لما اللي حبك طفش

لما اللي حبك طفش


لما اللي حبك طفش
رغم ان بينكوا كتير
لساكي بفكري
دلوقتي فـ التغيير
معلش متاخرة
خليكي بالطرحة
شعرك عشان يتفرد
محتاج سنين فرحة
وانا اللي عمري نشف
ارضي بقت مالحة
بذرتها م اللي جرى
حلفت ماهيش طارحة
تجنى حصاد العمر
تلقى الندم قناطير
ما ياما صوتي اتنبح
والعند يتمادى
شربت منك الم
طافح مرار سادة
شيلت اللي منك وجع
والصبر بزيادة
حتى اما جيت احضنك
حضنك طرح مسامير
اوعاكي تتخيلي
ولا نص في المية
ان اقدر ارجع وانا
لسا الزعل فيا
عض العطش فـ القلب
دمي اتقلب ميه
كل اللي خدته الم
خدتي انت مني كتير
سبيني لجل العيش والملح ابعبعلك
دانا محشي منج وجع
ولاحاجة تشفعلك
دلوقتي بدوري على حد يسمعلك
تمن المحبة اندفع
ارخص ما متباعلك 10.25.2010.25.2014
خلي اللي داق الفرح
دلوقتي يدفعلك
واللي ادتيه العسل
يصبر على الدبابير
عايزاني اكونلك
بس يعني ازاي
عنتر من العناتير
وانت اللي رضعتيني
الجبن بالتقطير
جريت
خوفي م اللي جاي حناطير
ومشيت
جوه قلب الحيط
شقيت حلقي ما غنيت
فياريت
تنسي اصلي نسيت
او تكفي ع الخبر مواجير

حاتم كامل
9/11

أخي الكريم الشاعر / حاتم كامل
عمل جميل أخي
ننتظر جديدك دائما

شكرا استاذ عماد ربنا يجعلنا عند حسن ظنكوا ديما