مش بسهوله اني اخسر حد

مش بسهوله انى اخسر حد
كنت ف يوم مرتاحله بجد

بس أكيد لو باع هنساه
واعمل مليون حد وسد

أنا مش هابكي واقول خليك
عُمري ما هافرض نفسي عليك

اللي يصون العشره هاشيلُه
جوه عيوني واصون الود
..
ياما غلطت وكنت بسامحك
واجي على نفسي كتير وأصالحك

اتحملت معاك فوق طاقتى
واتعودت سنين على جرحك

كُنت بعاملك غير الناس
كُل ده ليه على أي أساس

عارف ليه من غير ما تفكر
علشان كُنت حقيقي بحبك
..
كُنت بقول يمكن يتغير
مره ف مره هانفهم بعض

إديه فرصه لأخر ثانيه
سيبُه يفضفض واوعا ترُد

لكن عمري ما كنت اتخيل
إن كرامتي تضيع ف الأرض

انت قفلت الباب بإديك
واللي ما بينا خلاص اتهد
..
رضا عثمان

الشاعر الجميل الأستاذ/ رضا عثمان

قصيدتك بتحمل طبعي.. فأنا استحمل استحمل وبعدين قفلتي وحشة جداً .. ولكن مش بسهولة أني أقفل .. قصيدتك رأيت فيها نفسي وناس قطعت معاها بعد ماظنوا إن صمتي ضعف .. فتجاوزوا كل الحدود .. ولكن ملا كبرت في السن وبمرور الخبرة تعلمت حكمة الصدة ردة.. ومن أول لحظة..
عمل جميل
تحياتي
طارق منيب

الرائع دوما ً وأخي وصديقي الشاعر رضا عثمان
ما أروع كلماتك وما أجمل الأوجاع التي تخرج لنا هذا الإبداع
وأنا اعجب كثيرا أن يجافى أحد رضا عثمان , ربما لم يجمعني بك سوى لقاء واحد يا صديقي العزيز لكن والله وجدت فيك نفس طيبة وبشاشة وكرم أخلاق تأثر االناس لحبك وتجذبها إليك لا تتوفر عند الكثير ( بس موش جذب زي بتاع نوال .فهمني طبعا ..) صدقني الخاسر هو من يجافك
ثم هون عليك بهذه الأبيات .

قالوا الصديق من صدق

في وده وما مذق

وقيل من لا يطعنا

في قوله أنت أنا

وقيل لفظ لا يرى

معناه في هذا الورى

وفسروا الصداقة

الحب حسب الطاقة

وقال من قد أطلقا

هي الوداد مطلقا

والاآخرون نصوا

بأنها أخص

وهو الصحيح الراجح

والحق فيه واضح

علامة الصديق

عند أولي التحقيق

محبة بلا غرض

والصدق فيها مفترض

وحدها المعقول

عندي ما أقول

فهي بلا اشتباه

محبة في الله

أخي الشاعر المتطلع رضا عثمان
***
اكيد الإبداع الحقيقي من وسد الأوجاع
والحروف الساخنة زي حليب الصباح
كبرنا عليه فحرارته لسى تسقي الوداع
وكذا الشعر أحبه وغيره لازم بإسترجاع.
***
"الحروف تكشف الأوساع حكمةً عند الأسماع"

تحياتي لنبضك الحار فيبدع.

» تملك 24 قيراط بسهوله
» تكسب وانا اللى اخسر