فضفض .....

الذكريات
براغيت بتمص دم العيشة وتنكد عليك
ف متتسندش - بقوه - ع الماضي
وازن ما بين الحالي والمتعاش
النكتة ف الانعاش
ف ياريت تبطل تلتجئ ليها

انا لسه فاكر فرحتي
بكتابة إسمي علي التراب في الأوضة قدام والدتى
وقت اما كانت ليا بتجهز غدا
وقالتلي : شاطر
..

طول مانت مش بتخف خف الفضفضة
ومتفتعلش الحكمة في تياب الفضا
كل الجرايح لو هتكشفهم مضى
علي سيل دماهم
طبطبات الأدعيا

الدنيا بتتسحب بشويش
في تياب العيش
والجري وراه
..
إن وقفت تجوع
وإن جريت
قد الكفاف
تلقاه
..
وطنك فتاه ....
مفتون
ومعدش شئ مضمون
مضمون كلامي يدوب

الدنيا بتتسحب بشويش
في تياب العيش
والجري وراه
..
إن وقفت تجوع
وإن جريت
..
قد الكفاف
تلقاه
..
وطنك فتاه .... مفتون
ومعدش شئ مضمون
كل الوعود
البيض
خاليه من المضمون

يا بعد هذي القصة الحمقاء من روحي
لا شئ يقتسم الوجود هنا معي
ان ابتسام الوقت يقسم أضلعي

والدي كان دايما بيضحك
مهما كان الحزن شايفه
والدي لما يعدي شارع
كل ناسه بروح تضايفه
والدي

والدي كان دايما بيضحك مهما كان الحزن شايفه
والدي لما يعدي شارع.. كل ناسه بروح تضايفه
والدي عدا العمر بيا
ومفتكرش فمرة صابني بكلمة شاردة من شفايفه

احييك على حرفك الجميل
وسعيد بمتابعتى لإحساسك الراقى

طاهر طاهر كتب:

احييك على  حرفك الجميل
وسعيد بمتابعتى لإحساسك الراقى

يارب تسلم يا أ/ طاهر

طبيعي
ولسه باشخط في المدام
وأقفل عليها الخط قبل ما تكمل
سبع البرمبه وباستخبى ف شخطتي
وإعمل بإنى وصلت للمطلوب
مغلوب في كل المعروضات
إيه يعنى لما تخش جمبي بقلبها المغلوب
واخد بطولة في تحديفات الطوب
وبحس بالراحه
لما العيون الساكنين جواي
يلومونى ع التخاريف )
..
(يمكن عشان مبقاش لوحدى ف بؤرة التحديف
ماهو رد فعل من الانا لسه مكبرتش

من أول ما اتعلمت تشخبط اسمك تحت عيون الوالدة ف بيتكوا البحري لحد الآن
لساك إنسان ولا إتغيرت !؟
..
2)
طب فاكر تذنيبك في طابور الصبح والنظرة ف عين التلاميذ
طب دا الأصعب ولا الأصعب تذنيبك قدام الروح !؟
..
3)
لساك بتسيب الباب مفتوح
زي ماكنت ف بيتكوا البحري
ولا بتتأكد بالمفتاح
..
4)
الكحكة زمان طعمها مش نفس طعم الكحكة ف اجندة سكرتير الجلسة
..
5)
زمان كنت بتصيد سمك كتير .. بسعر قليل .. وبتضحك
دلوقتى العكس .. ومبتضحكش
..
6)

طبيعي
ولسه باشخط في المدام
وأقفل عليها الخط قبل ما تكمل
سبع البرمبه وباستخبى ف شخطتي
وإعمل بإنى وصلت للمطلوب
مغلوب في كل المعروضات
إيه يعنى لما تخش جمبي بقلبها المغلوب
واخد بطولة في تحديفات الطوب
وبحس بالراحه
لما العيون الساكنين جواي
يلومونى ع التخاريف )
..
(يمكن عشان مبقاش لوحدى ف بؤرة التحديف
ودا رد فعل من الانا

طبيعي
ولسه باشخط في المدام
وأقفل عليها الخط قبل ما تكمل
سبع الفلا ..
وبيستخبى ف شخطتي
عامل بإنى وصلت للمطلوب
مغلوب في كل المعروضات
إيه يعنى لما تخش جمبي بقلبها المغلوب
واخد بطولة في تحديفات الطوب
وبحس بالراحه
لما العيون الساكنين جواي
يلومونى ع التخاريف
..

زيك زي الموج اللي بيتخبط ع الشط
رغيك صامت ,صامت بنتك عن تخاريفك
وانت كمان
..
تربست الروح ...
ومشيت
..
مغشوشة الوحدة بمعنى وحرف وبيت
..
إن كانوا ساعات
مبيتفهموش
..

زيك زي الموج اللي بيتخبط ع الشط
رغيك صامت
صامت بنتك عن تخاريفك
وانت كمان
تربست الروح ...
ومشيت
مغشوشة الوحدة بمعنى وحرف وبيت
مبيتفهموش
ف إزى هتحوش
تخاريف الوحدة بنص عقيم
..
((انا كنت سليم
قبل اما اخلص جيش
ووالدي يسلم علي جدي المرحوم
ويقوم
..
كان يوم
21
سته
الفين وأربعه
))
دلوقتى ماليش
باضحك وبعيش
..
والأكادة إن الحياه أهدتني
..
كرش
..
*- طب يعني قاصد باللي فوق إنك حزين
..
والله يعني يا صاحبي وارد
ولا أقولك
مفتكرش

انا مش مثقف
ولا بعرف اكتب حاجة ملوية
و إيديا أخشن من إيدين الفاس
وشقوق كعوب الرجل من مدة
مبقاش ينز الدم
من بينها
..
ف متحسبوش الفيس من الترفيه
انا قولي - وياكم - بيلم حرق السكة وبيرفيه

انا مش مرفه
ولا بعرف ألوي لساني بالاحساس
دي إيديا أخشن من إيدين الفاس
وشقوق كعوب الرجل من مدة
مبقاش ينز الدم
من بينها
..
مقادرش أعمل روحي مسامعشي
وأكتب بإني سعيد
من بعد ما اتحزمت بالأخبار
..

مبقتش بساعد مجنونتي ف حواديت البيت
ويدوبك بس بغير ريقي بكام ضحكايه من البنتين
دي سنين بتسرسب احساسي ف دفتر ممسوح
ضحكة أحلامي بتتشنكل
ف تخض الروح
و كلامي سطوح
..
بيغطي عقارب أوجاعي
..
’’حسك ساعي
يسعالك بالزور ويغشك
كل المخاليق الحمضانه جايه تحشك
كرمش وشك
وأعمل علي قد الناس
...
كرانيش ’’
..
مبقتش بعيش
إحساس الغربة المظبوطة
ف أغاني منيب
محتاج تقليب
جايز تتسوا مداخل روحي المشروخه ف تحس الغربة علي أصولها
..
’’كيف بصولها !!؟
وبلادك م الدود محصولها
وشروقها
مغيب !؟
’’
ماهو أصل الأعراف والواجب بيقولوا الفاضلين ف القعده
هيشيلوا لوحديهم - طبعا -
تمن المشاريب

مبقاش شروق الشمس يشبه للشروق
دم الوطن بيكش في بواقي العروق
وحبيبتي وقت ما نبتدي نلاقي الحياه
بتزيد ف نارها ...قال..
وبتداوي الحروق

الكلام
مبقاش يعالج حاجة والله
ويوماتى كل الموجودات بيكش منها الطعم وبتتمسخ بشويش
دوران رغيف العيش ورا منا لاجل يدوق
وكإنه قال محتاج يتهز من عرشه
ويلملم الفتافيت
..
انا لسه مش خفيت - علي رأي حبايبنا
لسه الحياه بتدور ......بتاخدنا وتجيبنا
واللي اتملا ف النور.. العتمة بتفضيه
بطلت أضحك ليه ..إبقي اسألوا شيبنا