قصيدة بعنوان سؤال بسيط

سؤال بسيط

***

مستكترين ليه علينا الفضفضة

وليه ماحدش م الاكابر منتبه

ان القنابل فى الحروب متفجرة

وان القنابل فى النفوس متوترة

مالهاش ميعاد

وفى اى وقت ح تنفجر وح تنفجر



وسؤالنا يبقى لنفسنا ليه ننتظر

وايه ح يحصل ياترى

وبدال مانمشى خطوة واحدة للامام

الخطوة تتقهقر ورا

يبقى ضرورى نقول لكل المبدعين

المخلصين

اتكلموا او فضفضوا



وقبل ماتقيموا الجهاد

والثورة على كل الفساد

نفضوا تراب السكات

واطهروا

واتوضوا من مية مطر

وصلوا وادعوا للوطن

واستحضروا قوة الله فى الصلاه

يمكن يزول عنا الخطر



***

الله الله الله عليك

استاذ فوزى الشريبينى

قصيده ولااروع منها قصيد

بجد تحفه فنيه

تسلم ايدك وقلمك الرائع

ملحوظه

تثبت بواسطتى

لروعة الحرف والمضمون

جميل جدا ياعم فوزي
بتتكلم بلسان المبدغين كلهم
لأن قلبك أبيض
قصيده رائعه
ونصيحتك ع العين والراس
تقبل مرور


ابنك
جمال الدليل

حبيبى الشاعر الكبير فوزى الشربينى

شاعر البحر والنيل ، شاعر الاسكندرية والقاهرة

أدام الله عليك نبضك المتدفق ، واحساسك الصادق ، وكلماتك المعبرة الجميلة

التى دائما نستمتع بها منك

وكل عام وأنتم بألف بخير