25 يناير (( بحبك يا مصر ))

يوم جمعة الغضب الشعب من تاني إتولد وقال بأعلى صوت خلي العالم اتزهل
لا للظلم والفساد لا للرشوة و المحسوبية لا لوزير بايع حقوقنا
انا زعلان جدا ع الأيام اللي فاتو علي شاب كان نفسه بس يغير حياته
علشان حاسس بالظلم ومحسش بالكرامه كان كل ما يتكلم يتقابل بالاستهانة
لكن جه الوقت اللي صوته اتسمع ولما خرج من بيته للأسف ما رجع
شهداء 25 يناير فيهم الراجل والست فيهم اللي وراه عيال
سابهم لمين يا حرام معدش في كلام
عشانك يا مصر ولادك مردوش يسكتوا
وقفوا وقفة واحدة وقالوا واتكلموا
وكان تمن كلامهم أرواح ولادك يا مصر
شاب خرج من بيتهم بيحلم بس بالتغير
نفسه يعيش حياه نفسه يلاقي ضمير
يحس مره بينا ودا كلامه الأخير
غيره ايوه غيره ايوه والله كتير
25 يناير يوم لا يمكن يتنسي
للأسف متكلمناش غير لما زمني قسي
آه والله علينا وخلاص دا أخرنا
في الصبر اللي عشناه ومكنش في ايدنا غيره
وطني مصر حبيبي مش عارف أعيش في خيره
في شباب كتير في سني واكبر مني كمان
عاشو كتير في الغربه عانو كتير حرمان
من دعوة من أمه وكمان صوت الأذان
اللي بيقول الله اكبر ع الظالم وابن الحرام
والله بحبك يا بلدي أصل حبك قبل قلبي
ولم دق قلبي لقيت حبك فيه
ومهما بتعملي فينا بنرجع وناديكي
مفيش زيك وطن دانا والله شاريكي
وفي النهاية برضه بئولك انا بحبك يا مصر

السلام عليكم ورحمة الله وبركاته
يارب اللي كتبته يعجبكم وتسعدني في كل الاحوال ارائكم
ahmed sabri