فضفض .....

إن كمموك مصلحة دا الجو كله غبار
..
وإن يعملوك مروحه طري علي المشوار
..
وإن يسحبوا الترخيص بالضحك ف الأحزان
إطلب رقابة كمان

..

الفضفضة ف أحيان كتير بتزيد من الخنقة
والكتم جوه الروح زي إنتحار مغشوش

بترعى ولاقي وكلك ...
ومش حاطط دماغك بين مشاكلك
يلف العمر وانت معلى روحك
تجاوب

عايز اكتب حاجة خفيفة للبنات
عشان يفتكروا ابوهم
الصياد / المحامي / اللي فيه ناس - برغم العك اللي هو فيه -
بتقول عليه
شاعر
..
الانبساط واعر
..
واللي أوعر منه تفضل ف انبساطك
ايه يخضر لك بساطك
إلا عقل بقلب صاحي
..
ظبطوا بصوتكم سلاحي
وإرسموا لي فوق رموشكم
ضحكتين

عايز اكتب حاجة خفيفة للبنات
جايز يفتكروا ابوهم
الصياد / المحامي / اللي فيه ناس - برغم عكه ف كل شئ -
بتقول عليه
شاعر
..
الانبساط واعر
..
واللي أوعر منه تفضل ف انبساطك
ايه يخضر لك بساطك
إلا عقل بقلب
صاحي
..
ظبطوا بصوتكم سلاحي
وإرسموا لي فوق رموشكم
ضحكتين
..
قبل ما ابدأ - شرط - يعني
..
لما جيتوا
جيتوا ف الوقت المناسب
أيوا كان الحزن لسه والخوف والقلق ليهم رواسب
بس روحكم جمب مني أكبر مكاسب هي

مش كنت طيب والزمن بيقولوا