فضفض .....

موضوع: رد: فضفض ..... الأربعاء مايو 25, 2016 2:22 pm

زي النهاردة من سنه
كان يوم جوازنا
تفتكري ايه اللي اختلف فيا
...
نفس الغلاسه والكسل نفس الهدوء
نفس الولا الحيران علي بلاد العسل لاجلن يدوق
...
انا كنت
زوق
...
ومازلت
...
متحوريش المسألة وقولي
..

موضوع: رد: فضفض ..... الخميس مايو 26, 2016 7:14 am

عارف بإني تعبتكم جمبي
معلش /هانت
كلها كام سطر وتنور
...
فرقوا الشربات
...
جددنا عهد الاختلاف
وبقينا جته خالية م الأرواح
حلوة البنية ف مشيها المقلوب
تشبه سباطة نخل
ف الحنضل
...
شايف يا واد
حكم الديدان والسوس
مخابرشي ليه بتحن للهكسوس
جايز عشان لونهم ماهوش لونك
فالضرب منهم
والوجع
مقدور
..
إكفي الماجور
- العيش-
بطل يبوس الشمس
..
الضحك أوجع في انفجار الهمس
..
ميت ونازل ف النوازل طمس
عشمان يغير
وسط منها
التوب
...

موضوع: رد: فضفض ..... الخميس مايو 26, 2016 8:35 am

عارف بإني تعبتكم جمبي
معلش /هانت
كلها كام سطر وتنور
...
فرقوا الشربات
...
خلاص
..
جددنا عهد الاختلاف
وبقينا جته خالية م الأرواح
حلوة البنية ف مشيها المقلوب
تشبه سباطة نخل
بالحنضل
...
شايف يا واد
حكم الديدان والسوس
مخابرشي ليه بتحن للهكسوس
جايز عشان لونهم ماهوش لونك
فالضرب منهم
والوجع
مقدور
..
إكفي الماجور
- العيش-
بطل يبوس الشمس
..
الضحك أوجع في انفجار الهمس
..
ميت ونازل ف النوازل طمس
عشمان يغير
وسط منها
التوب
...
عارف بإني تعبتكم وياي
كل اللي فات
دا
فضفضه
لمافيش
بس الحقيقة الحق حتما جاي
وبلدنا بكره يهز روحها
الريش
..
والأهة والوجع الكئيب هيكون
لاجل إبتسامة حلمنا
بقشيش
..

موضوع: رد: فضفض ..... السبت مايو 28, 2016 1:28 pm

وبمناسبة الشايب
والكلام عنه - كان فيه زمان لعبة - وإحنا صغيرين دايما بنلعبها
كان اسمها - الشايب ..ينضرب
..
ومكناش بنضرب الشايب
الضرب كان ع اللي ف نهاية اللعبة بيفضل معاه
..
إحنا دلوقتي نازل علينا الضرب
فأكيد عشان لف الزمان بينا
ومسكنا ف الشايب

موضوع: رد: فضفض ..... الأحد مايو 29, 2016 6:45 am

لسه البلل ف الروح طالع بيرويني
ختم الوجع ع الأرض ليه باقي
خايف أقولك أنا يا حبيبتي قويني
تدي المشاعر قلم ...
وتقولي ترياقي

موضوع: رد: فضفض ..... الإثنين مايو 30, 2016 7:09 am

مظهرش منك ف الصور حاجة
مزعج وعينك واقعة م الألوان

موضوع: نحية خالصة الإثنين مايو 30, 2016 4:45 pm

لازالتالفضفضة تتلآلآ فى عام الأدب والإحساس الجميل

تحياتى وتقديرى

موضوع: رد: فضفض ..... الثلاثاء مايو 31, 2016 10:43 am

ربنا يبارك لك استاذنا
ويارب استحق

موضوع: رد: فضفض ..... الثلاثاء مايو 31, 2016 2:58 pm

مبقتش تخدش روحي ولا تاجي
وسط الكلام من بحرها الداجي

موضوع: رد: فضفض ..... الجمعة يونيو 03, 2016 2:22 pm

ليه لما بنوصل إحساسنا ..... يرجع مقطوع
والفرحه بتخبط علي بابنا ....وساكنها دموع
جايز علشان إحنا كبرنا ...
ف عرفنا الخوف
والدنيا إن صدفة بتشبعنا .......بنحس بجوع

موضوع: رد: فضفض ..... الإثنين يونيو 06, 2016 2:59 pm

ومش لازم تغمقها ياعم الحج
بلاش تحتج بالواقع
وما نحياه
..
هتتعدل
..
ومتحطش ميزان للبوح
يجوز الكلمة لو مبقتش موزونة وطالعة ف انفعال الروح
تسافر ف البشر وتروح
لأبعد مما تتخيل
...
هتتعدل
..

موضوع: رد: فضفض ..... الثلاثاء يونيو 07, 2016 5:40 pm

شعرك بياضه بيعزمك ع الريح
وبقيت تخبي النهجة م البيت والحيطان
نهتان وروحك ...كل ما دا تسيح
وفسيح كإنك ..........علبه م الألوان
..
عمرك بيمشي وماشي تسند فيه
والسطر أوسع سكة لك ....للنور
عامل تمللي م الوجع ....إفيه
وبتملا كاس الصفحة بالمستور
..
خبيت وطن وكشفته بس مفيش
حدوتة خالية ..

موضوع: رد: فضفض ..... الثلاثاء يونيو 07, 2016 6:36 pm

خبيت وطن وكشفته بس مفيش
حدوتة جاهزة تدلع الحرافيش
حرفوش وحاير م الزمن والناس
وبتخفي روحك وانت مبتخفيش

موضوع: رد: فضفض ..... الثلاثاء يونيو 07, 2016 6:55 pm

شعرك بياضه بيعزمك ع الريح
و بقيت تخبي النهجة ف البيت
م الحيطان
نهتان وروحك ...كل ما دا تسيح
وفسيح ..
كإنك
علبه م الألوان
..
عمرك بيمشي وماشي تسند فيه
وإزاي بتعمل م الوجع ...إفيه
دا السطر أوسع سكة لك ...للنور
خليه يشد كتابنا ...ويصفيه
..
من كل نقطة عديمة الاحساس

موضوع: رد: فضفض ..... الثلاثاء يونيو 14, 2016 8:07 am

والكراسه ف ايد مصاصة ..
قلب ربيع بتحبه رصاصة ..
أحسن وقت ف عين قناصة ..
لما الضحك العالي يهيص
...
الدباسه بدون دبابيس
...
طعم الحاصل ...مر مسكر ..
مهما نواصل ...مش بنفكر ..
شمس الكوكب ..حلم إتعكر
بعد ما كان الضي ونيس
...
الدباسة بدون دبابيس
..
عملت طفرة ..جيوش البفرة..
لما اتفكت فينا ..الشفرة ...
راحت نقرة.. ف ولدت حفره ..
خايب عدّل ...ع ..المتاعيس
..
الدباسة بدون دبابيس
....
طار الورق النادي وعدى ..
ويا بحور الجرح اتغدي ..
وحدك ..
ليه بتشوط ف العارضة ..
لما بترضي الهم يقيس
...
......
......
والدباسة ف بحر نخاسة
طالعه تنقط للرقاصة
بس خسارة عليها الظاهر
طلعت
بس
بدون دبابيس

موضوع: رد: فضفض ..... الثلاثاء يونيو 21, 2016 7:34 am

وف كل شئ فيه شئ مفقود
بنعوّد الروح ع الموجود
وسواء رضا أم كسر طموح
فالعمر م الخيارات
....
محدود
...
حطيت مثبت ع الأحساس
فاتنعكشت تصاوير الناس
مش كل - ثابت - يبقي خلاص
طبع الحياه بالحركة
...
تجود
..
شبعّت م الوحدة التواريخ
وعملت بالأحرف شماريخ
ليه كل ما انطق روحي تشيخ
وتحط ع الكوكب
...
وتعود
..
,,,* كنت إدتهوملي فلوس أشتري للركبة دهان..
أبااااي ما مجلع قوي يا عبد الروحمان
طب دا انا ليا ست سنين
مزروعه ف ضهر الباب
لم طلوا عليا أحبه ولا أغراب
خليهم
ينفعوا
أعملهم أكفان
,,,
-----
* الأبنودي

موضوع: رد: فضفض ..... الأربعاء يونيو 29, 2016 10:02 am

لسه الحروف منزوعة الأحشاء
والمعنى بطن ف قلبه مش شاعر

موضوع: رد: فضفض ..... الأربعاء يونيو 29, 2016 10:15 am

لسه الحروف منزوعة الأحشاء
والمعنى بطن ف قلبه ميت مسخوط
مين اللي ممكن يغلب الأنواء
والحلم نكتة ف عمرنا الممطوط

موضوع: رد: فضفض ..... الأربعاء يونيو 29, 2016 4:37 pm

بس ف قلوبنا مرار... والدق بيزيدها
والعمر لما اندار ... الذكري بتعيدها
كل الحكاوي غبار
والكره زار الدار
بنقولوا نطفي النار وأحنا اللي بنقيدها

موضوع: رد: فضفض ..... الأربعاء يونيو 29, 2016 4:42 pm

30 ستة يا 30 ستة
جيتي فردتي ضهور الجته
بيكي اتعملت مصر جديدة
فيها يدوبك مليون حته
...
بمليون خوف
...
ولا أقولك
...
إكسر ميزان القول وإوصل متقطعشي
الضرب مهما يطول يـفرق ميجمعشي
وإن نبني للمجهول ..
ممكن غنانا يطول
الحرق فينا يصول ...ياكل ميشبعشي
...
وعلي الحكاوي
يطوف
...
طظ كبيرة لعبقر عصره
بكره أكيد راح يبدأ عصره
إحنا الجيل المش هيعاصره
وبكره نشوف

موضوع: رد: فضفض ..... الأربعاء يونيو 29, 2016 7:22 pm

انا مش عماد الصورة ولا لب الحياه
انا مش بخون الفرح لكن فين صداه
انا حد ماشي بيستلف م الكون غناه
فمتزعلوش
..
من ضحكتي الغامقة
....
روحك بتبهت
ويوماتي ماشي تسقط الصورة القديمة
مستني تبقي الوحش
وتخض العيال
خفف جنونك حبة
دا الكون مش
غميق
جايز ساعات الوقت بيضلم عليك
والخطوة بتمطر حمول
إزعق وقول
راجع

موضوع: رد: فضفض ..... الخميس يونيو 30, 2016 6:20 pm

انا مش عماد الصورة ومعدتش عارفني
انا مش حكيم الفعل دا الواقع كـاشفني
انا كل ما أمشي ف عتمتي
الأوجاع تشوفني
فمتزعلوش
..
من ضحكتي الغامقة
....
روحك بتبهت
ويوماتي ماشي تسقط الصورة القديمة
مستني تبقي الوحش
وتخض العيال
خفف جنونك حبة
دا الكون مش
غميق
جايز ساعات الوقت بيضلم عليك
والخطوة بتمطر حمول
إزعق وقول
راجع

موضوع: رد: فضفض ..... الخميس يونيو 30, 2016 6:23 pm

انا مش عماد الصورة ومعدتش عارفني
انا مش حكيم الفعل دا الواقع كـاشفني
انا كل ما أمشي ف عتمتي
الأوجاع تشوفني
فمتزعلوش
..
من ضحكتي الغامقة
....
روحك بتبهت
ويوماتي ماشي تسقط الصورة القديمة
مستني تبقي الوحش
وتخض العيال
خفف جنونك حبة
دا الكون مش
غميق
جايز ساعات الوقت بيضلم عليك
والخطوة بتمطر حمول
إزعق وقول
راجع
....
ولو إن آخر حد قالها
مردهاش
غير إبتسامته الميتة ف صورتة القديمة البايخه علي رف الحياه

موضوع: رد: فضفض ..... الخميس يونيو 30, 2016 7:36 pm

انا مش عماد الصورة ومعدتش عارفني
انا مش حكيم الفعل دا الواقع كـاشفني
انا كل ما أمشي ف عتمتي
الأوجاع تشوفني
...
وتدوس خيال المرحلة
بقوة وعزيمة
....
ويوماتي ماشي تسقّط الصورة القديمة
...
مستني تبقي الوحش
وتخض العيال
خفف جنونك حبة دا الكون
مش غميق
جايز ساعات الوقت بيضلم عليك
والخطوة بنت الحلم بتمطر حمول
إزعق ساعات المعمعه
لعلع وقول
انا حلمي بكهر هيكتشف أرضي الحبيبة
....
.....
.......
.........
...........

((..ولو إن آخر حد قالها مردهاش غير إبتسامته الميتة ف صورتة الكئيبة..))

موضوع: رد: فضفض ..... الخميس يونيو 30, 2016 7:39 pm

انا مش عماد الصورة ومعدتش عارفني
انا مش حكيم الفعل دا الواقع كـاشفني
انا كل ما أمشي ف عتمتي
الأوجاع تشوفني
...
وتدوس خيال المرحلة
بقوة وعزيمة
....
ويوماتي ماشي بسقّط الصورة القديمة
...
مستني أبقي الوحش
وأخض العيال
ونصحني قبطان البدن جواي وقال
...
خفف جنونك حبة دا الكون
مش غميق
جايز ساعات الوقت بيضلم عليك
والخطوة بنت الحلم بتمطر حمول
إزعق ساعات المعمعه
لعلع وقول
انا حلمي بكره هيكتشف أرضي الحبيبة
....
.....
.......
.........
...........

((..ولو إن آخر حد قالها مردهاش غير إبتسامته الميتة ف صورتة الكئيبة..))

» فضفض .....
» فضفض .....
» فضفض .....
» فضفض .....
» فضفض ياكبير ..الى م عطية شواش