ليلة خشوع حمرا ((( بورتريه )))

[size=24]ليلة خشوع حمرا ((( بورتريه )))[/size]
وتخر عينيك
نظرات مشتاقه لبنت جيران - الحلم -
من يوم ما اتقطعت منك حته
والجرح ما لم
مركونه عليك
احزان البدله السودا اياها
والبابيون
والجزمه اللى تملى ب تلمع
من غير ما تكّل
و تمّل
من قص فروع الشعر
عشان يظهر شكل الدوجلاس
و يليق
على نظره عين
مليانه تحدى لكل نساء الأرض
وكأنك فرد
وصلاة الأنثى على سريرك .. وجد
.....
مشروخه الصوره
مقطوع الحبل السرى اللى رابطها ب الحيطه الأم
و بتنزف حبر
وتلغمط طرف السجاده
وب ترسم وش
وعينين ب تبص
على باب الأوضه المتوارب
والضحكه المايعه اللى ب ترقص
فى النور الاحمر
والريحه الزرقا اللى ب تخنق
صوت التواشيح
الصوره تكش
و ف اول أه ه ه ه
ملامحها تروح
الحبر يلملم اشلاءه
وينشع ع الحيط
يتلم فى جمله
النور بيغيّر تفاصيلها
تتحول دم
الجمله ب تكبر
(( كت صوره أم ))

مجرم

امرؤ القيس عاد من جديد في ثوبه العامي

الابن الشاعر الجميل

عمرو شاهين

الخيال المفعم بالصور . والثقافه المملوء بها وعاءك الفكرى

اتحدا فى تلك القصيده . فنزفت على الورق فأنجبت قصيده

ربما تكون نقلة مهمه فى مشوارك الفنى .

وارجو ألا تعمل بالنظرية التى تقول :

{ طالما القاريء لم يفهم من قصيدتى شيء . فقد نجحت }

انت هنا رسمت بالفعل بورتريه غاية فى العمق والرؤيا البكر

شاعر جميل قدم لنا قصيده جميله فما اقل من ان نشكره .

كل المودة والتقدير ...

الرائع عمرو
أهنئك على هذه القصيدة الجميلة
تقبل منى خالص الود
أخوك

الصمت فى حضرة الجمال جمال

ياعمرو شاهين يامشكله جميله

دمت بكل حب وابداع لا يقارن

ملحوظه

تثبت القصيده بواسطتى

لروعة الحرف والمضمون

نور الدين الريف لست باكثر اجراما منك
حبيبى شاكر مرورك الكريم
تقبل فائق احترامى وتقديرى
دمت بكل خير

الاستاذ حسام خليل
مجامله واطراء لا استحقه
انا فين وامرء القيس فين
تقبل فائق احترامى وتقديرى
دمت بكل خير

ابويا عادل عوض سند
لا تعليق من روعه التعليق
تقبل فائق احترامى وتقديرى وودى
دمت بكل خير

استاذى عاطف الجندى
مرورك البسيط يعطى للعمل مذاق خاص
تقبل فائق احترامى وتقديرى وودى
دمت بكل خير

الزهره الزرقاء والشاعره الرقيقه عزه الزرقانى
هارد عليك بشطره من نفس القصيده
ان الحروف تموت حين تقال
شاكر جدا على حاجات كتييييييير
تقبلى فائق احترامى وتقديرى وودى
دمتى بكل خير

الأستاذ عمرو شاهين
مشكور على هذه الروعة

الشاعر المبدع الاسطوره
عمرو شاهين
رائع جدا جدا جدا
قصيده ابدعت فيها بحق
كلماتك اكثر من رائعه
احساس متميز جدا
رائع فى تصويرات وتشبيهاتك
امام قصائدك احتار فى ايجاد كلمات
تصف مدى اعجابى
دمت مبدعا كما انت
تقبل ودى وتقديرى
لشخصك المتميز

أيوه يا سيدي
مش ح تبطل صياعه بقى
يخرب بيت دماغك
وحشتني قوي يا عمور
وبهنيك على قصيدتك الجباره
والله ما بجامل
تقبل مرور أخوك
جمال الدليل
..................................

الشاعر عمرو شاهين
التميز من أجمل الأشياء التى تتميز بها كتاباتك ..
ونصك المطروح اعجبنى واعجبتك قدرتك على
اضاقة مستخدمات لفظيه يندر استعمالها لكنى
اخشى ان يفقدك انبهارك بنصك - واستخدامك لألقاظ
جديده غير مطروقة - القدره على توظيف اللفظ بما يتناسب وروعة بناءك الشعرى
محمود عبد الحليم

شاعر التميز:عمرو شاهين
ماهذا الجمال فأنت أصبحت الابن الاكبر فى سماء التميز
فأقف أمام نصك كما الساكن المنفجر فإستمرارك يسعدنى
تقبل تحياتى

د/ صلاح طاهر
والله انا مش عارف ارد على كلامك
بس كلمه استاذ دى كبيره عليا اوى
د صلاح تقبل فائق احترامى وتقديرى
دمت بكل خير

استاذه اميره البدرى
وهو كل الكلام ده عنى انا
يا نهار ابيض
شهاده غاليه من شاعره كبيره
واتمنى انى اكون قدها
بجد مش لاقى كلام
تقبلى فائق احترامى وتقديرى
دمتى بكل خير

جمال باشا
ياراجل فينك من زمان
واول ما تظهر تظهر بمجامله جامده كده
ده انا على قدى يا جيمى
والله انت واحشنى قوى بجد
اشوفك قريب ان شاء الله
والى هذا الحين
تقبل فائق احترامى وتقديرى
دمت بكل خير

استاذ محمود عبد الحليم
حمد لله على سلامتك
اوحشتنى
شاكر مرورك واهتمامك بشخصى البسيط وتعليمى وتقويمى
تقبل فائق احترامى وتقديرى
دمت بكل خير

الاستاذه صدفه
والله انا خجلان من كلامك ده
واتمنى اكون كل الكلام الجامد ده
تقبلى فائق احترامى وتقديرى
دمتى بكل خير

الابن الشاعر الجميل عمرو
أتمنى لك مستقبل باهر
فأنت شاعر رائع و تستحق كل جمال
و رفعة
قصيدة جميلة كعادتك

الاستاذه بنت النيل
شاكر جدا على هذا الاطراء الغالى
واتمنى ان اكون هذا الذى تتحدثين عنه
تقبلى فائق احترامى وتقديرى
دمتى بكل خير

موضوع: ليلة خشوع السبت أبريل 03, 2010 5:55 pm

الابن العزيز الغالى الشاعر المتميز جدا والمتألق دائما
الاستاذ عمرو شاهين

تحياتى وتقدير ى وشكرا على امتاعنا برائعة من روائعك
العظيمة ولا املك الا ان اقول الله ينور عليك وحشنى بجد

ودمت بكل خير ومحبة وسعادة ودام ابداعك الرائع

المبدع الكبير والاستاذ
فوزى الشربينى
والله حضرتك واحشتنى جدا
انا اللى بستمتب برواءعكم
تقبل فائق احترامى وتقديرى
دمت بكل خير

» ليلة النصف من شعبان ليلة إجابة الدعاء
» شريطة حمرا
» ليلة فرح
» بورتريه
» ليلة العيد