يا شعب إيه اللي جرى

يا شعب إيه اللي جرى

يا شعب إيه اللي جرى
القصّه صارتْ مَسْخَرَهْ

دَمّ الشهيد هوَّ اللي جارْ
على الباشا يوم المجزرهْ

وعظامه دايما تفتري
تحت التراب في المقبرهْ

والثوره هيّا اللي طغتْ
على شعبِ مصرِ السّكّرَهْ

حَبَسِتْ بريئ ويّا الفريقْ
زنزانته فندق مفخرهْ

قدّمْ حياته للوطنْ
أَنْقَذْ فلوسنا المهدرهْ

لازم خلاص نِنْشِدْ نَشِيدْ
ونقوم بثوره وثرثرهْ

يَسْقُطْ شهيد سَمِّ الوريدْ
بسلاح فريد في المحبرهْ

للباشا نِهْتِفْ من جديدْ
علشان نِنُولْ المغفرهْ

ثورة يناير تِعْتِذِرْ
من اللي كان واللي جرى

دا حلم وردي بيحلموهْ
دا الشّعب فاقْ صار قسورهْ

مهما تِمَثّلْ أوْ تُقُولْ
فات الأوان بِيتْكُمْ طُرَهْ

لسه الجزاء يوم الحساب
والقاضي ربُّ المقدره

تشهد عليك دوما إيديك
ولسان فصيح ما أخبره


بقلم / عبدالعزيز المنسوب