كنت بسيط

موضوع: كنت بسيط الأربعاء يونيو 17, 2009 11:29 am

كنت بسيط

كنت بسيط
والبسيط في الزمن ده يعني عبيط
...................................
كنت قلب كبير صحيح
كنت حب منير صريح
كنت بلسم كل جريح
كنت مش كداب حويط
يعني بسيط
والبسيط في الزمن ده
يعني عبيط
...................................
والعبيط النهاردة
غرقته تحت المحيط
بحره غويط
يستغيث بالصويت
كل مايقول ألحقوني
يلقى نفسه في الحضيض
كنت بسيط
والبسيط في الزمن ده
يعني عبيط
...................................
جيت في يوم فتحت لحظة
شفت كتير
لما مرت بيه محنة
عرفتني الصُغير مـ الكبير
والصُغير منه كتير
والكبير عمله نادرة
في زماننا
مش كبير.. أو أمير
لأ ده أشبه بالحمير
أو يشاوروا عليه بإيد
ويقولوا له ده العبيط
كنت بسيط
والبسيط في الزمن ده
يعني عبيط
...................................
كنت بسيط
ولسة برضه حافضل بسيط
لكن من دروسي لازم استفيد
والمفيد
إني حابقى مش عبيط
أو حويط
بس اللي يستبيحني
أو يحاول يوم يزيحني
يلقى ضرس من حديد
وإذا كنت أنا البسيط
البساطة مش عبط
ولا ييجي يخدعني لبط
و أيوه بسيط
بس عمري ماكون عبيط
...........................

موضوع: رد: كنت بسيط الأربعاء يونيو 17, 2009 11:48 am

أخى طارق
من مساؤى هذا الزمان أن يشار
الى الطيب بكلمة عبيط
و لكن هذه هى أحوال الناس
للأسف و لكن المهم ان يتعلم الإنسان من أخطائه
جميل ما كتبت أخى الرائع

موضوع: رد: كنت بسيط الأربعاء يونيو 17, 2009 6:30 pm

موضوع: رد: كنت بسيط الخميس يونيو 18, 2009 5:59 am

الحبيب الغالى الشاعر
طارق منيب
البساطه جميله فى كل شيء . يا عم الطيبين هما اللى عايشين
وان كنت بتجلد نفسك علشان طيب . خد نفسى معاك واقتلها
لانى غلبت اغيّرها ما عرفتش . ياللا . كل واحد منه لله
معلش حسيبك علشان رايح اشترى جمبرى .. اجيبلك معايا ؟
؟

موضوع: رد: كنت بسيط الخميس يونيو 18, 2009 5:38 pm

خالى العزيز :
أنت فعلا أنسان بسيط وأنا أيضا مثلك فأنا أعشق البساطة مع أحتفاظ النفس على أحترامها لذاتها وعمر ما البساطه هتكون عبط لعدة أسباب منها أن الأنسان البسط ذكى والدليل على ذلك ندرتة فى المجتمع ونجاحة فى أجماع الناس على حبة وأيضا أصطدماه ببعض الأشخاص البهاء لأنهم يقتنعون أنهم أذكى منة ألى أن ينتصر عليهم بذكاءة فى البساطة والأنتصاروتكون صدمتهم شنيعة فى هذة الأنتصار كيف حدث فنرد عليهم وأن ينصركم الله فلا غالب لكم فأن البساطه حب من الله لصاحبها فادعو الله أن يديمها عيه وعليك وعلى مسلمين الأرض وتقولى عبط لعلمك الموضوع لادة أستقذنى جدا فى تحليل هذة الظاهرة لأنى أنا فيها وللأنى فيها أواجهاوأحتمال تلاقينى كتبت حاجة فىالموضوع ده أنت بتدينى أفكارة بناءة لأن هذة الظاهرة لو قمنا بتحليلها ودراستها ممكن تفجرلنا أفكار كتير جدا لذلك أطلب منك طلب أنت الذى فتحت ذهنى له عندما نناقص موضع أو حاله فى القصيدة لامانع لان نتعمق أكثر فى هذة الحالة لنخرج منها حالات أخرى ربنا يوفئك ومعلش أذا كنت طولت عليك
لك منى كل الود

موضوع: رد: كنت بسيط الجمعة يونيو 19, 2009 6:25 am

الاستاذ طارق
فى راى
العباطه هى....انك تكون مش فاهم
وتعمل نفسك فاهم
اما البساطه وطيابه وذكاء
هو انك تكون فاهم وعامل نفسك عبيط
تحياتى وتقديرى clown

موضوع: رد: كنت بسيط الجمعة يونيو 19, 2009 6:36 pm

أخوتي الأعزاء
السلام عليكم ورحمة الله وبركاته،،د
معذرة للتأخر في الرد على مروركم الكريم .. لأني كنت مشغول جداً بطريقة مزعجة.. وأول مالقيت وقت طبعاً قلت لازم أعلق عليها..
على فكرة .. القصيدة بتعكس فترة من حياتي كنت طيب فيها لدرجة العبط.. ولكن الحمد لله ويارب ديمها نعمة.. أنا دلوقت أطيب من الأول بس عرفت أفرق بين الطيبة والعبط.. بعد طبعاً ما خسرت كتير.. سواء مادياً.. أو نفسياً..
حابدأ بالأستاذ/ عاطف.. تصدق ياأستاذ/ عاطف .. للأسف الشديد.. البلد الوحيدة في العالم اللي بتستخدم فيها كلمة طيب على أنه عبيط.. مصر .. مش فاهم ليه..وأصبحت كلمة طيب شتيمة.. ده طيب.. والناس تضحك.. ولكن الحمد لله الطيب حيفضل طيب بمعناه الجميل اللي ممكن نحافظ عليه إن شاء الله.. ومش حنستسلم للفيلم الأمريكي آخر الرجال الطيبين .. لأ لسة فيه طيبين كتير جداً.. بمعنى الطيب الصحيح..
شكراً لتحيتك لي أستاذ/ محمد سالم وتشرفت بمرورك...
الأستاذ/ عادل .. عزومتك للجمبري جت متأخرة.. وعموماً تتعوض.. وواضح أنك إنسان طيب جداً بامعنى الصحيح..
رشا.. كثيراً باشوف نفسي فيكي.. وفينا صفات مشتركة كتير..
الأستاذة عزة.. مفاهيم عميقة تعبر عن خبرة كبيرة..
أضحكم.. كنت لسة باجهز قصيدة أشتم فيها فريقنا لكرة القدم عشان مباراة الجزائر.. باقول فيها..
هي ناقصة حرقة دم .. مش كفاية اللي احنا فيه
كل شئ حوالينا يغُم.. نيجي نضحك نبكي عليه
ولكن ولله الحمد .. فريق الكرة بوظلي القصيدة بمباراتي البرازيل وإيطاليا.. والحمد لله أنها باظت.. وعل فكرة لازم حاحييه بقصيدة.. لأنه عبر عن الإنسان المصري عندما يجد الفرصة في أي مجال يمكنه أن يبدع.. والدليل اللي برعوا برة مصر مثل الباز وزويل ويعقوب لما وجدوا الفرصة..
أخوكم
طارق

» الصراخ المكتوم
» تاه الوطن
» بحر البسيط، بس مش كلام بسيط
» اختبار بسيط لمحاسبة النفس
» قصيدة بعنوان سؤال بسيط