لما يقولوا بلدنا جميله

لما بيقولوا بلدنا جميله
لما يقولوا بلدنا جميله تلاقي كلامهم حلو جميل
تيجي للواقع مش هتلاقي لكلمه من اللي قالوها دليل
فقر وزحمه ومفيش لحمه والانسان من الفقر عليل
كوسه وواسطه وشباب عاطله وبشر عايشه بالتساهيل
وبنات بايظه وحريم مايصه وابن العز تشوفه ذليل
الادمان بيدق بيبانا ويقابلوه بفرح وتهليل
شوف مدارسنا وعيش كوابيسنا مش هتنام لنهار ولا ليل
شوف شوارعنا وشوف حوارينا مش هتلاقى لمصر مثيل
طفل شريد والثانى عويل والثالث بياع مناديل
ولا شوفو رجال اعمالنا بيرموا قذارتهم فى النيل
كل حياتنا وكل صفاتنا محتاجه ظبط وتعديل
كلنا جوانا ارادة لكنها محتاجه تفعيل
دى حكومتنا ووصف بلدنا باختصار من غير تطويل
لاجل بلدنا ومصريتنا نتكلم من غير تجميل
ده مش ياس ولا احباط دى حقيقتنا بدون تحويل
قومو ياشبابنا قومو ياولادنا لازم نبدأ بالتغيير
[center]

الاستاذ جمال درويش

خاطره رائعه وكلمات جميله

تعكس واقع الشارع المصرى

عبرت عن المشاكل الموجوده فيه

بصدق واحساس

تقبل مرورى وتقديرى

الاخت المبدعه اميره البدري بصرف النظر عن دروش انا سعيد جدا بمرورك الكريم
هههههههههههههه

الاستاذ الشاعر

جمال درويش

هذا زجل وجميل .

قليل من الاهتمام ويصبح زجل هادف وجميل .

حاول مع بعض الضبط ونحن بانتظارك .

مودتى وتحيتى ...

الاخ الشاعر/ جمال درويش
جميل ما كتبت والاجمل من ذلك
ان خاطرتك عكست الواقع المرير
تسلم الايادى ننتظر منك المزيد على الطريق
تحياتى ليك ودمت بكل ود

» ميهمينيش يقولوا عنى حمار
» على شط ترعه ف بلدنا
» (بلدنا) شعر حسن سعد حسن
» حمار بلدنا
» عمدة بلدنا