عُلِّيق بلدنا عِلِقْ

عُلِّيق بلدنا عِلِقْ
\
\
\
عُلِّيق بلادنا عِلِق=وبكل نبت أصيل
والنَبْت لو يتخنَق == إزاي نعيش يا نيل
كابس على قلبنا = والجيل فِ كعب الجيل
قطَّعْ مداس عمرنا = ودا حبل عمرو طويل

********
يا شعبي قوم وانتفض = هوَّا انته خايف ليه
مَ الفقر خدنا خلاص = والموت معشِّشْ فيه
هوَّا احنا متعبناش = مصايبنا بالزُّوفِة
سرقة وبطالة ومرض = متقولي فاضل إيه
*********
عيالنا كبرت قوي = ع المصطبة قاعدين
وقهاوي لمَّاهم = وِ شقانا راح في الطين
والرحمة عل الأخلاق = بيعاكسو بني آدمين
لا نَفَعوا اهاليهم = أو يبنو عشِّ أمين

********
يا شعبي قوم وانتفض = واكسر قيود خنْقتك
فرضوا الضريبة عليك = والضغط هيموِّتك
سقعان بترعش ليه = والغاز عطاه لْْحَيِّتَك
عديت لخط الفقر = من تحت فين غضبتك
*************
والنخوة إِمتى تبان = دا كتير قوي عَدِّنا
فرعون ومين تَبَعوه = هنغرَّقوا في مدِّنا
خلي الكتاب في القلب =بالنور نجيب سعدنا
والصحوة ليها رب =طب ليه يغيب مجدنا
*********
الشهدا اهم جاهزين = والجنة عند الرب
نفختهم الزَّايفة = غُزُّوها عَدُّو الصَّعب
بلدي ترابها دهب = تِسْوا نفك الكرب
يَنعيش كرامة العرب = يانموت نقول يارب

أرجوالتنسيق ومثابون ان شاء الله تعالى
دمتم مبدعين
واعذروني فهذا اوان الغيرة من تونس الحبيبة

الله الله الله

على الابداع

وكلامك الذهبى

ايها الرائع

القدير الطنطاوى حسين

أسمح لى بتثبيت رائعتك

ثم اعود لجمال حروفك

دمت بحب

الشاعر والزجال الجميل

الطنطاوى الحسينى

زجليه جاءت فى ميقاتها المضبوط . وبها من النصح

ما يكفى لاشعال النفوس ثوره .

وودت لو افتبس رباعيه . ولكنى وجدتهم اجمل من بعض

تقبل منى مودتى وخالص تقديرى ..