عمدة بلدنا

يا عمدة بلدنا

جربت تحزن زينا

جربت حرقة قلبنا

يارب م الموت تتعظ

وتراعى فينا ربنا

***

نارك بقى لها كام سنة

عمالة تحرق قلبنا

وانت كا،نك مش هنا

قايم ونايم ف الهنا

***

اوعاك تغرك سلطتك

او حتى تاخدك شهوتك

لمحطة تنزل عندها

وتكون دى آخر رحلتك

***

زيك وغيرك كان عُمد

والكل سلم للهدد

السكة لما بتنتهى

لحظتها سكة بتتوجد

***

شيخك وغفرك دول حطب

وانت يا عمدة أبو اللهب

وان قلت هقدر ع البشر

ف الأرض فى بركان غضب

***

دعوة مظاليم البلد

صارت جيوش مالهاش عدد

ف الأرض هىَ وف السما

وف كل مولود يتوَّلد

***

وقت ما ياِذن ربنا

وتغور بسمك من هنا

روحك هتصعد للسما

وتشوف نهاية حلمنا

***

ٍِِِاِسرع وبادر من هنا

قبل ما ينفذ صبرنا

ما عدش حاجه تتضمن

اِلا نهاية عمرنا

***

اِلحق بواقى فرصتك

قبل ما تخلص صفحتك

والتوبة تبقى مبهمة

تايها ف سحابة ظلمتك

********

مقدرش أقول

غير الله عليك

وتسلم اِيديك

يا عمدة الزجالين يا عم أمين