الجدار

ما بين الخطوة والخطوة

كلام حاير بيدبحني

وكرباج شوق بيجلدني

أعيد الخطوة من تاني

تجدد فيا أحزاني

أقول يافجر يامروّح

ولسه العمر متسوح

وانا حاير فى أوطاني

ووحدانى قليل الحال

أشوف الشوق جبل عالي

امد اديه وانخور

اهد جدار . بيقتلني

ويقطع فيا كل وصال

واشوف الجرح من فوقي

ومن تحتي

فأستعجب واستغرب على دا الحال

وألقا الفكر غالبني

وأشواقى هنا تجبني

تطوحنى مفاهيمي

يهد الحلم فى سنيني

أنا فيني

تعزينى مواويلي

وكلمه حق مكتوبه على جبيني

د /صلاح طاهر كتب:

الشاعر المتمكن

ماهر حامد

احييك على هذة القصيدة الرائدة

من الهزج ((مفاعيلن))

واشكر شاعريتك

استاذي الكريم كم ابهجني هذا الحضور


كل تقديري


ومودتـــــــــــــــــــــــــــي
لهذا الحضور المشرف


مع خالص تحيتي

الاخ الحبيب الشاعر الجميل

ماهر حامد

إقرأ تعقيبى الاول على هذا العمل .

صدقنى هوه ده ماهر حامد بجماله وروعة حرفه .

ودى بصمتك اللى اتعودنا عليها .

مساء الفل على عيونك ...