رباعية " أرجو المشاركة "

الطبيب الشاعر/ د.محمد رزق كتب:

دعاء العطــار كتب:

يا حارس المقبرة هش الفيران والدود

إكتب فـ نعشي شهيد وارسم طريق مسدود

محروم من الأحلام والدمعة سابيانى

حاشرينى متر ف متر حتى الكفن محدود

*
ياحارس المقبرة افتح عيون تانى

واحد لقلبى الوفى وعيون لخلانى

واكتب على تـُربتى عاشق ومات مقتول

مصر اللى بـِنحبها هِـىَّ اللى قاتلانى
*
شاعرتنا الرقيقة / دعاء
أشكر دعوتك الراقية للمشاركة فى حب الوطن
وأغبطك على هذا الحب وهذه الشاعرية
وأهديكِ فى لقائنا الأول
خالص مودتى وتقديرى
راجيا أن تسمحى لى بالعودة ..

يا حارس المقبرة خلى العيون شايفين

أجلك في علم الغيب مين راح يوصل مين

متخافش ع العايشين ربك عليم بيهم

سلم ولبي الندا خليك شهيد وأمين

أحلى الكلام إنقال وإن ..الأمل موجود
إفرش طريق الجنه برضا ربنا المعبود
ربك كريم وغفور برحمته الواسعه
يرحم جميع... العباد ولجنته نعود

دعاء العطــار كتب:

رضا محمود كتب:

دعاء العطــار كتب:

[color=blue];رضا محمود"

قال الحبيب النبي..في حديث رواه مُسلمْ

بُعدك عن الشُبُهاتْ..في كُل شيئ.. أَسلَمْ

قلب العباد لو صَلَحْ..يصلُح معاه الجَسَدْ

لو كُنت ناوي الخير..كَـرَم الإله أعَظَمْ

من حديث الرسول صلى الله عليه وسلم (إن الحلالْ بيّن وإن الحرام بيّن وبينهما مشتبهات.....)إلى آخر الحديث

ياللي بتوع ربنا عاملين وسارقينها
زمن العيال انتهى والقصة فاهمينها
مثل ودور في البلد وازرع شياطينك
تطرح عيدان .. ربنا أبداً ما هيزينها

زمن العيال إبتدا..أصل الرجال خايفينْ

ياثورة في المُبتدا..خَطفوها ناس خاينينْ

بايعين تراب البلد..واستولوا عـ الدّستورْ

وجاي علينا الدّور..طول ما الشّباب ساكتينْ

إوعاك تقول الشباب أصل الشباب تعبوا

دم وشهيد ودموع أخرتها يتغلبوا

والخاين اللي دفع هو اللي يحكمها

يبقى الغباء والسفه هما اللي ينطلبوا[/quote]

الله يجازي البَلد..على دَمّ أولادهَا

لمّا الشباب إنطَرَدْ..من كل أعيادهَا

داست على الثّوّار..وباعت الأحرارْ

وسابت الأشرارْ..يكونوا أسيـادهَا!!!

[]أفعل جميع الخـير والرب ف التدبير
وذى ماقــال رضـا ه نكمل التفسير
أوعاك طريق الخطأاو تبقى بِ وشين
أصل الخير معروف والشر صاحبه حقير

الرحمه يا استاذ رضا انا مش قدك انا مش ملاحقه ارد عليك ولا على الناس ولا على ردك على الناس
قل اعوذ برب الفلق عينى بارده عليك انا مبحسدش بس ميمنعش من شويه حقد على خفيف
هههههههههههههههههههه

تحياتى ايها الشاعر الرائع وكل الشكر لاساتذتى المشاركين في مساجلتنا هذه
ولى عودة للرد على كل هذه الرباعيات

هـىَّ الحيـاه قنــاعه ودواها رضا
خليك بقلب سليم وإرضى بما مضىَ
تلاقى السعاده قوام شبيك لبيك
وتكون ملكت الأرض ومعـاها الفضا

يا حارس المقبره جمع في أشيائي
قلمى وورقي ومصروفي وإيه باقي
غير دمعة محبوسة في عين أمى وليل دبلان
قوم افتح المقبره وادفن في أشلائي

أعتذر لغيابي الفترة القادمة فما رأيته من حقارة وقذارة من النظام الحالى الفاشل تلجمنى ولن يستطلع القلم وصفها
الى اللقاء يا أصدقائي في وطن بلا هوية

رضا محمود كتب:

دعاء العطــار كتب:

يا حارس المقبره جمع في أشيائي
قلمى وورقي ومصروفي وإيه باقي
غير دمعة محبوسة في عين أمى وليل دبلان
قوم افتح المقبره وادفن في أشلائي

أعتذر لغيابي الفترة القادمة فما رأيته من حقارة وقذارة من النظام الحالى الفاشل تلجمنى ولن يستطلع القلم وصفها
الى اللقاء يا أصدقائي في وطن بلا هوية

إيه يا أستاذة دعاء....يعني نعتبر دي دعوة لقفل الموضوع ؟؟!! مش برضه المفروض أصحاب المبادئ والأفكار والمواهب يحاربوا من اجل ما يؤمنوا به..ولاّ يسلموا ويستسلموا ويهربوا قصاد أول مشكلة تقابلهم؟؟!!
أرجو الردّ على سؤالي لأستوضح الأمر...تحياتي

تتذكر يا صديقي عندما كتبت لك " شاعر جبان هو اللي يكتب للميدان "؟
كنت ساخرة ومتحمسة ومليئةو بالأمل
ولكن الآن أقولها وأنا يملأنى الحزن واليأس والأسى " شاعر جبان هو اللى يكتب للوطن"
لن أدعى أنى صاحبة قضية ولا صاحبة مبدأ
ولا ليس عندى عزم وإصرار ولن أحارب
فهذه الحرب التي قد شننتها منذ عصر مبارك ولم أخشى أحدا لم تسفر إلا على بعض التصفيق في اللقاءات الأدبية ولم يطيح بنظام مبارك إلا العمل وليس الكلام ولن يطيح بذلك الفاشل مرسى وأعوانه الفشلة إلا الفعل وليس الكلام وأنا علمنى الشعر أن أملك الكلام .. وما للكلام قيمة في وطنى اليوم ..وطن ينهار خارت قواله وسقط أرضا ووقفت أنظر مثل باقي الناس وكتبت شعرا
ملعون يا هذا الشعر إذا لم ترفع من وطنى وتعيد قواه
ملعون يا قلمى أنت وملعون يا قول الآه

صديقي العزيز بقلبي جرح نازف منذ سنين وبعد ما قد حدث مؤخرا قد شق القلب إلى نصفين ومات وأنا أحيا حلاوة روح ليس إلا
أتركنى عذرا يا أخى على أجمع شتات الباقي منى لأفعل شيئا أي شيء ...أى شيء

يا حارس المقبره ماتوا كتير أطفال
و اللي قتلهم بشر ماكنوش حمير و بغال
و اللي استقال و انكتم , أحسنله كان العدم
و الكره ترجع لنا , و يقولوا دول أبطال

عاطف الجندى كتب:

يا دعاء و أنت الأمل في بكره جاي أخضر
أزاى تقولي كده و تتاخري م المنظر ؟!
دانتم شباب الأمل ، بنشوفنا ف عنيكم
خلى سلاح الشعر يثبت و لا العسكر !

مش قادره... ما اللى اندبح واللي اندفن منى
سرقوق يا نور العينى... وخدوك من النني
ومدفون وايه في التراب فاضل يسيبنى اعيش
واكتب كلام حواديت فاهمـــاه وفاهمني

مها ضرار كتب:

يا حارس المقبره ماتوا كتير أطفال
و اللي قتلهم بشر ماكنوش حمير و بغال
و اللي استقال و انكتم , أحسنله كان العدم
و الكره ترجع لنا , و يقولوا دول أبطال

اللي قتلهم غباء الحكم وسياسته
جهل السيادة مع اللي وافقه برئاسته
إخوان وقال مسلمين والله بريء منهم
عجز وفشل والشيطان ساحرك بوسوسته

طاهر طاهر السنباطى كتب:

[]أفعل جميع الخـير والرب ف التدبير
وذى ماقــال رضـا ه نكمل التفسير
أوعاك طريق الخطأاو تبقى بِ وشين
أصل الخير معروف والشر صاحبه حقير

يا حارس المقبره طهر اديك م الدم

واوعاك تقول ان دي ثورة بدعوة أم

لما العيال نصهم بيموت قصاد القطر

والنص شايب في عز شبابه لجل الهم