رباعية " أرجو المشاركة "

فى القبر فرح وهنا
وجنه للموعود

قضيت حياتى انا
مابين ركوع وسجود

وراعيت حدود ربنا
لما الميعاد موعود

لقيت بساط الهنا
لأ خر الطريق ممدود

دا وعد من ربنا
الجود لأهل الجود

لما لقيت القبر
اخدته بالاحضان

قابلت فيه الفرح
والملك والصولجان

ولما قام ضمنى
ضمه بكل حنان

ولما جانى الملك
مين انت يا انسان

انا قولت عبد شكور
فتح لى طاقة نور

مابين ايدين رحمان
نمت بقالى دهور

محمود محمد الميدانى كتب:: الشاعرة المبدعة دعاء العطار
لك تحيتى الى ابداعك التى تسطرنه بقلمك وعره الذى يفوح فى هذة الرباعية الجميلة

الأستاذ محمد محمود الميدانى

مرور طيب شرفت به

وكلمات رقيقة أسعدتنى

دمت بكل الخير أخى العزيز

حمدى البابلى كتب:: ياحارس المقبرة إمتى قرص الودان يوجع
لو مفخرة جنان كان العاقل فيهم يرجع
ياحارس المقبرة قولهم عن أمواتك الغزاة
سيفك يابطل فى الحق الجبابرة ليه تركع

ماهو حارس المقبرة هو اللي دابحها
وباع وقبض التمن والغولة ريحها
ولا عمره قال اننا إخوات ولحم ودم
قافل عنيه عننا ولا حاجه تفتحها

أحمد عبد الرازق كتب:: يا عيني ع الترب الي اتفتحت علي رأي استاذنا محمد البسيوني ههههههههه
احييكي بشده الشاعره دعاء العطار علي رباعيتك التي اعجبتني كثيرا ورباعيات اساتذتنا وبالذات أ/محمود جمعه وأ/عادل عوض سند
طلعتوا الكلام مننا بس مش زيكوا طبعا

يا ملطّمين ملطمه بإدين علي الخدين
ليه زعلانين يا بشر والدمع مالي العين
ربي حسبني شهيد وختملي من دمي
والي يشوف جنتي-يتمنى أموت نوبتين

يا عاملين مندبه ومناحه معموله
انا مت من كام سنه مش بس دي النوبه
انا عشت ميت زيكم م الي انتوا عارفينه
لكن موتت ربنا غير امنا الغوله

مش لطم ولا تعديد ولا فرحه بالتكفين

جدعان وصانو البلد حلفو بكل يمين

يا يسلموا أرضها حرة لأولادها

يايعيشو طول عمرهم دايرين على الميادين

محمود جمعة كتب:: لو كان كفيف البصيرة ينظر ولو مرة

مكنش نهب البلد وظلمها بالمرة

وكان عرف الليئم ان الدوام لله

والقبر بينادي ..راح تيجي ف الحفرة

عنتر حمل سيفه ف وش القهر ضد الخوف

عنتر حمى الكل بدراعه وبكره نشوف

اللى جراله كرامته والاعتراف إنه

فارس وإبن أبوه ولا همه أى ظروف

محمد البسيونى كتب:: مادام كفيف البصيره ياجمعه مايشوفشى

ولايوم يحس بغيره .. كَل ولا ماأكلشى !

عايش لنفسه وعيلته ,, مراته واولاده

والقبر رغم انه ضيق .. بيلم مايسيبشى

القبر ضيقه فرج ع المتقي ربه

أما اللي باع البلد ومفيش ضمير عنده

القبر يعصر فيه ميساعش توب كفنه

والناس هتدعى عليه ويزودو ذنبه

بسمة الورد كتب:: ياحارس المقبرة الصبر ولى وراح

خليه يعيش بالهوى وياخد معاه اسرار

لا قسوة نفعت فيه ولا حتى صبرنى

يمكن يموت من الزهق والحسرة والافكار

الموت هييجى قدر للي الحياة كارهاه

ييجى عقاب ربنا في الأخرة يستناه

لما يجينا التاريخ ينكر ويلعن فيه

تبقا الحياة للي ده أمل بيتمناه

طاهر الصوفاني كتب:: مررت من هنا للتحيه والسلام
وساحاول المشاركه قدر المستطاع بامر الله

تحياتي لك ايتها الشاعره الشاعره

هههههههههه

مرور بليغ كعادتك استاذ طاهر الصوفانى

ولكى ف انتظار رباعيتك انت ايها الشاعرالشاعر جدا

تحياتى

محمود جمعة كتب:: يا حارس المقبرة غرتني أمانيا

ونسيت بأني حكون عندك ببلاويا
ِ
انا جاي خايف اوي ..وغيري ليه فرحان ؟

هو شهيد الجنان ..وانت بلا دية

انا أيوه فت الحياه والمال و مت خلاص

لكنى فت العيال بفلوس تعلى الراس

بس العيال خاينين ناسيينى بالفاتحه

هو الحياة والبشر نسيو بقا الإخلاص

برجع تاني اشارك بعد ما لفتت انتباهي كلمة(ارجوا المشاركه)

شايف ببان القبور ع البحري مفتوحه
تسئل صحاب العقول والباني ف صُروحه
ضمة حِيطاني صعيبه ياخلق مين يعرف
لو يدري هاالانسان كان ينفد ب رُوحه

بسمة الورد كتب:

بسمة الورد كتب:: ياحارس المقبرة الصبر ولى وراح

خليه يعيش بالهوى ياخد معاه افراح

لا قسوة نفعت فيه ولا حتى صبرنى

يمكن يموت من الزهق واهو كله سهد مباح

دا تعديل لمشاركتى الاولى لحسن حصل منى لخبطة والتعديل راح هناك تقبلى مرورى حبيبتى

حبيبتى مهما كتبتى إحنا عارفين مين بسمة الورد كلنا قلنا اكيسد غلطه مطبعية
ههههههههههه
تحياتى غاليتى

جميله جدا يا دعاء تسلمى فعلى
وهى دى اخرة الانسان متر فى متر بس لو كان شهيد يبقى احلا قبر واحلا موتا

يا حارس المقبـرة ، تعــرف مصيــري إيـــه ؟

مغصوب عليه يا ترى وللا برضايَ الاقيـــــه ؟

القبر شكله كـده جُـــوّاه جبـــــال أســـــــرار ؟

وانا جاي عليـا الدور، يا خوفـي م ِاللـي فيــه

يا حاضــــن التربـــة ، حضنــك ملاهـا دود

فرشـــك بقايـــا بشـــر؛ البيـض خليـط السـود

والنومـــة إمـــا الهنــــا أو م ِالعــذاب ألــوان

وان قلت" نفسي اعود" تلقى الطريق مسدود

يادعاء فتحتى علينا باب مش ح نعرف نقفله

بالرباعيه بتاعتك دى ، يالله ماشى ياست دعاء :

ياحارس المقبره .. أنا جى مِتَّاخِد

خايف من الملكين ومن إله واحد

ياقبر .. والمصطفى تخفف الضمَّه

طول عمرى باعمل خير .. وربنا شاهد

محمد البسيونى كتب:: يادعاء فتحتى علينا باب مش ح نعرف نقفله

بالرباعيه بتاعتك دى ، يالله ماشى ياست دعاء :

ياحارس المقبره .. أنا جى مِتَّاخِد

خايف من الملكين ومن إله واحد

ياقبر .. والمصطفى تخفف الضمَّه

طول عمرى باعمل خير .. وربنا شاهد

غيرك بيعمل شر والرب اهو شاهد

عايز ينول الحياة وف بالو مش واخد

ان الإله موجود عالم بيظلم مين

عمر الرحيم ما يساوى الشهدا بالفاسد

تحياتى استاذى العزيز وياااااااااارب الفتحه دى متتقفلش ابدا

الشاعر محمود قطب كتب:

دعاء العطــار كتب:: يا حارس المقبرة هش الفيران والدود

إكتب فـ نعشي شهيد وارسم طريق مسدود

محروم من الأحلام والدمعة سابيانى

حاشرينى متر ف متر حتى الكفن محدود

يا حارس المقبرة خد منى بعض كلام
ملعون ابو اللى افترىواستغبى م الحكام
وظن ان الورى خدام ولاد خدام
يا حارس المقبرة وصل لامى سلام

الاستاذة دعاء العطار
حاجة كده سريعة من وحى رباعيتك
ولو انها مش قد المقام
تحياتى
Very Happy

الشاعر الكبير الاستاذ محمود قطب

إيه ده كلو؟

اقدر اقول ان حضرتك كده بتعجزنى بالرباعيه الرائعه دى؟

تحيااتى

يا حارس المقبره قوله مفيش مهرب

الأخره اهى قربت ولفين بقا يهرب

هو ف ايد الإله عالم بحال الكل

قولو يحضر جواب أصل السؤال قرب

عبدالرحمن الشاعر كتب:

دعاء العطــار كتب:: يا حارس المقبرة هش الفيران والدود

إكتب فـ نعشي شهيد وارسم طريق مسدود

محروم من الأحلام والدمعة سابيانى

حاشرينى متر ف متر حتى الكفن محدود

يا حارس المقبرة ، تعرف مصيري إيــــه ؟

مغصوب عليه يا ترى وللا برضايَ الَاقيه ؟

القبر شكله كـده جُـــوّاه جبـــــال أســــرار ؟

وانا جاي عليا الدور، يا خوفـي م ِ اللـي فيه

عبدالرحمن الشاعر

الدايره دايره على اللي ناسي حكم الله

واللي نسي ان كل الدنيا مش عايزاه

واللي زرع مر لازم يحصد العلقم

عمرو ما يعرف طريق للورد يا ولداه

أشرف هيبا كتب:: مهما تقولوا حساب لسه الامل موجود

يا رب عاملني برحمتك وبميزانك لا

إخواني لا تقنتوا من رحمة الإله

ده هو الكريم ربنا وكل شئ بميعاد

الشاعرة المتميزه دعاء العطـــار دمتي بكل خير

وبارك الله فيكي

زوجى العزيز الشاعر أشرف هيبا

كلمات رقيقه سعدت بها بالرغم من معرفتى بمدى انشغالك سيِّدى

دمت بكل الخير

ربك كريم يا جدع عالم قوى بالحال

لا السلطه دايمه ولا دايم أكيد المال

ما دايم الا الإله رب الوجود عالم

مين اللي حب الناس واللي ضميره محال

ياحارس المقبره .. قبرك عليَّا جديد !

أهلى جابونى هِنا ومِشوا وسابونى وحيد

عملى اللى فاضل معايا جايز يوَنِّسنى !!

صلاتى كانت جماعه .. قرآنى كان تجويد

ياحارس المقبرة ادعيلي وأنا نازل

حبقي وحيد مهموم ولا تدري ايه حاصل

لو رحمتة ضللت قبري سعادتي تدوم

لو نقمتة ضيقت قبري ..اله عادل

ياحارس المقبره لاليَّــه حال ولا قوه

أنا جِيّتى مش بكيفى دا انا جَى بالقوه

عشمى ان يوم القيامه فى الجنه ألقَى مكان

ومش بعملى ولكن ......... برحمته هوَّ

حمدى شيبة كتب:

دعاء العطــار كتب:

عادل عوض سند كتب:: ماكنت حاسب يوم للمقبره ابواب

بينى وبين الموت انا ِقمت الف حجاب

واما نزلت القبر .. والكل اهو فاتنى

شفت العقاب محتوم ومنتظرنى عذاب

وانا كنت فاكر إن الدنيا دايمالي

أنهب و ابيع التراب ولا شيء على بالى

حتى حياة البشر ملهاش تمن عندى

لحد ما بقيت هنا ولا حاجه باقيالى

وهى دامت لمين علشان تدوم يا غشيم
منفعش فيك الكلام منفعش فيك تعليم
عصيت وشيلت الذنوب مستنى أيه تانى
أملك وحيدهو ربك غفور ورحيم

يا حارس المقبره إندب على حالى

لا الدنيا دامت ولا الكرسي هيبقالي

بقيت يا حول الله لا حولا ولا قوة

مرمى ما بين ملكين سألينى على مالى

حمدى شيبة كتب:

دعاء العطــار كتب:

محمد البسيونى كتب:: داخل عليكم سعيد والقلب كان أسعد

ألقاكوا فاتحين( تُرَب ) والكل بيعدِّد

خمسه وستين سنه .. يادوب معدِّيهُم !!

مش مستريَّح لكم .. قلقان ومتردِّد

والله لك وحشه وكنا بجد عايزينك

تيجى وتقرا لنا ورد بتراتيلك

ما الدنيا فانيه بقا ولا حد هيحاسب

إلا الإله ف السما عالم أمور دينك

يا منور المنطقة خايف أقول مقبرة
لا حد يفهم غلط وانت راجل سكرة
لكن هنعمل ايه دعاء جابتنا هنا
واهو كل شىء بميعاد وكله للتذكرة

يا سيدى جمعتكم خلينا نتقابل

نكتب كلام يتوزن إن الإله عادل

قادر يجيب حقنا م المخفي والمكشوف

واحنا بإدينا هنا هنحاسب الفاعل

yousry_osman كتب:: فى القبر فرح وهنا
وجنه للموعود

قضيت حياتى انا
مابين ركوع وسجود

وراعيت حدود ربنا
لما الميعاد موعود

لقيت بساط الهنا
لأ خر الطريق ممدود

دا وعد من ربنا
الجود لأهل الجود

أصلك أصيل يا جدع منصور بإذن الله

أما الخسيس الحزين ملعون في كل صلاه

ربك هيقطع ايديه اللي قتل بيها

ويتوه ما بين الخلايق كارهينو يا ولداه

» مصر غالية (أرجو المشاركة)
» " قبل ما يفوت الأوان " أرجو المشاركة
» شاب وسيم
» تونس / رجاء المشاركة
» لينا صوت .... برجاء المشاركة