ياخلق ملّينا السكوت..ضياء الدين البري

الشاعر ضياء
الغوله واقفة بمعلمه
بجاحتها باينه بمعظمه
واحنا ياناس متفرقين
وانسينا والله الملحمة

ياخلق ملّـينا السكوت
عايزين نحرر أو نموت
لإمتي نفضل مهزومين
خلّونا نخرج م التابوت
أعجبنى المقطع كثيرا
و القصيدة كلها لكن ده أكثر

اخى وصديقى العزيز الشاعر الجميل المتميز والمتألق جدا
الاستاذ ضياء الدين البرى

تحياتى وتقديرى وشكرا على امتاعنا دائما بقصائدك الرائعة
ياخلق ملينا السكوت قصيدة مفيش اجمل من كده ما املكشى
الاانى اقول ياسلام وتعاظيم سلام ادى الكلام والا بلاش

دمت بكل خير ومحبة وسعادة ودام ابداعك الرائع
وتقبل مرورى المتواضع

[quote="ضياء الدين البري"][color=green][size=24][center][b]السلام عليكم .. مجرد رأي
احترامي وتقديري

[color=blue]ياخلق ملّينا السكوت[/color]

.....

الدنيا شيفانا كدا
فوتنا المروءة بغددا
متفرقين طول السنين
وفيه قلوب بتزيد عدا

نسينا كلمة مرحبه
والنيه بايته مذبذبه
هانسيب ولادنا حيرانين
كفايه نوم ع المصطبه

شاطرين نقدم مظلمه
للي داسونا بمفرمه
اللي فاتونا مطحونين
واليوم بقينا مفحمه

نحسب أمورنا بنمرده
وعقولنا تايهه مفرهده
كترت همومنا ومغلوبين
عايشين حياه متجمده

بنتوه في حيره ومسكنه
برضه يزيدونا عكننه
دنيا وعاصيه المحرومين
العيشه ماشية بعافينه

مالناش إرادة ف شأننا
ساكتين كتيرعلي حقنا
الحاله باينه ع الجبين
وياريتها راضيه عننا

شايفين أمل لسّاه بعيد
جايز يكون مولود جديد
رب العباد هوّ المعين
يرحمنا من شلة عبيد

بعنا الأصول ويّا الحدود
ضيعنا خير كل الجدود
ونسينا إنا مسجونين
بقينا دود جوّ السدود

الغوله واقفة بمعلمه
بجاحتها باينه بمعظمه
واحنا ياناس متفرقين
وانسينا والله الملحمة

ياخلق ملّـينا السكوت
عايزين نحرر أو نموت
لإمتي نفضل مهزومين
خلّونا نخرج م التابوت
......
أشكركم
وللجميع تحياتي[/b][/center][/size][/color][/quote]


دائما مبدع
دائماجميل
دائما تحمل هموم هذا الوطن المكلوم

رب من صدى
وجعلة الله فى ميزان خسناتك
اخوك

الله عليك يا أستاذ ضياء دائما مبدع ورائع ولك بصمتك الخاصة بك ونتمنا رؤيتك فى الندوة القادمة

رائع يا اخ ضياء
شاعر قدير و مبدع قدير
أسجل مرورى و أعجابي
بعملك الجميل