللى جيه هتعجب حضرتك من حيث الشكل والمضمون
كل تقديرى لأستاذتى

الأخت العزيزة والشاعرة المتميزة رشا فؤاد

قصيدة جميلة جداً ومعبرة ولو جديد عليكى وإبداع راقى

بصراحة مش لاقى كلام أقوله

ربنا يكرمك ويزيدك

خالى العزيز طارق

مش عارفة أقولك أيه بجد دايماً حاسس باللى عايزة ؟أقوله فى القصيدة واحشنى جداً
وواحشنى كلامك الحلو

أخونا العزيز الشاعر الرائع علاء رزق :

الجمال الحقيقى هو جمال مرورك وتعليقك الراقى فأنا أكتسبت أخ فاضل أفتخر به مدى الحياة

وبصراحة مش لاقية كلام أقوله أحسن من كده

اقولك حكايه كلامك جميل

كأنه روايه ماليها مثيل

ولكن خوفك وحيرة حروفك

لقتني عايشهم نهاري ليل

الرقيقه تفبلي مروري

وكلماني المتواضعه

الأخت العزيزة رشا فؤاد

حلوة قوى القصيدة وأدتنى فكرة جميلة للوحة هعملها حالاً

شكراً لإبداعك الذى كان سبب إلهام لإبداعى

الله عليكى كلماتك رائعه

تسلم الايادى والبداع الجميل

مودتى شاعرتنا الجميله \ رشا

المبدع الرائع أستاذى يسرى حنفى

كم أنا سعيدة بتعليقك الجميل الذى يشرف به عملى بجد مش عارفة أقولك أيه على جمال كلماتك جزاك الله كل خير

دمت مبدعاً