على شط ترعه ف بلدنا

على شط ترعه ف بلدنا
خرجت اشم انفاسى
مخنوق من كل حاجه
وصداع قوى ف راسى
لاقيتنى عمال بابكى من قلة احساسى
انسان ما عنديش دم
ولا عمرى شلت الهم
ابويا ربانى وكبرنى
علمنى وجوزنى
وجبلى كتير وجهزلى كمان كل جهازى
وحالنا ضاق واتغير
ومين كان يتصور
اشيل وانا على كتفى
اشيل مقطفى اه وفاسى
ما قطر العمر جرى بيا
نسيت تعليمى وشهادتى
ومين ينفعنى دالقتى
ابويا ظروفه ف النازل
وانا طالع عاليه ونازل
ماكنتش عايز اتنازل
واكسب ان من ايدى
شفت خيالى ف الترعه بيتمختر
بسرعه لاقيتنى بفكر
وقلت لازم اتقوى
انا عايش بلا حول وبلا قوه
من اليوم هبقى بعلمى انا فتوة وهوهب نفسى انا القوة
لاقيت الشط بيزغرد وبيغنى
وبيقولى
ماتقلقشى سيبها ياعم عل المولى

كلماتك جميلة

والفكرة رائعه

ولكن نصيحة لا تتعجل فى انزال النصوص

حتي يمر عليها الاعضاء ويضعون انطباعاتهم عن النص

واهلا بك فى منتداك

كلمات بسيطة وسلسة فالاعتماد علي الغير شئ مدمر لشخصية الفرد وكيانة

اشكرك بسمة الورد وا قدرك

اشكرك استاذ احمد رجب

اشكرك استاذة ايمان

الله ينور يا أستاذ عبد التواب

بارك الله فيك و زادك جمالا و تألقا

شكرا لك استاذ عاطف لن اكون الا بكم
لاول مره اتلقى تعليقات جميله وواضحه
وخصوصا انها من متخصصين مثلكم
لاننى قبل ذلك كنت اكتب ف اكثر من مجموعه شعريه ومازلت
ولكنكم منتدى جميل ومنظم
اعانكم الله علينا