رباعية " أرجو المشاركة "

رضا محمود كتب:

دعاء العطــار كتب:

مها ضرار كتب:: مصر الجبل فيها المحاجر دهب

مصر الحناجر فيها تغلي بلهب

لا بتعتني بالكدبة و اللي كدب

و لا تنحني رغم إن بيها آتب

مصر انحنت من زمان لما صلاح الدين

مات واندفن واتنسى تعبه في يوم حطين

وجت جماعة غضب تحكم على بلادي

وتكفر المؤمنين واحنا نقول آميـــــــن

مصر انتصار الضيّ عـ القُضبَانْ

مصر انكسار الظُـلم والطُغيَانْ

مصر الشّباب الحُرّ في الميادينْ

مَد الإيدينْ..لجل النهَار ما يبانْ

مصر السواد والخيبه والإخوان

مصر السنين السوده والحرمان

مصر الشقى ع الوشوش يغزل ضفاير ذل

وناسيه ليه أهلها والدم ع القضبان

رضا محمود كتب:

دعاء العطــار كتب:

مها ضرار كتب:: الوش واحد و الضمير مقسوم

آااه يا وطن , ليه قسموك البوم

بتداوي إيه و السيف في ضهرك رشق

و لا قدرت من الجراح دي تقوم

================

يا مقسمين الوطن حيلكم على بلادي

من يوم ملكتو الزمام والكل صار "عادي"

بتدوسو ليه ع الجراح وتدبَّحوا ناسي

دمي اللي سال ع التراب اهو راح على الفاضي

تحياتى غاليتى لجمال حرفك

" عادي" تعنى " معتدي"

يا مفَرّقين الفِتَنْ..بالكدب في الميادينْ

ومقسّمين الوطَنْ..ما بين يسَارويمينْ

الشّعب بُكرة هيكشف المستـُورْ

لمّا البَلَد هاتثورْ..ونعدل الموازينْ

احلم وعشم جنابك بانتصار الحق

وانسى الوابور اللي جالك يومها تصرخ لأ

متهدش اللي انبنى تقطع في لحم الحي

سيب العيال لامهم لجل النهار ما يشق

رضا محمود كتب:

طاهر طاهر السنباطى كتب:: يامصر لساكى عُــودك خَضـار
لكن ضمير الناس ف إحتضـار
عودك الزهر فيه ألوان
لكن إختلافنا ودانا ف إنحدار

يامصر مين السَبَبْ..في الفتنة والتقسيمْ

ضي النهار إتحَجَبْ..بالكِدب.. والتَعـتِيمْ

تايهين مابين السِكَكْ..ماشيين ومش شايفين

وحدتنا راحت فينْ..وليه قرارنا عقيـمْ؟؟!!

"مين السبب في الحب القلب ولا العين"

يا مضيعين الحلم باللعب ع الوشين

تاه الطريق مننا ضاقت خطتوينا

وانتم حكمتم وسبتونا هناك تايهين

رضا محمود كتب:: العيب مش عيبك يابهَيّـةْ

ولا ذَنب الثورة المَصريّةْ

العيب عـ النّاس اللّي رَمُوكي

في إيدين النُخبَة السياسيّةْ!!

العيب عليا انا تايهه ما بين الاتنين

ففرقه بتهتف دم والتانيه تهتف دين

وبهيه متقطعه ما بين هنا وهناك

يا جامعه القاهره ردى على الميادين

يا حارس المقبره متخافش ع الحكايات

عمر التاريخ ما ظلم ولا فسدته الإشعات

حرامية الثورة أهم ع الإيد بيتعدوا

والكل عارف لهم وحاسبلهم حسابات

دعاء العطــار كتب:: يا حارس المقبره متخافش ع الحكايات

عمر التاريخ ما ظلم ولا فسدته الإشعات

حرامية الثورة أهم ع الإيد بيتعدوا

والكل عارف لهم وحاسبلهم حسابات

يا حارس المَقبَرة..لسّة الأمل موجودْ

الثورة مِستنظَرَة..لَحظة غَضَب وتعودْ

تقلع جدور اللّي خانوا وباعوا أحلامنَا

لا اليأس يهزمنَا..ولا الظلام.. هَيسودْ

يا حارس المقبرة جايلك وشاهد زور

من غير دليل بأفتري وأظن ف المستور

ربك وقال في كتابه .. الظن م الآثام

لا راعيت كتاب ربنا ولا عندي شيء محظور

رباعية رائعة استاذة دعاء
اسعدني وجودي بين كلماتك دام ابداعك

رضا محمود كتب:

دعاء العطــار كتب:: يا حارس المقبره متخافش ع الحكايات

عمر التاريخ ما ظلم ولا فسدته الإشعات

حرامية الثورة أهم ع الإيد بيتعدوا

والكل عارف لهم وحاسبلهم حسابات

يا حارس المَقبَرة..لسّة الأمل موجودْ

الثورة مِستنظَرَة..لَحظة غَضَب وتعودْ

تقلع جدور اللّي خانوا وباعوا أحلامنَا

لا اليأس يهزمنَا..ولا الظلام.. هَيسودْ

الأرض صابها الصمم لما الطوفان جانا

والظلم لما اترسم على كف مولانا

قال الشجر للحجر امتى البلاد هتعود

سبحة وسلام للبشر ووحمامة فـ سمانا

ياحارس المقبرة دول اللي عايشين والموتى هو احنه
عشنا سنين اشباح في الذل وبعنا للخوف اروحنه
إللي أندفن دا في شهيد في الجنان مرتاح
قله ادعي ربنا لو تأخرنا عليك يسامحنه

» مصر غالية (أرجو المشاركة)
» " قبل ما يفوت الأوان " أرجو المشاركة
» شاب وسيم
» تونس / رجاء المشاركة
» لينا صوت .... برجاء المشاركة