ليلة العيد

يخاصمني كلام النوم
فى ليلة العيد
وعيني تحن لحروفه
على الفرحة رقص قمري
فسقف قلبي بكفوفه
يتيم الليل مع الفرحة
تتوه الوقفة فى وقوفه
يا سامعه الضحكة م الشارع
ومش عارفة دي ضحكة مين
سنين العمر فى البلكون
تبوس الواقفة فـ الشباك
خدود الضحكة محمرة
وع الشفة كلام ما تقالش
حروف الحب لابسة جديد
على الناصية بتستني
نهار طالع ومش هنام
ومش هنقول ومش هنعيد
( حرام النوم فى ليلة العيد)

سلمت يدك شاعرنا الجميل
واحيك على العودة للمنتدى واقول لك العود احمد

تحياتى وتقديرى

الله عليك والله
معلش اتاخرت ف قرايتها
لكنها رومانسية
ممتعه
في انتظار المزيد أخي