ضع هنا رابط عملك فى مسابقة العامية فبراير 2013

مشاركة الشاعر أشرف البنا
أحلم
https://elgendy.ahladalil.com/t23916-topic#254246

مزنوق ف حتة جحر
والفرصه اهى جاتلى
دى دعوة من امى
ماهى ياما دعيتلى
عايش مابين اربع حيطان
ورطوبه ماشيه ف جتتى
من غير سرير ومافيش دولاب
واسطبل جنبى واصوات كلاب
عماله تنبح
وديابه تعوى ف الضلام
مستكترين عليا حل!
مستكترين هدمه نضيفه!
ودخل يستر حوجتى
مستكترين انى اعيش
مستور مرة ف دنيتى !
طول عمرى مخنوق م الحياه
ولا صرخت ولاقلت اه
ساكن فى شرق النيل
وماشفتهوش من يوم ميلادى
وازاى اشوفه
وابراج غريبه طايله السحاب
وازاى انا اسمع صوت مراكبى
من نبااح الكلاب
العضم ال مرمى
كل يوم مليون خناقه
مين هيلحق
وسلال زباله وكراتين وكوبيات
مين فينا يسبق
مستكترين عليا مره يبقالى سله
مستكترين ان احنانطبخ ويبقالنا حله !
مستتكترين اشوف الميه جوة النيل !
النيل معدى قدام بيوتنا
والميه قاطعه
ممنوع نقرب
الشط ده مكتوب عليه
ال يقرب هيكلبشوه
ومحرمين علينا الصورة جنبه
عشان غلابه
ومسستكترين عليا اخرج من جحرى ليه !
هبيع كرامتى لجل اعيش
وهى الكرامه نفعت بايه
وهى الكرامه نفعت بايه

مشاركتي في مسابقةالعامية
https://elgendy.ahladalil.com/t23680-topic

يشرفنى المشاركة بهذا العمل المتواضع
.............................................................................................................
https://elgendy.ahladalil.com/t24032-topic#255005

مزنوق ف حتة جحر
والفرصه اهى جاتلى
دى دعوة من امى
ماهى ياما دعيتلى
عايش مابين اربع حيطان
ورطوبه مرضتنى
من غير سرير ومافيش دولاب
واسطبل جنبى واصوات كلاب
عماله تنبح
وديابه تعوى ف الضلام...........................اصواتها خنقتنى
مستكترين عليا حل!
مستكترين هدمه نضيفه!
ودخل يستر نى حرام
مستكترين انى اعيش
مستور لمرة ف دنيتى !
طول عمرى مخنوق م الحياه
ولا صرخت ولاحكيت عن بلوتى.....................................البلوة اصعب من الخيال ............
ساكن فى شرق النيل
وماشفتهوش من يوم ميلادى
وازاى اشوفه
وابراج غريبه طايله السحاب
وازاى انا اسمع صوت مراكبيته
من نبااح الكلاب
العضم ال مرمى ع الرصيف
مليون خناقه كل يوم
مين هيلحق
وسلال زباله وكراتين متلحوسه
مين فينا يسبق
مستكترين علينا مره يبقالنا سله
مستكترين ان احنانطبخ ويبقالنا حله !
مستتكترين نشوف الميه جوة النيل !
النيل معدى قدام بيوتنا
والميه قاطعه
ممنوع نقرب
الشط ده مكتوب عليه
ال يقرب هيكلبشوه
ومحرمين علينا............................. الصورة جنبه
عشان غلابه
ومسستكترين عليا اخرج من جحرى ليه !
هبيع كرامتى لجل اعيش
وهى الكرامه نفعت بايه
ايوا الكرامه هتسيبلى ذكرى
وعشانها انا هستنى بكره
ماييجى بكره هعمله ايه
مستنيه بس لجل ييجى الموت معاه
الموت بالنسبه لينا هو الحياه
الموت للغلابه مش نهاية المطاف
الموت بداية الامل ف اجمل حياه
نسكن فى قصر جنب الحبيب
يطل على الفردوس
نشرب ميه من اديه
ميه ببلاش من غير فلوس
يمكن ساعتها ابقى بيه
واضحك قوى على اى حد من ضعاف النفوس
مستكترين علينا ليه يبقالنا سله
اوعندنا فى بيتنا حله
والشط ليه بتحرموه على الغلابه
يبقى نسلم
ونعيش حياتنا مابين نباح كل الكلاب
وضجيج غريب من الديابه

أتشرف بوضع قصيدة عمى ابراهيم
فى مسابقة شعر العامية لشهر فبراير
شكرى للجميع

عمى ابراهيم
--------------
--------------
عمى ابراهيم
ألف رحمه ألف نور
علمتنا كيف يوم نثور
عمى ابراهيم
راجل حكيم
راجل جميل
طول عمره كان
فى الحق سيف
فى العشق نيل
وقت الفتن كنا نلاقيه
بيكون أمل ويكون دليل
قلبه يساعنا كلنا
كان قلبه كون
والكون قليل
لما كنا صغيرين
كان لينا قلب
يضمنا
ويقول لنا
كل الكلام بدون سفا
دون سفسطه أو فلسفه
ويشرح لنا
على قد طيبة عقلنا
ويعيد لنا ويزيد لنا
أيه التاريخ ولأيه وصل
وكان تمللى يقول لنا
كل اللى حاصل ده حصل
وكان يقول الظلم نار
وكتر المظالم راح تولد لنفجار
وكان يقول
ان السكوت ع الذل عار
وان خفت فى يوم م العدا
انك تموت يبقى انتحار
وانك اذا ان لم تثور ع الظلم
تبقى حياتك كلها
على جرف هار
وكان يقول
مفيش أمل
غير بالعمل
هو طريق الانتصار
فاكرينه وقت الخوف
كان بيلمنا
ويضمنا
ويحلف لنا
لما كان ييجى العدو
ما يهمنا

عمى ابراهيم
فضل كلامه ف قلبنا
عمال يرن ف ودننا
عشان كده علمتنا
ان لكل شىء فى الكون أوان
علمتنا
ان الفتى يرضى يموت
ولا يوم يهان
علمتنا
كيف نعرف الملك اللى أصله
كان شيطان
عرفتنا
مين اللى باع مين اللى خان
عمى ابراهيم
فى عز أيام الفزع
عز الهلع
كان يقيد شمعة أمل
لجل ان تحين ساعة العمل
كانت ابتسامته
تمحى القلق
تمحى الوجل
علمنا
ازاى يكون حب الوطن
كان يقول
ان الوطن هو السكن
وكان يقول
ان الوطن ف القلب دين
وكان يعلمنا
ان الحنين للتراب
هو الحنين





عمى ابراهيم
راجل كريم
راجل عظيم
راجل رحيم
باختصار راجل جدع
رغم انه كان راجل كبير
عقله كان يوزن بلد
ولا مره عمره ينخدع
راجل أمين ومستقيم
أعلن حروبه ع البدع
يحب الشباب المستقيم
بيه يرتقى بيه يرتفع
علمنى ان العلم نور
والجهل آخره سوء مصير
علمنى ان الصمت عار
لما يضيع شرع القدير
علمنى ان الدين يضيع
لما يضيع حق الفقير
علمنى لما الظلم يعلى
ازاى أقوم ازاى أثور
وكان يقول لى اوعاك تخاف
من أى حاكم لو يجور
علمنى كيف أصنع حياه
علمنى كيف يكون لى دور
علمنى أفتش فى العقول
علمنى وسط الحق أسير
عمى ابراهيم
دنيا كبيره م العلوم
طول عمرى أشوفه بيبتسم
والقلب مليان بالهموم
وما كان يبين أى شىء
منا عارفه أصله كان كتوم
علمنى أيه معنى الصله
وازاى أزكى وكيف أصوم
علمنى ان الحج فرض
بشرط انى أستطيع
علمنى حبى للوطن
كيف أنتمى ولا يوم أبيع
علمنى كيف أجعل حياتى
لجل غيرى تقيد شموع
علمنى الصبر ع المذله
امتهان وياه خضوع
علمنى كيف أتمرد ع التاريخ
اللى انكتب لجل الولاه
علمنى ان الرضا بالظلم موت
علمنى ان الموت للدين حياه
علمنى كيف للدنيا توصل كلمتى
وان عمرى ما يساويش حريتى
علمنى ما فى يوم أسلم
الا ان يكون على جثتى





عمى ابراهيم
كان لينا أب
قلبه كبير
وياما حب
كان لينا نور وسط الغيوم
بِنْسِر له وكان كتوم

علمنا ان لينا رب
يغفر ذنوبنا لو جبال
علمنا ان لينا قلب
يهوى الجهاد يهوى النضال
علمنا ان الجنه تحت
حد السيوف تحت الظلال
علمنا لما الخير يضيع
نركب صعاب نركب محال
علمنا ان الدين جَمَال
علمنا ان بلادنا جنه
علمنا ان ترابها مال
علمنا ان الحب جُنّه
وهو من يصنع رجال
علمنا ان الوطن ماهوش
حبة تراب حبة رمال
ان الوطن عرض ودين
علمنا كيف لم نستكين
علمنا ان النصر منه
بيه نهتدى بيه نستعين
حكى لنا عن كل الغزايا
علمنا أيه معنى السرايا

عمى ابراهيم
كان يقولى اياك تساوم
ان كنت يوم فيه تنظلم
انهض وقاوم
عمى ابراهيم
مات بالجسد والروح ما بينا
عمى ابراهيم
نور ع الزمن دايماً يعينا
عمى ابراهيم
صوت الأمان رن ف ضميرنا

مشاركتى في مسابقة العامية لشهر فبراير
مع تمنياتى بالتوفيق للجميع

قصيدة "طار الحمام"
https://elgendy.ahladalil.com/t24120-topic#255629

يسعدني أن أشترك بقصيدة " ارفع إيديك " عن شهر مارس 2013 م وذلك وسط هذه النخبة الممتازة من الأساتذة الشعراء الكبار ممن لهم كل التقدير والإحترام ..... تمنياتي لهم بالفوز ولي بالإستفادة من قصائدهم الجميلة وأعمالهم الرائعة ....... سليمان الزهيري
رابط القصيدة https://elgendy.ahladalil.com/t24290-topic#256684