(حكومة سجن طره)

و الله يا طاهر موش خسارة فيهم سجن طرة بحاله
دول ياما دخلوا ناس فيه بالظلم
كل الحرامية الكبار فيه الان
دى أيام عِزه
هههههههههه

الكبير القدير/طاهر الصوفانى
هذه رائعة من روائع الصوفانى الذى كل قصائده روائع ..على فكرة اجمل مايميز قصائدك الحس الشعبى الجميل ...وياريت ياصوفانى تجرب كتابة الموال الشعبى برضه عشان انا حاسس انك حتبدع فيه ...دمت لى ايها الطاهر والصوفانى ايضا

الشاعر الرائع طاهر الصوفاني
كلمات اخذتني لانها حقا في غاية الروعه
أشكر جدا على تلك الزجليه الرائعه
تقبل مروري

الاستاذ طاهر
والله يا اخى ما عارف
اللهم لا شماته
ربنا يعافينا
وبهديهم ويهدينا ويسامحهمم ويسامحنا
ويسترها عليهم وعلينا رغم ما قاسيناه منهم ا
تحيتى لك ولجمال الفكره و النص

الاستاذ الصوفاني كتب
والاستاذ رأفت المصري رد..
لاستاذ طاهر
والله يا اخى ما عارف
اللهم لا شماته
ربنا يعافينا
وبهديهم ويهدينا ويسامحهمم ويسامحنا
ويسترها عليهم وعلينا رغم ما قاسيناه منهم ا
تحيتى لك ولجمال الفكره و النص

*********************************

بالذمة دة كلام يا استاذ رأفت بتقول يسترهم ويسامحهم

الهي لا تسترهم ولا تسامحهم

لان دول ربنا اداهم الجاة والسلطة والمال لكن ما صانوش النعمة

يبقي نقول ربنا بنتقم منهم انتقام المقتدر الجبار

ياريت سرقوا وسابونا نعيش

دول مصوا دمنا زي دراكولا وجوعونا ونهبونا

يبقي ازاي ربنا يسترهم وبعدين لو ربنا سترهم كنا هنعرف منين كل الجرايم اللي

ارتكبوها دي قول ربنا يورينا فيهم يوم اسود من قرن الخروب

تقبل تحياتي

يا عم طاهر اضح ان طرة مش هيكفى الحبايب كلهم ده لسه فيه غيرهم كتير ادعى معايا يوقعوا كلهم سلام يا همام تحياتى

القدير طاهر الصوفانى كتب ضمن

ماكتب فى(حكومة سجن طره) قال :



ياسجن ووصي حراسك

يطفوا النور بنبراسك

وسود كل أيامهم

واحلامهم ابوس راسك




ياسجن طره .. أبوس راسك

تخللى ال (عز) كناســـك

وتفقد ل (الشريف) شرفـه

ويفضل (عادلى) من ناسـك


عزيزى طاهر

إدعى معى أن لايروا شمس

مصر أبدا ، ليذوقوا بعض

ماأذاقوه لشعبنافى تلاتين

سنه.

لك كل الحب وأجمل الأمنيات


محمد البسيونى[/b]

الشاعر المبدع طاهر الصوفاني
بالفعل أبدعت
قصيدة جميلةجداً
ربنا يوفقك وما تتظلم ولا تدخل السجن تاني
وإن شاء الله السجن يكون بس لمن يستحقوه
تحياتي

الكلام ده لما يكون سجن بجد مش سجن مليون نجمه ونجمه
بس بصراحه تسلم ايدك وربنا يستر وميكونوش هم اللي خرجو واحنا اللي اتسجنا

طاهر الصوفاني كتب:

ياسجن المزرعه مالك
عدل بختك صلح حالك
جايلك شروه م الغاليه
بربك وصي سجانك

ميزان العدل كان مايل
سنين تلاتين بنتحايل
نشوف فيك يوم واهو شوفنا
فـَربك ياليمان طايل

ياسجن طراوره ف طراوه
تنيمهم علي إشاره
تخوفهم بهراوه
وصحيهم بصفاره

ياسجن أمانه وصيتك
بدم الظلم علي حيطك
كما كرمونا في بيوتنا
تكرم ضيف وزار بيتك

ياسجن أمانه حلفتك
تجمعهم في زنزانتك
تدوقهم مرار ذ ُلك
ياما رمونا ف خزانتك

ياسجن ووصي حراسك
يطفوا النور بنبراسك
وسود كل أيامهم
واحلامهم ابوس راسك

ظلام ليلهم يكون حالك
ضميرهم يوم ماكان سالك
وزيد حبه علي كبيرهم
ناهب مالي ونهب مالك

ووكلهم حلاوه وعيش
وعيشهم في عيشه تـَابيش
ولو يتمنوا مـَنيهم
وصبحهم بوش شاويش

سنين ياصبر ليه صابر
ومكروا مكر كان نادر
وحسبي كان إله ووكيل
فـَربك ياليمان قادر

(طاهر الصوفاني)

_________________________________
الأستاذ المبع الشاعر طاهر الصوفانى
وهاأنا ذا امام رائعة جديده من روائعك
احيك عليها ولا أملك الا ان اقول الله الله
الله عليك ياطاهر
صلاح الكومى