حكومة تصريف أحوال= كلمات: محمد خضر الشريف

حكومة تصريف أحوال
كلمات: محمد خضر الشريف

عالمنا العربي ياخوي.. دا بستين حال
نسمع عنه حديت وكلام وقوالة وقيل وقال
قال ايه.. عملوا حكومة "تصريف أحوال"
ناقصة يحطوا حكومة"تصريف أموال"
وشيطاني الشعري قاعد يسألني سؤال:
متخلوها أحسن حكومة "توظيف أموال"؟
قلتله معدش يا"شوشو" توظيف أموال
قالي ازي دي الأشية معدن وعال العال؟
قلت فين اللي نضحك عليه بـ" ياعم ياخال"
ونقول يلا يموظفين يافلاحين وانتو ياعمال
هاتوا فلوسكم و توحيشتكم.. هاتوا الاموال
هنوظفهالكم ونثمرهالكم وهتبقى ألسطة وعال
أصل الشعب ياكبدي عليه معدش عندو أموال
الشعب ياعيني عليه عامل زي" سكينة وعبعال"
كله بيجري يرمح ينطح على زوجة وعيال
فمفيش عنده لامال ولاحال ولا"فضوة بال"
دا لما يلاقي العيش الحاف يبات مرتاح البال
غمس، لمس ، حسس، عسس ، دايما جيبه سيال
أهو عايش يطفح يكدح وفي إيده محمول جوال
مبتفرقشي .. فراش، ورناش، حشاش، نباش أموال
كناس ، عساس ، وسواس، أوحتى وزير أحوال
على فكرة دي احوال العربي ماشي لابس أسمال
عالمنا العربي مش فاضي يرسم خارطة أجيال
مصر وسوريا وغزة ولبنان والأردن ما يسرك حال
عراق وليبيا وسودان ومغرب ومتنساشي صومال
مين تاني ؟ شكلي نسيت تونس.. آه منها "ثورة أجيال"
أهو كله محصل بعضه وسبحان مصرف الأحوال

محجوووووووزز

اول رد على الكلام الحلو دا

تسلم يا بروف

حماده ابوطالب كتب:: محجوووووووزز

اول رد على الكلام الحلو دا

تسلم يا بروف

****
عزيزي الغالي الأديب/ حمادة أبو طالب
حتى في تعقيبك السريع متألق، كعادتك، أيها المتوهج في التألق
لك الود كله لأنك أول من سبق بالرد، واللي سبق له من قلبي حلو النبق
شكرررررررررررررررررررررن

يا استاذنا انت عارف يعنى ايه تصريف احوال ؟؟؟

يعنى وزارة مشى امورك .. ومن المعنى تعرف ايه حا يكون

شكل الحكومه . فتح مخك يدخلك هوا ..

هههههههههههههههه..
ياعزيزي وياصديقي الصدوق أ/ عادل سند
تصدق بالله هي سياسيا اسمها "حكومة تصريف أعمال" ولقيت نفسي بكتبها "حكومة تصريف أحوال" ولما خلصت اكتشفت المسمى الصحيح فقلت والله خليها كدا أحلى... ههههههههه
مش هتفرق تصريف أحوال، ولا تصريف أعمال، ولاتصريف أموال، أهو كله في النهاية زي ما انت قلت" حكومة مشي أمورك".

محمد خضر الشريف كتب:: هههههههههههههههه..
ياعزيزي وياصديقي الصدوق أ/ عادل سند
تصدق بالله هي سياسيا اسمها "حكومة تصريف أعمال" ولقيت نفسي بكتبها "حكومة تصريف أحوال" ولما خلصت اكتشفت المسمى الصحيح فقلت والله خليها كدا أحلى... ههههههههه
مش هتفرق تصريف أحوال، ولا تصريف أعمال، ولاتصريف أموال، أهو كله في النهاية زي ما انت قلت" حكومة مشي أمورك".

على فكره .. قبل الانتخابات الرئاسيه القادمه

المحافظه على عدم ارتفاع الاسعار . وازعم ان فيه شهر منحه

لجميع العمال . والشرطه تخف شويه على الشعب .

واللى عايز حاجه تخلص بسرعه . طبعاّ دى اوامر .

وبعد الانتخابات .. الاسعار ترجع تانى والشهر اللى صرفته

يسحبوه اضعاف . والشرطه ترجع تنقرز فى الشعب .

كله بالامر . طبعاّ هذه هى الديموخراويه اقصد الديموقراطيه .

صباحك فته حبيبى . بس الشوربه من لحمنا .

بتجرجرنى انت فى كلام وقاعد بتضحك . ماشى .

ياللا باى . باى ...

عزيزى الأستاذ

محمد خضر الشريف

تصريف احوال

او

تصريف افعال

كله من النحو الحالــــــــــــــى

والمهم ان الشعب ممنوع من الصرف

تحياتـــــــــــــــــــــــــــــــــــــى

[quote="د /صلاح طاهر"][center][b][size=24]

[color=blue]عزيزى الأستاذ

محمد خضر الشريف

تصريف احوال

او

تصريف افعال

كله من النحو الحالــــــــــــــى

والمهم ان الشعب ممنوع من الصرف

تحياتـــــــــــــــــــــــــــــــــــــى
*********
إلى قائد الغر المبدعين، الكبير الدكتور/ صلاح طاهر..
على قولك والله المهم أن الشعب ممنوع من الصرف، وخليهم هما بقي يختاروا أي مسمى أخر المهم يكون فيها" تصريف" أو "تصريفة" مهو كلنا في" تصريفة" والفقير معدشي يحتكم حتى على" تعريفة". ههههههههههههههههههههه

تصريف احوال
تصريف اموال
تصريف افعال
عادى كله يا بيه شغال
دمت ودام ابداعك

الشاعرة عزة الزرقانى كتب:: تصريف احوال
تصريف اموال
تصريف افعال
عادى كله يا بيه شغال
دمت ودام ابداعك

********
ياااااااااااااااه أخيرا ظهرنا وردينا، أولا عشان منساشي-أستاذة عزة- والله فرحت قوي لما شفتك في الندوة الشعرية الجميلة مع العملاقين الحبيبين عاطف الجندي وعادل عوض سند.. واستمعت لك ولكلماتك الجميلة قوي واستمتعت بإلقائك الحلو والإسقاطات الشعرية الجميلة الذكية قوي قوي منك.
صحيح تذكرت البامية والست سامية ومت على نفسي من الضحك، لكن صفقت لك من كل قلبي على شعرك الرائع ..
شكرا لتعقيبك الجميل وردك العذب، ودام لك الإبداع مبدعا.

» !قس قذر = شعر: محمد خضر الشريف
» قصة قصيرة- "صحن فول"!! محمد خضر الشريف
» سلامات أخى محمد خضر الشريف
» ببتعيش على حب " النت"= محمد خضر الشريف
» يامصر ..دي عين والله قويه= محمد خضر الشريف