بحبك

لما عينى تشوف عنيكى .. بخاف وباهرب
واستخبى جوا منك
قلبى بيوشوش لقلبك
القى نبضى يضيع فى نبضك
اتوه فى جنه بين رموشك
والقى ايدك بين ايديا
بصمتك هيه فى كفى
تنتقل رعشة شفايفك جوا قلبى
اشم عطر الكون فى تنهيده تنادينى
خدنى منى ..... ادوب فى دمك
بين ملامحك ابقى بسمه تواسى جرحك
ابقى نظره لبنت حلوة تشوفنى فيها
تخونى بيها ... لكن هاسامحك
واستخبى جوا منك ... وتنادينى
آجى جرى اغرق فى حضنك
يااااااااااه بحبك
لما اشوفنى فى ضى عينك
بتدارينى ما بين رموشك
القى روحى رايحه منى ..
.. لما تهمسلى برقه ... يا حبيبتى
مين هايقدر يبعدك لو لحظه عنى
مين هايقدر يفصل الشمس وضياها
وانتى روحى ومنتهاها
وانتى حبى للحياه .. ما انتى الحياه
وهى كل الدنيا ايه غير همسه منك
يااااااااااااااااه بحـــــبك

اشكرك استاذة عزة

الرائعة جدا الشاعرة أميرة

أعجبتني هذة النبضة الرومانسية الرقيقة

انها همسة حب عذبة وصافية تدخل القلب دون استئذان

فيها تلقائية جميلة ..منسابة دون تعقيد

الموسيقي الداخلية في غالبية القصيدة سليمة ..الا قليلا جدا

احييك يا أميرة وانا علي ثقة باذن الله ..اني ساقرأ لك شعرا جميلا دائما

اكتبي لنا يا أميرة رومنسيات مثل هذة كثيرا فصوت القنابل والسياسية

والحروب والاقتصاد ..منع تلك الرومانسية الخلابة عن ارواحنا وقلوبنا

خالص التقدير والاعجاب

أختى أميرة
أولا بالنسبة للوزن
هناك زيادة فى بعض السطور الشاعرية فأنت تكتبى على تفعيلة وبعض السطور تقومى بزيادة تفيلة أخرى تعمل على عدم استواء الوزن
يبدو انك فى البدايات وهذا مقبول إلى حد ما
بالنسبة للصورةتجتهدى لرسم صورة وهذا جيد جدا
والموضوع حاولى أن تكون هناك تجربة للكتابة مش لازم تكون تجربة شخصية قد تكون تجربة لغيرك ولكن لابد وأن تعيشى فيها
أشكرك أختى ودمت بخير وبارك الله فيك
بالتوفيق

الشاعرة الحساسة اميرة اسعدني جدا مروري على تلك الرسالة الرومانسية التي تحكي من خلف السطور ما لم يكتب بها فصورتك الشعرية تحكي كثيرا
شكرا على تلك الرائعة

صعب الاقى كلام ارد بية على كل التعليقات الجميلة دى بصراحة انا مكسوفة منكم كلكم مع حبى وتقديرى

وانا فىى انتظار حديثك