اللي يضحك ناس على صاحبه

اللي يضحك ناس على صاحبه
ويروح ينقل كل اسراره
واما يكون محتاجه ف ضهره
يلقيه طعنه ف أهله وداره

واللي تضحي عشانه بروحك
عمال يكشف كل جروحك
واللي تشيله ف نن عيونك
وانت مئامنه وهوا يخونك

واللي يبيع الماضي بحاضر
كل ما يؤمر بتقول حاضر
واللي عشانه بتعمل خاطر
واللي بليد وبيعمل شاطر

تفتكر انه يكون يتصاحب
أو تتباهى بجيرتك ليه
أو يتماشى معاه ويتناسب
أو مايهونشي وتبكي عليه

أو يتعاتب أو يتحاسب
أو يستاهل تسأل فيه
بيعه وبيعك كله مكاسب
واوعى تفكر يوم تديه

واتعلم علشان يا معلم
لما تقابل صاحب تاني
تبقا حريص واديك بتسلم
وعنيك تقرا عنيه ف ثواني

لو ملقتشي كلام ف عنيه
قرب منه وكلم فيه
خليه يبقا كتاب مفتوح
ركز وانت بتسمع ليه

واما يخلص خليك هادي
دايما كل كلامك عادي

واوعاك تكشف سترك تاني
خليه جوه ف صدرك غالي
وانت معاه العشره هتثبت
ان كان صاحب ولا أناني

هيكون صاحب لو بيحبك
أو بيلازمك أوقات غلبك
واما بتخطأ هوا يواجهك
ويكون وقت الجد مرايتك

لما يشوف الخير ف اديك
وانت بتفرح يفرح ليك
واما يلاقي الكل عليك
يبقا ف ضهرك ساند فيك

يومها تشد عليه بسنانك
واكشف كل ستايرك ليه
هوا ده صاحبك شيله ف عينك
واوعى تفرط أبدا فيه
.
رضــــا عثمــــان

الاخ الحبيب الشاعر /رضا عثمان
قلت الحق اخذ اول الصف
بس لقيتك قارش ملحة حد مين دا ياعم اوعي يكون انا هههههههههههههههههه...قصيده جميله ياابو الروض الروض بما تحمل من اوصاف ..والعظه الجميله في اختيار الاصدقاء...ابدعت اخي

بكل ود.تحياتي

انت شرفتنى والله يا استاذ رضا بمرورك الجميل
وعلى فكره انا من النوع اللي بيتأثر من المحيطين بيه
والفكره دي جاتنى من اتنين صحاب بعيد عني خالص ههههههههه
اما عن الموعظه في القصيده فدي من عندي
لان فعلا لازم الواحد يكون له نظره فى الصاحب قبل ما يصاحبه
شرفتنى بمرورك الكريم اخي رضا

الاخ الحبيب الشاعر الجميل

رضا عثمان

والله ما قلت إلا الصدق . وكما قال المثل القديم :

صاحبك من بختك . وعلى فكره انا بختى وحش قوى .

علشان كده انا عشت مع نصك وكأنك تتحدث عن لسانى .

قصيده جميله يا رضا تسلم ايدك .

مودتى وتحيتى ...

ابو الروض
مش كل مرة هاقولك كلامك عاجبنى
انت عارف لواحدك انى مابمرش على صفحتك الا وبابدى اعجابى بالنص بتاعك
ارحمنا بقا ياجدع وعك شوية عشان نزم فيك
ههههههههههههههههه
تقبل مزاحى اخى رضا واعجابى بما قدمت ياجميل Cool

تحياتى لك ياغالى

والله فعلا يا استاذنا كل كلامك صدق وخرج من قلبك مباشرة لانك لخصت الصديق فى هذه الكلمات الموجزة

تقبل تحياتى واعجابى بالفكرة والنص

الشاعر/رضا عثمان
والله أبدعت
قصيده قيمه وحكمه بليغه
تقبل مروري Very Happy

استازنا الكبير والجميل عادل سند
فى الزمن ده بالزات من النادر ان تجد الصاحب الصاحب
ولكنه موجود ولكن احيانا ظروف الحياه قد تباعد بينكما الى حد ما
دمت بكل خير استازى

شاعرنا الجميل حسن الجمال
انت حبيبي وانا بتقبل منك اى مداعبه وده لخفة دمك يابو على وصفاء قلبك
وبعدين عندي ليك عكه ميه ميه بس صبرك ، عاملك مفاجئه أخر عك ف عك
هههههههه هدخلك الواو ف الشعبي وده في قصيده بعملها حاليا واتمنى تعجبكم جميعا
دمت بكل خير اخي الحبيب

شاعرنا الجميل خالد دويدار
مرورك وتعليقك شرف كبير ليا واعتز بيهم
دمت بكل حب وخير

شاعرنا الجميل فارس القرشي
الجميل والممتع هوا مرورك العطر
دمت بكل خير أخي الحبيب

الاخ الكريم الشاعر الجميل رضا عثمان

طرقت بابا هاما هو باب الصداقة وصفات الصديق الحق .. وكيف تختار صديقك

صغت فكرتك في رباعيات منتظمة الايقاع الا في واحدة تحتاج الي مراجعتها

وصولا للجمال والاكتمال .. الحقيقة أنني حاولت تنسيقها في رباعيات

قبل تثبيتها فوقفت أمام رباعية واحدة

باقي القصيدة متماسكة الفكر والصياغة والمضمون

خالص التقدير لعملك الجميل

كن بكل خير

الاستاذ الشاعر / رضا عثمان

جميله فعلا
أحييك على السرد السلس والموضوع المهم الذي تناولته ببراعة وابداع
مودتى Very Happy

الرائع رضا
قصيدة جميلة بها من السمو الأخلاقي الكثير
أنت هنا شاعر صاحب قضية
أحسنت

الشاعر رضا عثمان
اولا احيك على هذا الابتكار
ووجه المقارن مابين صاحب وصاحب

عارف

احد الأئمه الكرام

قال

احظر عدوك مرة
واحظر صديقك الف مرة

قالولوا ليه يامام

قال لهم

ربما انقلب الصديق فكان اعلم بالمضره

احيك اخي الاستاذ رضا عثمان على هذة القصيدة مودتي

الله عليك يا ابو الروض
والله اخر جمال واكتمال
بدون اى مجامله انت تفوقت
على نفسك المرة دى
دمت يا جميل بكل هذه الروعه
ودى واعجابى وتقديرى
Very Happy

الله !!!!!!!!!!

انا كنت فاكر المحلاويه واعيين شويه عن الشراقوه

طلع الحال من بعضه ... طب يمكن سندوتشات الفول من عند البغل

هيه اللي بتطمع الناس فينا ؟؟ يمكن

مساء ( الفوط ) اللي من عند فوزي اللي في الشون

حضرلي شويه لحد ماجي ... صباح الفل

شاعرنا الجميل محمود جمعه
اولا يشرفني جدا ويسعدني مرور حضرتك
ثانيا انا اتقبل النقد بصدر رحب
ثالثا انا اميل في كتاباتي الى اللون الغنائي
وقد اتعمد احيانا بتغيير كوبليه في القصيده ليعطي باختلافه شىء من الجمال
اما في هذه القصيده فلم أغير شئ بس ياريت كنت نسختلي الرباعيه
المختلفه عشان برضه اراجع نفسي
دمت بكل خير اخي الحبيب

شاعرنا الجميل عاطف عاشور
يسعدني جدا مرور حضرتك المشرق
ويشرفني ثنائك على كلماتي المتواضعه
دمت بكل حب

استاذنا الجميل عاطف الجندي
شرف كبير ليا مرور حضرتك اللي حرمتنا منه بقالك فتره طويله
أسعدنى جدا مرور حضرتك
دمت بكل خير استاذنا

شاعرنا الجميل ماهر حامد
اسعدني جدا مرور حضرتك
وفعلا عندك حق الصاحب أدرى بنقاط ضعف صاحبه عن غيره
دمت بكل حب

الشاعر الجميل المتألق دائما محمود قطب
شرفني جدا مرورك على كلماتي المتواضعه
واسرني تعليقك الذي هوا بمسابة دفعه الى الامام
دمت بكل خير

رضا عثمان كتب:: شاعرنا الجميل محمود جمعه
اولا يشرفني جدا ويسعدني مرور حضرتك
ثانيا انا اتقبل النقد بصدر رحب
ثالثا انا اميل في كتاباتي الى اللون الغنائي
وقد اتعمد احيانا بتغيير كوبليه في القصيده ليعطي باختلافه شىء من الجمال
اما في هذه القصيده فلم أغير شئ بس ياريت كنت نسختلي الرباعيه
المختلفه عشان برضه اراجع نفسي
دمت بكل خير اخي الحبيب

[

b]
لو ملقتشي كلام ف عنيه
قرب منه وكلم فيه
خليه يبقا كتاب مفتوح
ركز وانت بتسمع ليه

واما يخلص خليك هادي
دايما كل كلامك عادي

واوعاك تكشف سترك تاني
خليه جوه ف صدرك غالي
وانت معاه العشره هتثبت
ان كان صاحب ولا أناني

الاخ الكريم الشاعر رضا عثمان

أعلاه ستجد كل الرباعيات تسير بشكل رائع منتظم عدي رباعية واحدة ناقصة سطرين شعريين .. لتكتمل القصيدة علي نسق واحد أقترح عليك العمل علي
أكمالها

هذا رأيي ول أخي مطلق الحرية

خالص التقدير والود[/b]

استاذنا الشاعر الجميل عطيه شواش
مساء الفل على عيونك يا باشا
أهم حاجه عندنا مزاج سعادتك
واظن سندوتشات البغل اخر مزاج ، وبصراحه احلى سنوتش فول في مصر
من عنده
دمت بكل خير استاذي

» مين اللي قال ؟؟؟؟؟؟؟؟؟؟؟؟
» اللي بنا مصر
» ع اللي إنت فيه
» يا شعب إيه اللي جرى
» لما اللي حبك طفش