مين اللي قال ؟؟؟؟؟؟؟؟؟؟؟؟

مين اللي قال ؟؟

شعر : ماجد كمال أبادير

مين اللي قال ان البلد عايزة ولد ؟؟؟؟؟؟

طاب يبقوا مين الملمومين حوالين بلدهم ف الميدان ؟؟؟

وف كل شارع ف البلد ؟؟

ومهملين حالهم ومالهم

مزروعين ...

سايبين عيالهم ..

كانخيل اتصب طوله للسما !!

واللي مايشوفشي امتداده ..

ده اكيد يبقي اتعمي ....

والله يا مصر عمار .. عمار

مسروقه طول عمرك ..

ويوم منك .. ماينقطع الخضار ....

والقطة والكلب اللي ضالين ف الشوارع

ما يباتوش من غير عشا ..

يا مصر قومي اتكحلي .. واتزوقي ...

واترسمي فوق كل البلاد .....

ياه ع السنين ...

حبة ولاد..

يفرحوا القلب الحزين

بيموتوا لجل ما تكوني الاميرة ..

اضفري . واتبغددي.. وريني مقدار الضفيرة ....

شوفتي ... سيف الله وسالي ؟؟

شوفتي اسلام ويا احمد ؟؟

مصطفي وحسين .. محمد .. ويا غيرهم ...

شوفتي وائل ...

بدر طالع م السجون ..

لجل يقول الثورة مالهوش فضل فيها ....

واتفطر ساعة ما شاف تصاوير خواته م العياط

اللي طلعوا عشان يموتوا

ف الميدان مستشهدين ..

الواد أمين ...

ذي كل ولاد بلدنا الطيبين

اه يا بوي ع الولد دول

متعلموش الكذب كيف ف المكرفون

وازاي تكون .. وانت لا شئ ولا يحزنون ..

متعلموش الغش فوق ساحة القمار..

ولا يعرفوش الا العمار ...

ماباعوش بلادهم .. او عليهم يوم تهون ..

الخلق كله ف كل عالم

شاف ولادك ...

اللي ليهم .. يامه كل الاحترام

واللي ليهم .. فضل حق الاختراع...

ثورة طالعة بالغنا .. وب لابتسام

وبيعزفوا ...

وبيرسموكي ف احلي صورة باكتمال ...

طاهرة في غاية الجمال

ياه ع العيال ..

لأ .. ويقولوا ...

مصر قال

عايزة .. ولد ؟؟؟؟؟؟

[/center][/center]

[/center]

مصر فعلا كانت فى يوم من الأيام محتاجة ولد يثور ، واتولد الولد ، واتولدنا معاه من جديد

سلمت يداك ، ومزيد من التألق والرقى

خفايا ابداع.

الله الله على ابداعك الواعى الرائع اخى الشاعر ماجد ابادير معك كل الحق ان مصر مليانة ولاد جدعان قوى تقبل مرورى

الشاعر الكبير أستاذى ماجدكمال أبادير

إبداع راقى جداً

أسعدنى للغاية

لما به من رهافة الحس

التى تجلت واضحة

فى مضمونك القوى

الذى يحمل الكثير من الشجن

المزروع بداخل عزة وكرامة هذا الوطن

التى ظهرت بوضوح فى خاتمتك الجميلة

تحياتى لرقى الإبداع

اخى الشاعر الجميل

ماجد كمال ابادير

قصيده بطعم الوجع وبرائحة الدم الذى سال من اجل الحريه

وبلون الورود التى زهقت ارواحها من اجل رفعة هذا الوطن

الله عليكم شباب مصر .. نصركم الله يا من رفعتم رؤسنا

وقتلتم الخوف الساكن فينا عمراّ طويلاّ .

قصيدتك رائعه اخى ماجد واحييك عليها .

مودتى وخالص تحيتى ...

وثورنا ولكن يبدوا ان الثورة هي التى اصبحت تجودنا ولا نقودها
تعدينا بها كل الخطوط , ولا يعلم العواقب الا الله
ربنا يهدينا ويرشدنا
ويرد لنا ما غاب من عقل في زحمة الهتافات
وستذكرون
اللى بيب البلد يروووووووح
والآن

» يا شعب إيه اللي جرى
» لما اللي حبك طفش
» اللي بنا مصر
» ع اللي إنت فيه
» اللي اسمه ايه