لحظة أمل

لحظة امل

لحظة خيال

والقلب سارح ويا كلمة

وميت سؤال

ايامنا ليه مش كلها

لحظة خيال

نلقى همومنا نهدها

وما فيش محال

ومافيش جواب

غير اننا نقدر نبدل عمرنا

بلحظة امل

ويكون معاها الخير حضر

واللى انشغل عنى

بلحظة م المحال

يرجع يردد كلمتى

وادى دنيتى

شيلاها حلوة مرة

من غير الملل

وايه العمل

غير اننا نرضى ب مكتوبنا

كده أو نعشقه

وندوبة ف سكر خيالنا

ونعجنة بلحظة امل

[i]

أختى العزيزة بسمة الورد

الله الله الله

مااجمل لحظات الأمل لديك وما أجمل صورك وموسيقاكى الراقية

قصيدة روعة بلا شك

وتقدم ملحوظ أسعدنى للغاية

بين حروف إبداعك

ربنا يوفئك

أدام الله عليك الإبداع أختى العزيزة

الشاعرة الرائعة بسمة الورد رائع ما ابدعت تقبلى مرورى

فضلت أبحث في القصيده عشان ألاقي غلطه ملقيتش فاتغظت منك قوي لحد ما أخيرا لقيت

غير اننا نرضى ب مكتوبنا

دا كده ونعشقه

السطر التاني مكسور "فاعلن متفعلن" ويكون أصح على وزن قصيدتك لو كان " غير اننا نرضى بمكتوبنا كده ونصدقه" مستفعلن مستفعلن مستفعلن مستفعلن .


بس يا حبيبتى أما باقي القصيده يجنن موضوعها وفكرتها وطريقه سردها بجد بجد لحظة أمل عنوان مناسب جدا


وإلى الأمام يا عزيزنى

الشاعرة الرقيقة/بسمة الورد
لابد من وجور الامل فى حياتنا
واجمل ما فى النص التفائل والسلاسة
فى تناول الفكرة اشكرك واحييكى
تقبلى مرورى ودمتى باألف خير

الشاعرة / بسمة الورد
اسمحي لي رغم اعجابي الشديد بالعمل وباحساسه العالي
وهو لأهم شيء يلفتنى لأي عمل الصدق في التناول
اسمحي لي أن ألفت إلي بعض الهنات في العمل على سبيك المثال
:
غير اننا نرضى ب مكتوبنا

دا كده ونعشقه............دا كله ونعشقه

وندوبة ف سكر خيالنا .......وندوبه

ونعجنة بلحظة امل

مودتى
ولك التحية من القلب

المبد عة الر قيقة بسمة نص ر ا ئع
أحييكى عليه

لحظة أمل
وسنين جر و حنا متند مل
الظلم غيم والضى
معر فش إمتى ح يكتمل

* * *


يا قلبى را يح فين
طا ير كما النسمة
قا ل لى لصا حبة قلم
طا بع وله بصمة
ر د يت عليه قلتله
يا قلبى مش ح تعوو د
قا ل لى د ا نا د ر وجو د
وصف وجما ل بسمة

* * *

من مر سى مطر وح

الشاعره الجميله والمبدعه
بسمه الورد ..
الآمل هو ذلك البصيص الخافت من الضوء
الذى ينير ظلمه واقعنا .. هو الخيط الدقيق
الذى يصلنا بالحياه عند يموت داخلنا الحلم
هو قطره الماء التى ترطب جفاف حياتنا
فتزيل بعضا من تشققها ..وكما تفضلت هو
ذرات السكر التى تحلى مراره ايامنا
تحياتى لجمال ابياتك وروعه تعبيرك
تقبلى مرورى المتواضع .. ودمت مبدعه

بسمة الورد
نص جميل مليان تفاؤل و امل
ودفء
تحياتى لروح النص
و تحياتى لانضباط الوزن
و تحياتى لجمال الصوره