{ جوه القطر } زجل قديم

الاستاذ / زكى الصمادى كتب :

الاخ الاستاذ والشاعر المتميز عادل عوض المحترم
كل عام وانتم بخير اهنئكم في العام الجديد وعمر مديد انشاء الله
اهه سنه وعدت الشعور والشعر في الحب جميل وكلماتك اجمل وشعورحلو
اسعدني مروري على قصيدتك تقبل مروري وقرئتها اكثر واكثر الحمدلله على سلامتك
الحب شيء مقدس المهم الصدق في داخلنا كلمه حب دائما تجمع وتألف قلوب وشعوب لو كانت نابعه من اردتنا
خيالك يقارب الحقيقه والشاعر يعيش لحظات ترسم له ويعيشها وكأنه في قلب الحدث من ما يجري في
فكره الغني من ابداع وتميز حقيقي هذا قمه الابداع على فكره التقيت فيها مره ثانيه ولا قطر وعدى خلاص مثل ما بقول المثل عندنا خيرها بغيرها
أخوكم زكي الصمادي مع كل الاحترام والتقدير لكم

الاستاذ الحبيب

زكى الصمادى

اولاّ .. حمداّ لله على سلامتك ونورت مكانك ومنتداك ..

ثانياّ .. ماهذا الشرف الى لايعلوه آخر ؟؟

شرفت وسعدت بحضورك بعد غياب طويل ونحمد الله

انك بكل الخير . وسوف نسعد بتواجدك البهى من جديد

ازاح الله عنك كل الشر وزادك عفة وسمواّ ..

كل الشكر والمودة والتقدير الى شخصك الكريم .

واهلاّ وسهلاّ ومرحباّ بك فى بيتك وبين اسرتك ...

وداد الهوارى كتبت :

الشــــــــباب مغــــــــلوب كـــــلام

ما أحـــــــــنا بنقول له : الســــلام

والحــــــياة .. ما لهـاش ملامـــــح

تفتكِــــــــــر فـ جـيوبه كـــــام ؟!!!
*****
ناس أبالســـــــــة .. يَّعشـــموهــم

م الحــــــــقيقـة .... بيســــرقوهم

أدمـنوا ، وما فيهمـــــــــش فـالـــــح

واللــــى فالــحــــين .. غـرَّبوهـــــم
*****
والبنـــات ..!! شِــــــركة فــــــلان

عـــــايزة طقـــــــم من الحِســــــان

رقِــة خـالـــص، عِطـــر فـايــــــــح

لإحـــــتياج .. أصــل الهــــــــوان!

وداد الهــــــــــوارى

الشباب ضايع لانه

الكبار عايزينه ضايع

والنهارده شهاده عاليه

عالحيطان وصاحبها صايع

والبنات مش لاقيه راجل

لجل يتلموا فى حماه

ادمنوا فن الخلاعه

والشيطان ساقهم معاه

والجواز العرفى زاد

واتلغى صون العفاف

والنتيجه جيل وضايع

جوز صيع على بعض لاف

وداد الهوارى كتبت :

البنات مش لاقيه راجـــل
لاجــــل يتلموا ف حمـــاه"
مِش باقــول إنت اللى قايل
تفهــــم أكــــتر ف الحــياة

لسـة رايحة أنطق وأقــول
والكلام ياخــــــد مــــــداه
عقـلى قال لى:والأصول؟!
كل جـــــرح وله دواه !!

وداد الهــــــــوارى

الجروح زادت يا ودّه

مللى بتشوفه العينين

قلت اكتب لجل اطلع

واكشف السر الدفين

السنين بالعمر تجرى

والبنات معظمها عنّس

والشباب عطلان ونازل

فى القيم عمال يدنّس

الشباب ليه تظلموه

ع اللى فينا بيعملوه

دوَّروا على حُضن دافى

جوَّه مصر ومالتقوه

*****

قالوا برَّه حُضنُه أدفَى

ياوداد طب مانتى عارفه!

الطوابير ع الطَّابونه

عمرنا مانشوفها واقفه

*****

إلاَّ فى المحروسه ! نِلقى

فى الطابورواقفه لنا فرقه

لقمة العيش .. اسألونى

صعبه مش كلمه وورقه





[b]

ام القوافى كتبت :

الأصيــــــــــــل هو اللي باقي

اللي جانا بخيـــــــــــره ساقي

قلب أبيــــــــــــض زي قلبك

ولكــــلامنا جــــــــــاي واقي

:

:


تــنـزع الغل اللي فينا

وتدادينا

تزرع القمح ف قلوبنا

وتعاتبنا

تبني ف المواضيع حكاية

نختشي حتى النهاية

وتصارحنا

وبكلامك

تيجي بالود تسامحنا

وتصالحنا

تعلا راية

تبقى للعلماء حكاية

حتى ف الشعر تلاقينا

تلتقينا

جوة قلبك

اللي شايل كل صحبك

وف عيونك

شفت دمعة بين جفونك

بتداريها

بس لما يكون مابينا

قلب ابيض زي قلبك


تلتقينا

كل مرة


نقول يادولا

أنت (والله ) اللي فينا

***********

ربنا يخليكى ليّه

ياللى واخده الشعر غيّه

وانت فضلك فوق صحابه

وانتى ليكى دين عليّه

قلبك انتى شمعه واحنا

كالفراش قاصدين لنورك

لو شعرنا بأى محنه

مستحيل النوم يزورك

انسانيه مش عاديه

جوه خامتك متداريه

قلبك انتى رغم حجمه

بس ساع الدنيا ديـــّه

استاذنا الجميل

دخلت قطـرك ع السريع

شوفت الدنيا حرب ودمار قتل وحريق

هوانت فى قطر إسكندريه

وللا نسيت وركــبت ف قطـرين الصــعيد

هههههه هههههه ههههه هههههه

وحشتنى والله .

وداد الهوارى كتبت :

شــبابنا ماشـى فـ الدنيـا
ضعيـــــف خـــــــربان
ما فيهم حـدَّ بالمَــــــرة
ما هـــوش عـــــــيان
مهاجر مِش لأى مكان

*****

زمـــان كان الشـــباب دنيــــا
صـدور حامية ولا البركان .
تلاقى الشـــــاب فـــوق كتفــه
يشيل أسرة ويعشق ُأمـته ُحرة
ولو بيموت ..يموت إنســـان

*****

حاربنا عشـــــان ما نتعـــلم
وُدقنا المُـــــر ده ألــــــوان
ولا للعــــجز بنسَّـــــــــــلم
ولا للفقـــــر ، والأحـــزان
فــــ ليه أولادنا .. تستســلم
لإيـــــد اليأس ، والإدمــان؟!

وداد الهــــــــــــوارى

ولادنا ضاعوا يا ودّه

وضاع وياهم الحاضر

ومين فيهم بقى يفهم

ومصر يكون لها خاطر

ما عدش الإنتما نافع

ولا وطنيه فى دماغهم

وإعلامنا مشاء الله

بفكر الغرب جاب داغهم

*****

غيّرتى البحر ليه يا جميل ؟؟؟

( إن عشقنا فعذرنا أننا فى وجهنا نظر )

إستاذى الجميل من أجمل أنواع التخاطب بين البشر والإرتقاء

باللغة , ما قرأته عن النساء الفرنسيات بعد الثورة الفرنسية

فكانو يجتمعن فى الصالونات لإنتقاء لغة أكثر جمالاً وتحضراً.

فإحداهن وجدت أنها إذا قالت لرجل مازحة معه , كلمة

( أنت عجًّزت وللا إيه ) كلمة مش جميله .. وانها إهانة له

فاقترحت تغيرها ..

فأجمعن أن يقـُلن بدلاً منها ( هلا رحل الحب عنك )

فأنا أعرف أنك مازلت شاباً وقلبك مازال ينبض فلتعيش وترى

الجمال كما شئت .

لك تحياتى .

إتقابلتوا ف قطرصدفه ؟

واللا ح تخاف م العوازل ؟

واللا كان بينكم ميعااااااد ؟

قول بجد امَّال ياعادل

نفسى آخُد كورس عندك

دا انت صحِّيت المواجع

بس جوه القطر...لأه !!

ياف ميدان ياف أى شارع !

الشوارع ؟ لأ دى زحمة

جوة قطر ها تبقا رحمة

م المشاكل

واللى جاى واللى رايح

ربنا مايرميك فى ازمة

الشوارع ياهناء زحمه
لكن .. برضه نور
أصل عادل فى الشقاوه
لازمه حد يكون جَسور
واما صليت استخاره
قبل ماابدأ فى المرور
شُفته فيها .. نمر كاسر
عنده .. يابنتى حضور
فى المساجله مالوهش تانى
قلت احسن .. اكون فى نور[center]

الخلول دا يا أميره..
واد مؤدب جى فلته
إنما العيب جاى من امه
دايره بيه فى كل حته
واما وصلت منتدانا
قالت اكتب إسمى حتى!
لأ وجى أخونا عادل
قال يقول( الست ) زفته
ربنا يبعدها عنا
لأ ياخويا .. ستك انت

[b][b]

يا اميره .. الصبر حلو
ليه بسرعه عاوزه نوصل
ليه نسيب القطر يمشى
لا وغلاوتك مش ح يحصل
لما نشبع م الكلام
وقتها نسيبه وننزل

إنما عن خصخصتنا
رايح احكى لك خبرها
خربوا ياما بيوت يابنتى
عمو عادل جاب آخرها[b]