حكومة الغابه

حكومة الغابه


جنب الغابه سمعنا وشفنا
نهيق ونعيق
ونباح وصياح
وقرد عجوز نايم فى طريق
عمره عدى وراح
فى ايده الموز وناقصه شهيق
يعنى نهايته عاوز يرتاح
والاسد له زئرات
فى عينيه نظرات
بتشع بريق
ولسانه سايل بالريق
غضبان وشه مافهش سماح
شوفنا غزاله جميله
عيونها عسيله
وبين حواجبها صايبها رماح
مسئوله ع الثقافات
وثقافة الحمار عاوز فشار
لاان الفول بقوليات
عامله حالات
ومش فهمان
شوفنا خناقه بين كل فصيلة الحيوان
والطير
ابو قردان
العصافير
التعابين
الفرافير
واى حشره
لها ودان
يعنى الغابه سداح فى مداح
فجأه جات حياتان
م البحرتمنع قهر
وظلم تيران
بتنتح فيهم ليل ونهار
وطالبه مساعده م الانسان
قال الانسان انا كلى جراح
عندى الثوره فى التحرير
فيها جمال
وفيها فقير زعلان
علشان ابنه دهسه حصان
ودمه ساح
ومهما شوفت عرفت الفرق
ان الغابه فيها براح
احنا الخلق
عشنا فى خيبه بحكم افاعى ورئيس تمساح
وشوفنا الدنيا زى الغابه سداح فى مداح

استاذى وشاعرى المبدع عادل عوض
تحيه طيبه لشخصك الكريم
اشكرك على التوضيح البليغ للغابه ومادامت مقدرتها فى ايدينا الان
علينا ان نضع الادميين المفترسيين والمتوحشيين فى اقفاص من حديد
حتى يسود الهدوء بيننا
لحضرتك وافر من الاحترام والتحيه
دمت مبدع

اخى مجدى .. ارى ان ما يحدث الان فى الشارع المصرى يشبه تقريبا ما يحدث فى الغابة .. ولكن صبرا.. فلكل قوى يوجد الاقوى منه .. شكرا على نصك الجميل

اخى الشاعر جمال نصير
تحيه طيبه لحضرتك
اشكرك على مرورك
اتمنى ان يتوحد الشعب المصرى
وان تزول الفوضى
لكى ننهض ببلدنا الى بر الامان
لحضرتك وافر الاحترام والتحيه
دمت بخير

النص جميل

والفكرة اجمل

دام الابداع

شاعر الكريم احمد رجب
تحيه طيبه لحضرتك
اشكرك على مرورك واعجابك بالنص والفكره
هذا شرف كبير لى
دمت بخير
تحياتى لحضرتك