لحظة شوق

يابنت الناس وحشتيني
ووحشتني سنين حبـِك
من إمبارح هجرتيني
ومصعبتش علي قلبـِك
فـ عشرين ساعه
معرفتش خبر عنـِك
كإن سنين حياتي دمار
كأني أيوه وكإنـِك
جسد ساب روح
تغيب فـ يروح
يقـَضي الباقي من عُمره
بُكا علي نوح
ويتنشق عبير شوقِك
حزين مجروح
ويتمرمغ فـ كام ذكري
كطير مدبوح
فـ عشرين ساعة يتمني
يشوف صورتك
نغم صوتك
وبسمة فرحتك طله
بَكَا بـِحُرقه
علي فوتـِك
تعالي لِيـِه
يا بسمة عُمرُه وسنينهُ
وحطي شروط علي شروطـِك
كتير ساعه
فيتهيألي لو عشرين
يكون موتي
ومتهيألي لو هسكت
هيصرخ فـ الفضا صوتي
فـ يللا بس كده باني
ألاقيني بقيت فرحان
ودابت مني أحزاني
مفيش أحزان
أنا قاعد ومستني
شروقك جوه لحظة يكون
راح أفرح وأبقي متهني
وتخلص مني أي ظنون
أنا قاعد هنا زعلان
وببكي بس باصص فوق
وعامل نفسي وكأني
سيادة الدوق
ولكني
حقيقي ونفسي وتمني
أكون خدام لرجليكي
ماغبش فـ لحظه عن عينك
ولا ساعه أعود أبكي
ولا تقتلني لحظة شوق
ولا تقتلني لحظة شوق