فضفض .....

قولوا لها أن المواطن صار يأكله...
الرغيف

وبقيت بتشبه حد معرفتوش
واحد سخيف الفكر والاحساس
مضغوطه روحك كل مادا تبوش
وتركت حلمك م الزمن ينداس
...
ليه كل فعل بيمسخك أديت

الجيره عيره وكل شئ مكشوف
والوحده عهده وحط فيها الخوف

هانت
مفضلش غير كام إمضى ونعدي

بطلت أهتف شمس / حرية
وسبحت ف عيون الوطن ف غرقت
شربتني بنت ال.... تسليه
وبرغم هذا ف وقت خوفها شرقت

وفرحت قال
وطبعت أعمالك ولميتها ف ديوان
ومضيت علي الاهداء
وضحكت

وكل ما بعدي ع المقابر
بقول في سري
هانت
واقرالهم الفاتحة

مش باقي منك حاجة والواقع هلامي
وهتاف سعادتك ف الخلا خلخال حرامي
قالك هنصبح شفتشي وصبحنا شيف

إكرع يا عم الحر دا الكوكب بيكرع

مفضلش من توبك يا واد غير دلقتين
ساترين عليك
...
سيبهم وبطل تكشف الاحساس
لا الروح بتشفيها السطور ولا تنفرد بالناس
الصمت أفيد م الأنين
والقول
إمشي ف طريقك عكس ناب الغول
وإن دق نابه في عرضها والطول
إطلع

مفضلش من توبك يا واد غير دلقتين
ساترين عليك
...
سيبهم وبطل تكشف الاحساس

’’الليلة كعب الحزن متحني
ف قالولي متعود
ياخد يومينه وكلها أوجاع
مبينحسبش العمر من غيرها ’’

دي الدنيا أصلا رتمها .معكوس
علي كل بدر بعزمها ..بتدوس
بتحب تسحب حلمها المغروس
وتشده منا ببطء
وتأني

لساك مسالم والمعايش حرب
وتمللي ضاحك ف الوجع والكرب
طب قوللي قبل ما تمشي نمشي إزاي
لاجل الحكاوي تخف موج الضرب
..
قربت من توب السما ومشيت
سيبت الملايكة للندى ياخدوك
وضحكت لما لجمعهم خشيت
وضحكت أكتر أصلهم
عرفوك


سامح يا صحبي