أم الخير مهداة إلى الشاعرة الكبيرة زينات القليوبي

[code]أم الخير
***
إلى الرائعــة / زينات القليوبي

و عامله أيه ؟ و أخبارك بتوحشنـا
يا نسمة فجرنا طاله على التسابيح
يا ضلايه من الجنـــــه
يا نهر المسك و العنبر

ياأم الخيـــــــــــر

وأخبارك ، جرى لك أيــه ؟!
نسيتينا و هنَّا عليكى تنسينا
وتمحينا من التفكيـر
فلا تقولى المـرض و لا َّ
مشاغل الدنيا وخداكي

فمن أمتى بتسينـا
فلا نخطر على بالك

ولا تقولى بقيتى ف دنيتك شــارده
و ماشيه تسحبي فيها على المكشوف
فلا سكــــر و لا غيره
و لا حبه وجع ف القلب راح يقسـوا
عليكى يا زينة الشعرا
و لو كان الوجع صابـك
ماهىَّ ضريبة الشعـــرا

وجع فى القلـــب والرئتين
و كبد طحاله .. قول شبرين
و سكر نادى بفتــــوه
فجاله الضغط و الجلطه
لاموه الاتنيـــــــــن
بإنه استقصد الشعــرا
و قالوله معاك يا حلو مش ماشيين
و راح نفضل معاك قاعدين
على تل الألم و الجـــرح
متقاسمين !
فمن يقدر يشوف حالنــــا
ولا يمرضش ؟!
ومين يقدر يشوف النكسة و التانيه
ولا يحزنش ؟!
فكونى زى ماعرفتك بقلب شجاع
و لا يهمـــك
وجع ما أنت اللى قاسيتي
ولا قولتيش
و أنت ِاللى زرعت ِ الصبر ..
مصبرتيش !!
و كنت ِ بتصرخي فينـا
تهون الروح و ما هنَّا
على بعضينا والغمَّــه
مسيرها ف يوم
تغور فى سكة الخاسرين

فعودى لقوتك تانى
و سيبينى أعود للفصحى
من تانى
أسجل فيها ما يبــدو
و أبعد فيها ما يدنو
و أخلط حلمى بمواجعى
و أحزاني بأفراحـى
و أرسم دنيتى وطنى
و نايي غنوة العاشقين

فعودى لنا
كما كنت ِقمر ونَّــــاس
لكل الناس
على دربـك
هنا ماشيين
****
[/code][td]