القطر دهسنى

عبدالتواب الرفاعي‏
انا مش مستنى منكم تعويض
ولاانا زعلان على موت ابنى
قدر ونصيب
ولامستنى تحددوا ليا تمن ابنى
ولا راح ابكى لان بكاي مش هيفيد
جوايا صويت واهات تتنى حديد
جوايا ألم ونار متقاده
عايز اعرف ايه احنا بالنسبالهم
هنفضل ليه خدم وعبيد
انا مش مستنى منكم تعويض
ولا مستنتى ييجى الريس ف موكب مرسوم ويعزينى
عزاي اشوف النار تحرق ال قتلهم
ال حرمنا ياناس وحرمهم من حلم عريض
القطر دهسنى والدوسه جوايا ف قلبى
ااااااااااااااااااااااااااااااااه اه ياقلبى
انا مش راح اقول اشمعنى يارب اخترت ولادى
ولاعمرى هقول غير كل كلام يرضيك
واول ما عرفت بموتهم اتوضيت
ايوا اتوضيت وشكرتك
وما اقدر غير انى اشكر نعمك ال بتزيد
بس برجوك وبحرقة قلب اتعشم فيك
عايز حقى
وحقى حسبته على الظالمين
وحقى بامرك ياحاكم فينا وراضيين
كراسة ابنى كان نفسى الاقى خط اديه
والواجب ال فضل سهران يكتب فيه لنص الليل
وامه المسكينه المقهورة قاعده تمليه
طب استيكته دورورا عليها
انا نفسى الاقيها يمكن تمسحلى دمع القلب وحرقة عين
شكلها ابيض قبل الحادثة
لو لونها اتغير بقى احمر انا راضى
بس الاقيها
بالله عليكوا يا مسئولين
لو ولادكم دول؟
كنت هتقعدوا كده ساكتين
وتخلوهم يعدوا بلاد
ويعدوا كبارى وقطرات لجل التعليم
ولا علشان احنا مساكين؟
ولا علشان كل وجودنا علشان نديكوا اصواتنا
ونصوت ليكم ف الانتخابات
واحزابكم تنجح والسلطه تبقى معاكم
لا مش ساكتين
ابنى انا سبته لايد المولى
وانا واثق حقى
هيرجعلى فيوم الدين
لوكان ارهابى ال قتلهم
او خطاف الاطفال جه ودبحهم
ولا السفاح كان موتهم
كان عادى
لكن ابنى يروح منى تحت القطبان
ولماادور على حاجه منه تصبرنى
حاجه تفضل ةويايا وتصبرنى
قلم برايه استيكه
جزمه لبسها ومر بيها كتير ف الطين
ااااااااااااااااااااااه طين الجزمه ال لبسها غالى عليا
والارض ال عدى عليها راح اوطى وابوسها
واكحل بيها انا عنيا
وصورته مهما ابروزها قدامى اهه بتنور سككى ف لياليا
رد ياريس لو كان ابنك
وانت يامسئول لوكان ابنك
وانت وانت وانت وانت
ماتردوش ولاتيجوا العزا
وبايه هيفيدنى عزاكم
وكلامكم بعد الحادثه
هنعوضعم مش مستنيين منكم احنا اى ملطوش
وال يحاول يعرض منكم تمن ابنى
يقرا الفاتحه على نفسه قوام
مش مستنى لاانا ولا غيرى منكم انتو اي تعويض
...............................عبدالتواب الرفاعى
2012\11\18
بدموع عنيا بلهجه اب صعيدى
وزنها احساسى وبحرها غلبى وقهرتى

SHOKRAN
ADEL
SANAD

لا شيء يعوض والد عن فلذة كبده ابدا

اللهم أقتص ممن أهمل حتي مات هؤلاء الابرياء

أحييك علي شعورك النبيل

خالص الود

_________________
محمود جمعة
**********
أماه أسأل حين جاء الموت ليلا..هل تراك ذكرتني
هل يممت عيناك نحوي حين كان القلب يخفت ..
والحنين يريدني
هل قلت مهلا ..ان لي ابنا وحيدا
في البعيد يشوقني
ام ان روحك في الطريق الى رحاب الله ..جاء يضمني
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو ارسل رسالة mah_juma@hotmail.com jumaaaman@yahoo.com thepoet9 متصلSHOKRAN
MAHMOOD
GOMAA

أخى عبد التواب
دام الإبداع و دامت الكتابة المعبرة
أحسنت ايها الراقي
تقبل خالص ودي

THANK
YOU
MR\ATTEF

ELGENDY

شكرا طاهر الصوفانى

ساعات بشتاق
ساعات بشتاق اكون عيل
ولا حامل لدنيتى هم
فى يوم العيد اقوم بدرى
والبس بدلتى واجرى
قوام على بيت جدى
ابوس ايده
واحضن ستى
والاقيها تحط اديها فى السياله من جوه
تطلع وتسالنى
بريزه دى ولا ايه ياعبده
واستعبط عليها واقول شلن واحلف
واخبط على باب عمى
يقول مين واقف بره
اقوله عديتى يلا
يقوم ياخدنى بالاحضان ويدينى
كوبشة شلنات
ومراة عمى تبوسنى من على خدى
وتدينى فلوس فكه
واجرى الف ع العيله
ونلعب هيله بيلا بيلا
وعسكر ورا حراميه
ونتخفى ونلعب استغميه
واروح لامى
ولا حامل لشئ هم
جعان يامه بسرعه المم
تقولى تلف وبترجع كده مفجوع
طب استتنى اسخنلك حته لحمه
ترم العضم وتقويك
ورغم انى معذبها
بتدعيلى فى كل ادان
روح يابنى ربنا يقويك
وتدارى عيوبى عن ابويا
ولما ازيد بتحكيله بيضربنى
تقوله خلاص مش يكرر واستهبل
واخد العلقه واطنش واعمل فيها كده عبيط
ولما اروح لبيت جدى واقوله ابويه ضربنى
انا فاكر بعكازه
وصوته الشديد فاكر
يهدد ابويا ويقوله
عارف لو مديت ايدك تانى
دى على ابنك دى هقطعها
وانا اضحك
واتنطط
وافرح فى ابويا وازيط
..........دى كت ايام لاتتعوض
لاشايل هم
ولابفكر
ولا دمى بيتعكر
ولا بحمل لحاجه هم
ساعات بشتاق اكون عيل
بمريلتى وكراستى ومقلمتى
وعجله ابويا جبهالى لمانجحت
ساعات بشتاق اكون عيل
وليه اشتاق
من النهارده انا عيل
ومش هحمل لبكره هم
ولاهحرق بايدى دم جوايا
مانا ربى ال خالقنى
وهو اعلم باحوالى
انا مالى بفكر ليه يجى بكره اومايجيش
ماهو جى سواء معايا اومعاييش
انا هتعب وهعمل ال يخلصنى
وليا رب يخلصنى من ال انا فيه
وليه اشتاق اكون عيل رب كريم
شاعر الحب
عبدالتواب الرفاعى