هم مين اللي انت جاي تثور عليهم

كتب صديقي الأستاذ شريف حسين الصحفي بالموقع الإلكتروني لجريدة الوطن قصيدة على الفيس بوك منذ دقائق يدعو فيها إلى الثورة، فردت عليه بهذه القصيدة بعد أن أكدت له دوام المودة بيننا رغم الاختلاف، فقد كتب يقول:
امشى جنبي وثور عليهم
أصلنا أقوى كتير لو نلتقى
ثور عليهم
قبل ما يفضوا التلاقى
قبل ما يبيدوا اللى باقى
...
قبل ما يموت اللى ساقي
والعطش يطرق بيبانا
واللى قاتل قال بنشوة
العيال هيخشوا جنة
وإنتوا هتنولوا الجنيه
ثور عليهم
ثور عليهم قبل ما يعيدوا اللى فايت
عبارة م اللى بيغرقوا
قطر م اللى بيخبطوا
ثور عليهم
ثور عليهم ده النظام مولود لكنه
خط شيبه
ده اللى جاي في علم ربك
والنهاردة وقت حاضر
بس برضه في علم غيبه
ثور عليهم
بكرة هيواربوا بيبان الجنة بعد ما يدخلوا
ويفتحوه لو تشترى غفران بصك
ثور عليهم
ثور عليهم قبل ما ينصب سجونه
قبل ما تصبح حبيسه
ثور عليهم قبل ما يفاجئك وريثه
قبل ما يشنق رقبتك
قبل ما يقدر بإنه يلف حبله
ثور عليهم
ثور عليهم بكره مش هيخلى حاجة
زى ما عمل اللى قبله
ثور عليهم
ثور عليهم بكرة هيهينوا الخلايق
بكرة يطرد اللى رافض بره دايرة رحمته
ثور عليهم
ثورة تبقى بروح مناضل
ثور عليهم قبل ما يروح اللى فاضل
م الخطاوى اللى مشيناها
كان يوميها برضه جنبي
فاوعى تطلع زيه خاين
أصله خانني يوم ما قلت
امشي جنبي وثور عليهم
ثور عليهم قبل ما يبيدوا اللى باقي
قبل ما يفضوا التلاقى
***************************************
فكان ردي عليه:
.
.
.

هم مين اللي انت جاي تثور عليهم؟
اللي ثاروا ع الفلول؟!
رد .. قول!

انت جاي تثور على ريس أمين
بِدُّه يقضي ع الديول؟!
رد.. قول!

هم مين اللي انت جاي تمشي وراهم؟
البرادعي اللي في قلبه الأمريكان؟
ولاّ موسى اللي خربها وانت أعلم باللي كان؟
ولاّ زند وعَبمِجيد
اللي ضحوا بالشهيد؟
جاي تثور ضد اللي قال:
حاكموا حسني من جديد؟
رد.قول

تبقى عاوز مصر ترجع للفلول
تبقى عاوز يحكمك حبة ديول
رد قول

مش عاوزها إسلامية؟
طب وماله!
مِيه ميه!
بس متصلِّيش معانا
ولاَّ مسلم سد خانه
جاي بتدعى الناس يساندوا اللي مقضيها خيانة
ونفسه يبقى فْـ يوم رئيس
شيء خسيس
انه يبقى البوبّ خاين
جاي بيفسد في المداين
وابقى أدرى باللي كاين
واللي صار
وامشي أدعو للدمار
أبقى لا مؤاخذة.....
لما اساعد حد خاين ع الوصول
لما اسيب ريس أمين وادي صوتي لدول ودول
هم مين اللي انت جاي تثور عليهم؟
اللي ثاروا ع الفلول؟!
رد .. قول
وإليكم الرابط:
https://www.facebook.com/photo.php?fbid=367555426668440&set=a.337058073051509.81119.200158640074787&type=1&ref=nf#!/sherif.hussien.7/posts/504305526270828?comment_id=5704962&notif_t=like

اللهم آمين.. على الإخوان التراجع.. ربنا يهدينا جميعا