عيزين حكومة ... صينى

والله شاعر جميل فعلا عايزين حكومة صيني

علي الاقل عندهم ضمير

بس انا خايفة من حاجة في مثل بيقول ( من عاشر القوم ياصار منهم ياصاروا منة )

انا خايفة لاحسن ييجواهنا يتعلموا شغل اللالي يعني الاونطة والهنكرة والضحك علي الدقون ربنا بستر

تحياتي

أستاذ جمال نصير الشاعر الرائع نص جميل

والله يا استاذ جمال عايزين حكومه صينى بس عشان تبوظ بسرعه ونغيرها كل شوية بدل اليابانى اللي بتعيش تلاتين سنه دى

سبقتنى الزميله سلوى وأردت ان يكون أول مرور لي على هذه القصيدة الجميله

تحياتى استاذي لبهاء حرفك

النص مش محتاج شهادة واحد مثلي عشان تعرف انه رائع

ولكن من ناحية المضمون اسمح لي العيب مش فى الحكومة لا السابقة ولا الحالية

قيل لعلي بن أبي طالب – رضي الله عنه – يوماً: لم كثرت الفتن في عهدك ؟ و لم تكثر في عهد أبي بكر وعمر؟ فأجاب علياً قائلاً: لأن أبا بكر وعمر كانوا يحكمون مثلي أما أنا فأحكم أمثالك!

العيب فينا احنا مش فى الحاكم هذا ليس دفاعا عن مرسي

والكلام ده قولته برده ايام مبارك لان الحاكم واحد مننا

وبعدين حتي الصين فيها فساد ورشوة ومحسوبية و..الخ

مشكلتنا تتلخص فى ازمة اخلاق وكما قال شوقي

انما الامم الاخلاق ما بقيت ..........فان ذهبت اخلاقهم ذهبوا

عشان كده ذهبنا ولكن السؤال الاهم متي نعود لاخلاقنا كي نعود

ولا نحتاج الى منهج غربي او حكومة اجنبية

شكرا

سلوى سيد عبدالعزيز كتب:

والله شاعر جميل فعلا عايزين حكومة صيني

علي الاقل عندهم ضمير

بس انا خايفة من حاجة في مثل بيقول ( من عاشر القوم ياصار منهم ياصاروا منة )

انا خايفة لاحسن ييجواهنا يتعلموا شغل اللالي يعني الاونطة والهنكرة والضحك علي الدقون ربنا بستر

تحياتي

لا اطمنى يا استاذه سلوى.. للاسف ومش عايز اقولها بصراحة لتزعلوا منى.. احنا شعب بييجى اكتر بالعصاية والصرامة.. اما الحرية فشوفى عملت فينا ايه........

دعاء العطــار كتب:

أستاذ جمال نصير الشاعر الرائع نص جميل

والله يا استاذ جمال عايزين حكومه صينى بس عشان تبوظ بسرعه ونغيرها كل شوية بدل اليابانى اللي بتعيش تلاتين سنه دى

سبقتنى الزميله سلوى وأردت ان يكون أول مرور لي على هذه القصيدة الجميله

تحياتى استاذي لبهاء حرفك

لا يا استاذه دعاء..اليبانيون بينتحروا لما بيعملوا شيئ غلط... ولو احنا انتظرنا دا فربما معظم المسؤولين عندنا يموتوا ... شكرا مرورك

عادل عوض سند كتب:

ان شاء الله اخى جمال سوف نرى الفرح مرة اخرى .

وازعم ان لدينا رجال بعقول تدير العالم وليس مصر فقط .

ولكن ربنا يكفينا شر الاطماع وشر التطلع لركوب البشر .

وشر الكرسى الذى صنع كل هذا بنا .

مودتى وتحيتى ...

استاذ عاطف.. انا بدعى ربنا انى يكون عندى متسع من العمر واشوف ال انت شايفه من امل بيتحقق لينا... شعبنا داخله امراض تحتاج الى سنوات من العلاج كى نحلم نصح ونعيش صح

رضا محمود كتب:

جمال نصير كتب:

كل حاجة في البلدى .. صنع صينى
التجارة..
والصناعة..
والزراعة..
اى حاجة ..
حتى فيه نسوان حلال
زى ما تقول احتلال
موجة شالت كل حاجة
حتى ماضينا المزخرف.. بالجمال
الا حاجة .. وحاجة واحدة..
السياسة..
فالسياسة باختصار..
صنع مصرى .. - احتكار-
*****
استغلوا الضعف فينا
لما شافوا الحلم ميت بين أيدينا
جم ساقونا ... كالجمال
صنعولنا اى حاجة
حتى أحلام .....العيال
إل جد وال حتى .. بالهزار
*****
كنا دايما مهما نحلم .. بس احلامنا كابوس
والغلابة زى حالتى .. كل احلامها فلوس
وال يتحكم ف قرشك ..يبقى مالك كل امرك
يعنى احنا عبيد لكام مليون حرامى
عايشه وسط الشعب تسرق ...بالامانى
والنهاردة ..قول يا عربى ..انت عربى !!
زى ما تعوز روح واحلم
حتى لو كان حلم هندي
برضه ... أكرم
كل حاجة تعوزها شاور تبقى عندك
حتى اسمك.. حتى حلمك..
حتى شكلك
كل حاجة ... وباقتدار !!
*****
بس ناقص حاجة واحدة
لجل تتحقق آمالنا
لو جابولنا حكومة صينى
مش هنسمع عن فساد
راح نشوف الكل زى النحل ماشى ف البلاد
مش هنسمع عن مشاكل
وال ماصص دم شعبه
وال شايل حمل همه
وال ف كتافه بياكل
راح تعود الارض تطرح من جديد
والبشر من تانى تفرح..
فرح عيد
حتى لو كات السعادة بطعم صينى
بس اشوفها بطرف عينى
وانسى مرة - بس مرة- المرار
*****

جمال نصير في 8/8/2010

شاعري المفضل المُبدع دوماً الأستاذ جمال نصير..حقاً وقفت كثيراً أمام هذه القصيدة الرائعة للتعقيب بعد أن قرأتها أكثر من مرة فلم تسعفني الكلمات للتعبير عن مدى سعادتي وإستمتاعي بجمال صياغتك وروعة فكرتك وجمالياتك وموسيقاك وعُمق تجربتك وصدقك الفنّي وبهاء مفرداتك..فأنت حقاً شاعر مُتمكّن..
دُمت بهذا المستوى الراائع يا أخي

شاعرى الحبيب رضا
انا بأسعد جدا ان كلامى يجد صداه عندك .. لانك باختصار تعرف الشعر بحق.. لانك موهوب بحق
شكرا اخى على نبلك ووقوفك بجانبى

أحمد رجب معيط كتب:

النص مش محتاج شهادة واحد مثلي عشان تعرف انه رائع

ولكن من ناحية المضمون اسمح لي العيب مش فى الحكومة لا السابقة ولا الحالية

قيل لعلي بن أبي طالب – رضي الله عنه – يوماً: لم كثرت الفتن في عهدك ؟ و لم تكثر في عهد أبي بكر وعمر؟ فأجاب علياً قائلاً: لأن أبا بكر وعمر كانوا يحكمون مثلي أما أنا فأحكم أمثالك!

العيب فينا احنا مش فى الحاكم هذا ليس دفاعا عن مرسي

والكلام ده قولته برده ايام مبارك لان الحاكم واحد مننا

وبعدين حتي الصين فيها فساد ورشوة ومحسوبية و..الخ

مشكلتنا تتلخص فى ازمة اخلاق وكما قال شوقي

انما الامم الاخلاق ما بقيت ..........فان ذهبت اخلاقهم ذهبوا

عشان كده ذهبنا ولكن السؤال الاهم متي نعود لاخلاقنا كي نعود

ولا نحتاج الى منهج غربي او حكومة اجنبية

شكرا

اخى رجب الحبيب الى قلبى.. لكلامك شقين .. الاول انا لا اتفق معك فيه وهو بخصوص شهادتك .. فانت شاعر محبوب وخصوصا لى
اما الشق التانى فانت معك كل الحق... العيب فينا ... وفينا فقط .. انحنى احتراما لرأيك