فضفض .....

موضوع: رد: فضفض ..... الإثنين ديسمبر 09, 2013 12:32 pm

سيب الكلام ويا صحابه
مانتاش بتفهم في القولة
قولك بيغرق في سحابه
وبتنكشف بيك الفولة
..
ساقط بديع وملكش لزوم
علي طول مكسر أوزانك
علي ايه بتتعصب وتزوم
وانت الغلط دايما زانك
..
يا وحيد ف

موضوع: رد: فضفض ..... الإثنين ديسمبر 09, 2013 12:48 pm

عطشان أمل
يا أرض مجموعة ف حروف
بتطل من كلمة
و ..ج...ع

وطن يراقب غيمة تبكي
...
جيش يلملم قبلة الشارع
..
عمر يرافق أخر ..
الحواديت
..
عطشان أمل

موضوع: رد: فضفض ..... الثلاثاء ديسمبر 10, 2013 2:23 am

قالوا زمانا زمن شين
وبيسقي فيك النوايب
والصح زمن النياشين
والعدل ليهم نوايب
...
سلطة وسلطة وتعمير
للمخ والعقل ضامر
من وين هيجي لنا تعمير
والأرض كارهه الأوامر
...
دي فلوكة والبحر هايج
والقلب طاير صوابه
دايره علينا الحوايج
والكل واخد منابه

موضوع: رد: فضفض ..... الثلاثاء ديسمبر 10, 2013 4:54 am

...
كان لسه ساعات
والعمر حجات
بتحب تبات
مع بعضيها
...
كان لسه اليوم
وختامه نجوم
بتضم غيوم
وتقضيها
...
كان لسه الشوق
بيبص لفوق
ويوماتي يفوق
علي أراضيها
...
مهو لسه عماد
مستني ميعاد
علشان يتعاد
بيه يرضيها
...
معرفش إزاي
الكون نساي

موضوع: رد: فضفض ..... الثلاثاء ديسمبر 10, 2013 6:32 am

ويطل في قلبي سؤال
يأتي إليّ وكلما جاوبته
ناديته وسألته
ذات السؤال
عل الإجابة تختلف ...
كان السؤال الحر في فلك يدور
...
من منكمو يا سادتي يعطي لنا وطن سلف ...!!

موضوع: رد: فضفض ..... الثلاثاء ديسمبر 10, 2013 8:27 am

يلا ياعم
لملم كل خيوط الهم
وأغزل منهم توب يتلم
فيه الواغش والمكسور
يلا ياعم النور بيدور
قادر يطلع بره السور
يحضن كل بنات الحور
يزرع وردة ف حضن الدم
يلا ياعم وقول هتعيش
مهما اتقصف فيك الريش
خلي جيوش الحزن تطيش
وإعزف لحنك لو بشويش
قادر يشجي الكون ويضم
يلا ياعم بلادنا ساعات
عاشقة تغير في الحكايات
سيب الخوف ف العتمة يبات
وابدر شمس بترمي حجات
بيها يخضر شجر الحلم
يلا ياعم

موضوع: رد: فضفض ..... الثلاثاء ديسمبر 10, 2013 10:39 am

كلام وحديت وتصبيرة
حقن تسكين ...
مبتكفيش
دي لابسه القلب تجبيرة
بتخنق ..
بس متدفيش
..
وطن آيل لشعب عبيط

موضوع: رد: فضفض ..... الثلاثاء ديسمبر 10, 2013 11:58 am

وطن آيل لشعب عبيط
سكك مخنوقة بالدمعة
قلق نازل لنا تخبيط
طرق محروقة من شمعة
...
وأقول مخنوق تجيب عادي
وأقول طيب بتتمادي
أبص لبكره بيعادي
ويفتح سكة الساده

موضوع: رد: فضفض ..... الأربعاء ديسمبر 11, 2013 3:45 am

أجمل حاجة اتمنى انولها
لو سألوني
أنا إيه حبيت
أجمع كل الشعب العربي
وأعمل ليهم
shift delete

موضوع: رد: فضفض ..... الأربعاء ديسمبر 11, 2013 5:56 am

علي وين مسربع ومادد
يانهار بتسرق سـاعاتك
كام مـرة جـــتلك ومادد
يـدي رفـضـني سعـاتك
*-*
طـبطبت ع القلب وانت
بتبص ع الكون وماشي
طب قولي هتعاود إمتي
قلت لي حاضر وماشي
*-*
ومشيت وخبـــيت علــيا
إنـــك مـــطول غيـــابك
قـال كـــنت شــايل عليا
حـلمي ب لـحظة ايابك
*-*
الوقت في البــعد بيطـول
والشمــس للبــرد باعتـــه
داسكنها بالعرض والطول
ودفاها م الــحوجة باعته
*-*
لاشموس بتطرح بلاشي
ولا أرض بترش خيرها
هتــعيش حيـــاتك بلاشي
دايما هتــفـضل أخــيرها
*-*
نوّر في قلبك إيـــمانك
هتلاقي كل الحياه طيب
لاهموم هتعرف مكانك
ولا قلب يحتاج لتطبيب

موضوع: رد: فضفض ..... الخميس ديسمبر 12, 2013 9:27 am

القلب المرهق
العين المشاءة دوما خارج دائرة الألوان
الصوت الخافت خشية أن يغتال سحابات الأحزان فتمطر دائرة أخري للصورة والسجان
....
ما عدت أريدك يا .... الأوطان

موضوع: رد: فضفض ..... الخميس ديسمبر 12, 2013 10:24 am

فلا تسأل
ولا تخجل
فلا الوطن الذي تأمل ولا ...حكام
..
شريط العمر أقصوصة
وضحكتنا التي كانت ..تجئ اليوم مقصوصة
وتحمل في جوانبها لنا ألالام مدسوسة
وترقص ريثما .....
نقبل
فلا تسأل
...
*-*
وعبئ قلبك الخزيان بال بانجو..........
وراقص سلم الثعبان بال تانجو.....
تعلم رقصة الألوان قد تنجو ...
ولا تفشل ...
فلا تسأل

موضوع: رد: فضفض ..... السبت ديسمبر 14, 2013 4:23 am

الضحكة والبرق لولي
وعيونها بحرين عجايب
منا ياما عنهم قالولي
والحب للقلب جايب
*-*

موضوع: رد: فضفض ..... السبت ديسمبر 14, 2013 8:45 am

باقي من الوطن المسافر في دروب الوهم ....ومضة
يا سادة العهر الممنهج في القلوب
بين انتصاف الحزن والتاريخ نبضة
فلتسقطوها بين هاتيك الدروب

موضوع: رد: فضفض ..... السبت ديسمبر 14, 2013 8:54 am

الحزن أوسع مفردة اتكتبت عليك

موضوع: رد: فضفض ..... السبت ديسمبر 14, 2013 9:03 am

ما بين يسقط
وبين يسقط
وطن يسقط
وسلملي علي التغيير
يا شعب كبير ومتفرعن
يا أخر حلقة موصولة في جيل أرعن
سلامي إليك يحمله شذي دمي
ياريت لو كنت من دمي
تنشن صح
عشان قبل انسحاب الروح
متقتلنيش
عدد ياما

موضوع: رد: فضفض ..... الأحد ديسمبر 15, 2013 8:09 am

الحر ف الحر ساكن
والعبد ساكن قصورة
الحر ما يوطي لاكن
بيوطي للناس جسورة
-*
لاجل إنهم يبقوا وياه
ويشبوا ع الخوف جماعه
ويدوقوا م العمر أحلاه
ويصلوا ف الليل جماعه
*-*
الحر مدفع وبلسم
وطريق بينشر مبادئ
الخطوة ف الحر تقسم
وتحب صوت اللي بادئ

موضوع: رد: فضفض ..... الأحد ديسمبر 15, 2013 12:35 pm

وضوح باهت
لذكري بتعشق النسيان
أمل يائس من الواقع وم الانسان
وجود غايب لأخر حد كان بينا
بيعزف غنوة الأوطان

موضوع: رد: فضفض ..... الأحد ديسمبر 15, 2013 12:59 pm

دا اللي بني مصر كان في الأصل بايع طير
علشان كدا كل البشر بتبيض
كان غاوي يقلع ضحكتة ف أمشير
ويشب بره الغنويات البيض
..
راجل عكيس
لافف حكايتة ف كيس
وراميها للموج ف انتصار
راجل حرام
لو قلت عنه حمار

موضوع: رد: فضفض ..... الإثنين ديسمبر 16, 2013 9:40 am

الضحك له طعم قــتال
والدمع مـشروع قنــايه
الـحزن في القلب عتال
والـفرح تـهمة وجنـاية

موضوع: رد: فضفض ..... الإثنين ديسمبر 16, 2013 1:50 pm

زائـد ونـاقص وعـارضة
والكورة مش حمل قسمة
داالحلم لو جاله عارضة
منقولش دا نصيب وقسمة

موضوع: رد: فضفض ..... الثلاثاء ديسمبر 17, 2013 9:20 am

و بكره هنقدر نشيل الغيوم
نرجّع قمرنا لحضن النجوم
ونرسم صورنا...
ف لحظة ربيع
يا بكره ..يا بعده..
يا حلمي اللي واعده
ف لمسة حقيقة
هنعرف نقوم
...
متقلقشي مني
دا لازم أغني
عشان التمني يداوي الهموم

موضوع: رد: فضفض ..... الثلاثاء ديسمبر 17, 2013 9:47 am

العملة في الأصـل وشين
والأصلي لـه وش واحـد
متخفش م الكسر والشيـن
ولا تـلتــفت للــي جاحـد
*-*

موضوع: رد: فضفض ..... الأربعاء ديسمبر 18, 2013 12:40 pm

مـكتـوبة ع القلـب يـخطي
ع الشــوك ولا الــحرايـر
لو حب م الصعب يخطي
دا الـحــب زاد الـحـرايـر
...
يا بنيـة والــقلب خـدتيــه
وطبقتي ع الروح جمالك
وسألتــي والعقل ف التيه
إن كـان للــعـشق مــالك
...
مـعرفـش ينطق ولا يقول
وانسـد م الـشوق خيـالـه
والعشق هو اللي مسئول
مين قالـه يـركب جمـالـه

موضوع: رد: فضفض ..... الخميس ديسمبر 19, 2013 6:37 am

وكإن كلامك شطب
وخلاص .....
مبقتش تحس
الدنيا تعود بايخ
علي كتم النور والحس
بتقضي حياتك شئ
مبلوع علي شربة ريق
الخطوة ساعات بتضيق
وساعات بتمد وبس

» فضفض .....
» فضفض .....
» فضفض .....
» فضفض .....
» فضفض ياكبير ..الى م عطية شواش