القطر مل الانتظار

البدرشين نسخه شبه الاصل من اسيوط
البدرشين قطر اتقلب وميت شهيد
وناس بين الحياه والموت
البدرشين مش مشكله
البدرشين مش قنبله
دى قريه هاديه بس النصيب جابها هنا
سواق ينام وسواق قلب
ومسئولين ياه ع العجب
مع كل قطر بيتقلب
الف بيت بيتخرب
والله عقلى كتيييييييير تعب
مين السبب؟
ليه كل مره الغلطه تبقى غلطته
والبلوة تبقى بلوته
اشمعنى هو
وهو مين؟
انسان بسيط حلمه الوحيد
ينهى أوام ورديته
الكل عارفه جوه شارعه
مشهور بطيبه ف حتته
وتقولوا هو........
حرام عليكو البلوه دى مش بلوته
البلوة بلوة قطر مل
عمال يصفر ع المحطه
لو كان عليه
كان طفش
ركاب خنيقه
وقضيب عفش
القطر مل من حكايات الشباب
ومن روايات الشيوخ
كل ال فيه عمالين بيشتكوا ضيق الحياه
كل ال راكبينه بيقولوا اه
اشمعنى هو مايشتكيش
علشان حديد
دالى بيحصل يلين معاه اجمد حديد
وعود كتيره وامنيات
ومافيش جديد
ايه الجديد؟
كم فرد جوه النظام اتغيروا
ومليون فقير زى ماهما حلمهم يطوروا
ويلبسوا لبس جديد
الفول مجبس جوه معدات من فولاز
وسنان عنيده يتكسر بيها الازاز
القطر مل من الانتظار
خايف يقف يوم والعطله يبقى سببها جاز
وذنبه انسان بسيط
يشيل بلاوى الكبار
القطر مل م الانتظار
وقضيب حزين
مر السنين جوه منه معلمين
حد يجاوبنى
بالله عليكوا
مين السبب؟
سواق بيحلم انه ينهى ورديته
ولا الكبار المسئولين
بلاغ مقدم للنيابه منى انا
الحساب بدأ خلاص
قطر الصعيد والبدرشين
والف قطر بيتقلب
والف بيت بيتخرب
بلاغ مقدم للنيابه
والخانه فاضيه اكتبوا
مين متهم ........ومين برئ
ومين بيقتل فينا يامصريين
......................................
شاعر الحب الثائر
عبدالتواب الرفاعى

شاعرنا الصريح عبدالتواب الرفاعى
تحيه طيبه لحضرتك
قصيدة معبره عن الواقع وحقيقه نعيشها
اما الذى لانعرفه منذ عهد المخلوع حتى الان لاانه لايوجد اى فرق الا فى الاشكال من هو المتسبب ومن هو المسئول
استاذى الكريم تحياتى لحضرتك
دمت مبدع وصريح

قصيدة تحمل بين جنباتها آلاما و دموعا
لجرحك أصاب الوطن
كتبت فعبرت أيها الراقي
أحسنت

اشكرك حبيبى مجدى سرحان
اشكرك حبيبى عاطف الجندى

الشاعر أ\ عبد التواب

نص يحمل فى طياته الكثير من الألام والشجن

أما أن لنا أن نستريح ..؟

راااقنى المكوث بين حرفك الثرى أستاذى

شكرا لك ولكداد قلمك

لك تحياتى

اشكر الشاعرهيرمنى الخميسى

السلام عليكم

عبد التواب الرفاعي..إسم حينما تقع عيني عليه على نصّ شعريّ للوهلة الأولى أعرف بأنني سأستمتع وأُشبع ذائقتي.
جميل ٌ هذا البوح العميق الموجع النابع من أعماق الألم والمعاناة تأثراً بتلك الكوارث المُتلاحقة التّي أدمت قلوبنا جميعاً..
أعجبتني جداً هذه الصور....
(الفول مجبس جوه معدات من فولاز
وسنان عنيده يتكسر بيها الازاز)
دُمت بهذه الروعة يا شاعر

كلماتك رضا بيه محمود
اسعدتنى
وامتعتنى
وتقومنى
شكرا لك

» { جوه القطر } زجل قديم
» اوقات الانتظار
» *** الانتظار السريع***
» يا حارس القطر
» مرايا الانتظار..!