احلم .......

احلم .......

احلم ... بس علي أدك
و اعرف .. أنت فين حدك
لياخدك وهم و يشدك
لدايرة كبيرة م الأوهام
* * * * *
ده لو كان ليك هدف واضح
بلاش يبقي الطموح جامح
وتظلم ناس و لا تسامح
و تجري تسابق الأيام
* * * * *
ده ياما كتير حلم قبلك
و زي م قابلوا هيقابلك
تاهوا ف زينة الدنيا
م نابهم غير وجع و الام
* * * * *
احلم دي الأحلام ببلاش
ده اللي م يحلم عمره ما عاش
و ان جه يحلم يدفع كاش
و يدخل بورصة الأحلام
* * * * *
احلم بس بالمعقول
متتكبرش لما تنول
لملك ف يوم أكيد هيزول
و تندم ع اللي ف الدنيا
بنيته و ف الاخر هدك
احلم بس علي أدك