ليه بتعاندى المرادى ..

ما كل مرهـ الشمس بتــطـلع
وبتعــــدى وبتــــروح الغيمه

ما كل مــــرهـ حسن بيموت
وبتفضــــــل عـــايشه نعيمه

ما كل مــــرهـ ياسين بيروح
وبتفضــــــل بهيه سليــــمه

ما كل مــــرهـ بتتجــــرحي
وجــــــراحك بتبــــقي أليمه

ما كل مرهـ بتتظلـــــــــمي
وبتسامحي وتبقي كــــريمه

طب ليه بتعــــاندى المرادى
ورافضه أى نهــــــايه قديمه
.....

انتي بجد رافضه الكـــــلام
ولا حبيـــــــــــــتي الألام ؟

ما اللي تأيهه في الـزحام
طــــــــول عمـــــــــره منك

واللي صوته مات في حلقه
كـــــــــان بـــــــــــردة أبنك

واللي ظلـم ..واللي اتظلم

واللي بنأ .. واللي هـــــدم

واللي من سنينه اتحــــرم

كـــــــــــان بــــــــردة أبنك

أللي غصــب عنه صـــــرخ

فيكي بكلـــــــــمة شتيمه..
......

ليه بتعــــاندى المـــــرادى
ورافضه أى نهــــايه قديمه

أنتي قلــــــــــبك منك تاهـ

ولا مليتي الحـــــــــــــياهـ

ولا حبـــــــــــــــيتي ألامك

وحبيتي دمـــــــوع حمامك

وبقيتي كــــــــــارها غنأهـ ..

وحلـــــــــــمك ليه بتموتيه؟

وهــــوا لسه في مبتدأهـ

حـــــابه تتسلسل إيديكي

ولا ضحكوا في يوم عليكي

وفهمــــــوكي أنك عقيمه
.......
ليه بتعـــاندى المـــــرادى
ورافضه أى نهايه قـــديمه

راحت فين منــــــك أردتك
وراحت فين منك سعادتك

مش انتي اللي كنتي زمان
الــــــــــزمان بيقول يابختك؟

مش انتي اللي كنتي زمان
قــــادرة تعيشي بطريقتك

لاء مش انتي صــــداقيني
اللي من جوايه عشــقتك
..
يالي كنتي زمان عــروسه
وكنت عاشق لمـــلامحـك

أوعي تكوني أتكســــرتي
ويكون أصر فيكي جــرحك

لو هتقولي الأهـ بصــوتك
يبقي ســــكوتك هعشقه

دانتي لــــو بكيتي مـــرهـ
كل حــــــروفي هيـــغرقه

قبل ما اكتبـــــلك بقلـــبي
كلمة الله يســـــــامحـــك

يالي قتلتي فيا الطــــموح
وقتلتي فيكي العــــــزيمه

ليه بتعـــاندى المـــــرادى
ورافضه أى نهايه قـــديمه
ـــــــــــــــــــــــــــــــــــــــــ
ليه بس بتعاندى المرادى ليه ؟
—

اخى الشاعر عز الدين

هى لم ترفض ولكنها فرض عليها السكوت

لكونها وجدت ابنائها لايستطيعون العنايه بها .

سوف تعود وبكل قوتها .. ولنصبر ولنتقى الله فيها .

مودتى وتحيتى ...

الاستاذ القدير\ عادل عوض سند

دمت استاذى ودامت لنا اطلالتك الغاليه والعزيزة علي قلوبنا..

وندعو الله جميعاً ان نسمع صوتها .. ونسمع صوت الحمام يغني لها من جديد

فكم اشتقنا لها ..

شكراً لك استاذى علي حضورك الغالي الذى يعي لنا الكثير

ولا حرمنا الله منك ولا من رقئ حضورك

وتقبل مني خالص تحياتي وتقديري