فضفض .....

موضوع: رد: فضفض ..... الأربعاء ديسمبر 04, 2013 6:30 am

مجبر يا صاحبي بجد ع .. الامضا
فيه ألف لحظة بتضغطك ...ترضي
متبصلوش ...لسا الوطن
بيقضّي باقي العمر ف العارضة
.....
مجبر يا صاحبي بجد ع الامضا وع التراحيل
في الف لحظة بتضغطك ترضي بحمول الليل
متبصلوش لسه الوطن ...عادي
بيقضي باقي العمر في العارضة وف التمثيل

موضوع: رد: فضفض ..... الأربعاء ديسمبر 04, 2013 6:33 am

.........
حكاوي الضرب والتلطيش
وسنارة بنرميها
ساعات بتصيب
وياما كتير ساعات بتطيش
بقيت تعرق عشان العيش ...!!؟
فاكرشي زمان
قميص مكوي وحبة جل والبرفان
وكنا كتير
نخش السيما ونسقف
وكان الحلم بيرفرف
ونرسم إنه بالإمكان
..........
حكاوي زمان يا واد عمي
حكاوي زمان
من مساجلة شعرية قديمة مع أخ عزيز

موضوع: رد: فضفض ..... الأربعاء ديسمبر 04, 2013 6:48 am

يا بهية وخبرينا ....مين عاشقك وبصحيح
مين اللي قلبه مينا وف عشقك كان مليح
مين رايدك تبقي نادية وتعدي البر راضية
وتجيبي الضربة قاضية .....لحزننا القبيح

موضوع: رد: فضفض ..... الأربعاء ديسمبر 04, 2013 6:56 am

ولا تسأل لماذا نحن كالموتي ...!؟.
ولكن قل لمن يأتي
لماذا نحن
أحياء ...!

موضوع: رد: فضفض ..... الأربعاء ديسمبر 04, 2013 9:21 am

صغيرتي
تشتاق للسفر
تشتاق للرحيل عن منابع الخطر
صمتي / وخوفكم
صغيرتي تخاف أن تصير مثلكم
بعض كما الدمي
والبعض كالصور
...
تشتاق للسفر

موضوع: رد: فضفض ..... الأربعاء ديسمبر 04, 2013 9:32 am

وواقف سنين في انتظار الحياه
افاجأ بإن الطريق غيروه

موضوع: رد: فضفض ..... الخميس ديسمبر 05, 2013 6:31 am

ما كل يوم بتقول مخنوق
وبتيجي أخر اليوم
عادي
وتشوف وطن دايما مزنوق
أو مشوي حلمك
ع الهادي

موضوع: رد: فضفض ..... الخميس ديسمبر 05, 2013 6:43 am

ما كل يوم بتقول مخنوق
وبتيجي أخر اليوم
عادي
وتشوف وطن دايما مزنوق
أو مشوي حلمك
ع الهادي
كتر القلق أصبح عادة
والأهة سكرها زيادة
دا الحزن فارد سجادة
فوق منها أرض
وليل سادي

موضوع: رد: فضفض ..... الخميس ديسمبر 05, 2013 9:22 am

........
وبعد سكونك المرعوش
أنا المرووش
ونا الحرفوش
ونا الساكت ونا الرغاي
ونا القادر علي الذكره ونا النساي
ونا السكة اللي واخداها -يا نبت الروح - في رايح جاي
انا التبكيت
ونا التنكيت
ونا الاتيكيت في وقت خروجك الأمن
ونا الكامن ومش موضوع
أنا المنزوع من الصورة
أنا الكورة .. اللي مرسومة ف ألف كتاب
أنا الكذاب
ونا الكتّاب
ونا كل اللي عاش فيكي
يغنيكي غنا ...
مدووش

وبعد سكونك المرعوش ........

موضوع: رد: فضفض ..... الخميس ديسمبر 05, 2013 9:46 am

مجّد قيودك يا بن هذا التيت
وأحلل قيود الحزن بالتنكيت
إن كنت تبغي أن تقيم البيت
خليك مواطن رف أو هامش
..
وإعمل حساب القلب لما يثور
قفّل عليه كل ابتسامة نور
هننه حتي يقتنع بالزور
أن النَفَس يعني أكيد عايش

موضوع: رد: فضفض ..... السبت ديسمبر 07, 2013 8:38 am

السرقة أس المصايب
ولا يوم هتقدر تداري
قلمك وعمره مصايب
طول مانت سارق وداري
*-*
بتعدي تاني وتالت
وتعيش في دور البطولة
اما انت ماسخ وفالت
وجنونك اتمد طولة
*-*
ولا ناوي تعقل وتهدي
وتلم نفسك وتقنع
كان ياك بكتر المناهده
الكلمة و الكلمة تنفع ..!؟
*-*
ياحرامي لملم صنيعك
وإكفي ماجورك عليها
لو مهما تعمل منيعك
راح أجيب واطيها عاليها
*-*
وخلاص دي أول رسالة
وأخرها قبل ال فضيحة
وإفهم يا سيدي القوالة
وإعمل بهادي النصيحة

موضوع: رد: فضفض ..... السبت ديسمبر 07, 2013 9:56 am

يا بلاد ترابها مندي
بالدم والدم طارح
كان مين سرقها مندي
ورماها بره الطارح

يا بلاد عجوزة وشيبة
مقبلش قلبك بكانا
كام حلم فينا مشوا به
واخدوكى بره غنانا

يابلاد وجعها مصدي
ودواها بالكي جايز
بتقولي بالشوق تصدي
ودا شوق في قلب العجايز

موضوع: رد: فضفض ..... السبت ديسمبر 07, 2013 12:02 pm

واعر يا قول الصراحة
كيف المسير للمهالك
من امتى بنحس راحة
علشان ف يوم نرمهالك
*-*
طفي الوجع بالقنابل
خلي سلامك رصاصك
يابلاد ماليها التنابل
إزاي هيطلع خلاصك

موضوع: رد: فضفض ..... السبت ديسمبر 07, 2013 12:29 pm

دايما يا حلم المواطن
قلبك طريح المكاتب
ربك عليم بالبواطن
ربك مقدر وكاتب

موضوع: رد: فضفض ..... السبت ديسمبر 07, 2013 1:34 pm

عدوده والحزن عادد
والقلب شايل شوايل
ولا حاجه ولا شي لادد
يامساخة سوي الهوايل

موضوع: رد: فضفض ..... الأحد ديسمبر 08, 2013 2:58 am

الليل
وطريق مفتوح
السما بتعد نجومها ...يجوز
فيه غيمة بتسرق حبة ضي
الشط بيسمع للعشاق
واتنين مقالوش ...
غير لمسة ايد
إختصرت بينهم كل فنون القول
...
الليل

موضوع: رد: فضفض ..... الأحد ديسمبر 08, 2013 11:07 am

...
الليل ...مكسوف
بيغمي عنيه من بوسة الورد
لخد ..برئ
ومراكب جمب الشط ساعات
مراجيح
للسمك القاعد تحت الموج
يتونس...

موضوع: رد: فضفض ..... الأحد ديسمبر 08, 2013 11:12 am

...
يتونس... ويا حجات ..
بتبات
بين قاع البحر ولمسة مد
الخوف مش جد
هسهسة الحلم ف إيد بتمد
حواديت من نور

موضوع: رد: فضفض ..... الأحد ديسمبر 08, 2013 11:25 am

طيب طيابك وطيب
يابو قلب م الهم خالي
إسأل واجاوب بطيب
عالي مقامك ياخالي
*-*

موضوع: رد: فضفض ..... الأحد ديسمبر 08, 2013 11:59 am

.....
ووقعت خلاص
لميت الناس حواليك
حسيت بالشيبة ومعني العجز
وانت بتتسند علي كام ايد
وسندت الضهر /السند /الحيط .... علي نص جدار
بصيت للخلق وقلت أنا زين
وبصوت مطلوقه الأه جواه قلت لنا معاود ع الدوار
ورفضت ركوبة بنص جنيه
قلت لنا البيت علي فركة كعب
قلت لنا انا بومب
وعال العال
بالذمة ....يا خال
طب أقولك
إقعد ويا الناس
ونجيبلك شاي
خلينا نعاود مع حكاويك
....’’ ووقعت خلاص لميت الناس حواليك ....

موضوع: رد: فضفض ..... الأحد ديسمبر 08, 2013 12:14 pm

وبعد...
فإن الحلم يا وطني تسابقه لنا الأحزان
وكل مواكب الأفراح في غيبوبة النسيان
وبعض الناس لا يبغوا سوي
طقة
ونص حياه
ونوم أمن في أي مكان

موضوع: رد: فضفض ..... الأحد ديسمبر 08, 2013 12:29 pm

وبعد...
أكيد سامع أغاني الليل
وكسرة قلع بيحاول يشد الحيل
وأنة سكة مدووشة بخطي التراحيل
وباقي من به تحيا
حكايا ..
تحمل التأويل
أراك اليوم يا وطني تراقص أ .... الفرسان
وتحمله علي حجرك
وتجعله لنا
ميدان
نحج إليه

موضوع: رد: فضفض ..... الإثنين ديسمبر 09, 2013 3:19 am

كان ليه بقولك أنا خير
يام العيون الكواحل
منا كنت دايما انا اخير
وبعدي جمب السواحل
..
ولا مرة سلمت روحي
وقربت م الشمس حافي
يابنية زادت جروحي
وعنيكي كشفت لحافي
..

موضوع: رد: فضفض ..... الإثنين ديسمبر 09, 2013 8:53 am

دا العشق يابنية له ناس
تسهر مع الليل بطولة
مش كل من حب ونّاس
مع قلب واقف بطولة
...

موضوع: رد: فضفض ..... الإثنين ديسمبر 09, 2013 10:37 am

متشعبطيش باقي الكلام
علي سطر مش متحمله
مش كام بديع ولا لون جديد هيجمله
خليكي واضحة بجد فيه
أوعاكي مرة تكتفيه
الصدق مش تعريف سفيه
دا الحلم جي يكمله

» فضفض .....
» فضفض .....
» فضفض .....
» فضفض .....
» فضفض ياكبير ..الى م عطية شواش