يااااااااااااااااأمتي....ضياء الدين البري

السلام عليكم .. مجرد رأي
كلام من قلبي
أخي الغالي .. الشاعر القدير .. أ / عادل
احترامي وتقديري

وكل الشكر علي مرورك الكريم .. وتعليقاتك
الراقيه .. وتفاعلك مع كلماتي بهذه الصوره الطيبه ..
وانه لشرف عظيم لي أن تجد كلماتي هذا الاهتمام من حضرتك

وهانعمل إيه .. برضه هاتفضل أمنا .. ودا الطبيعي
لأنها الأم والحبيبه .. وحمالة الأسيه ..

....

طول عمرنا
عايشين بتحمل همنا
برّا الحدود
عيشانا وفْ كل الظروف
رغم الموانع والسدود
منّا اللي شايل همّها
ويحبها
وفْ غربته بيزيد حنين
رغم الأنين
يطرح ليلاتي شويّه حُزْن
وحَبَّه خوف
وفيه غلابه وحيرانين
برضه هاتفضل أمنا
ونحبها
جوّا قلوبنا زايده حُسْـن
وفْ كل وقت تهمنا
وان عشنا حتي محرومين
ولا حد يقدر ظلمها
رغم المآسي تْعُمّنا
إن كات أهات ساكنه القلوب
ماشوفت مرّه أوهاشوف
حـد يقوللي كفايه توب
عن حبها
ولا نسمح أبدا أي يوم
يجي لها رعد أوغيوم
تقصد حدودها أو تطوف
تلمس أمانها وأمنها
وتمس حتي أرضها
هيّ تاريخنا ومجدنا
مهما الزمان خلّف هموم
فينا اللي خيب ظنها
كفايه زوّد فقرنا
مايهمه حتي شأنها
برضه هاتفضل عزنا
في كل وقت وكل حين

...
أستاذ عادل
دائما وعندما أود الرد علي تعليق حضرتك أجد نفسي
مضطر لأن أكتب كلمات تعبيرا عن مدي سعادتي
لمرورك الرائع ..
أكرر الشكر لحضرتك
وللجميع تحياتي

السلام عليكم .. مجرد رأي
كلام من قلبي
الاستاذ الشاعر القدير / جابر
احترامي وتقديري

خليها نايمه مفرهده
وعلينا تفرض بغدده
شطار يخلونا فْ خداع
شوفنا الأمم متوحده


دايما نقول كنا وكان
سيبنا القضيه من زمان
وعيشنا إحنا في الضياع
ضاع التاريخ فات الأوان


هدّينا مجد بنوه جدود
ضيعنا نصر جبوه أسود
لمّا اشترينا غيرنا باع
إيه ذنبي تمنعني الحدود

كفايه عشنا كتير سنين
جوّا الحدود متفرقين
القدس بينا شكله ضاع
شاطرين تقولوا مسلمين..؟


أستاذ جابر
كل الشكر والتقدير علي مرورك الرائع
وتعليقك الراقي
وللجميع تحياتي

السلام عليكم .. مجرد رأي
كلام من قلبي
الأستاذه / صدفه
احترامي وتقديري

كل الشكر والتقدير أستاذه صدفه علي مرورك الكريم
وتعليقك الذكي الراقي .. وإحساسك وشعورك النوراني..
فكلنا في الهم سواء .. وياويله من لم يحس بما وصلت اليه
أمتنا .. من مهانة .. بعدما كانت في أعلي القمم ..
وإن شاء الله سيظل الأمل في رب العالمين .. وإن لنصره لقريب
أكرر الشكر لحضرتك
وللجميع تحياتي

السلام عليكم .. مجرد رأي
كلام من قلبي
أخي العزيز ..د / صلاح
احترامي وتقديري

....

في إيدينا إيه
غير ان كلمة حق تطلع مننا
جوّاها نبضه حيّـه تهزنا
تحيي الضمير
اللي نسينا حكمته فْ غفلة زمان
عشنا نخالفه ونعاديه
حتي وصلنا لحاله يئست مننا
مبقاش هدفها غير تنشف دمنا
ونموت بحسره عالأسير
مسجون بقاله سنين يعاني ضعفنا
والأمه نسيت مجدها واللي يواسيه
نامت وسهيت عننا
جانا اللي ناهب أرضنا
برضه تروح ، كمان تراضيه
صحيت ولقيت نفسها خسرت كتير
فاقت وتندب حظها م اللي احنا فيه
لما بقينا مضحكه للي اغتنوا من عزنا
راحت تدوّر عاللي راح تبكي عليه
من بعد إيه..؟
نسيانا ليه..؟
ياريت تحسي بهمنا
تفتكري إن قدسنا وضعه خطير
عايشين بندعي ربنا
تصحي تنادي فْ يوم عليه
فكي الحصار عن جندنا
اللي سجناهم حوّا بير
ناويين نحرر قدسنا
مهما الزمن طوّل عليه

.....

كل الشكر علي مرورك الرائع .. وتعليقك الرقيق والدقيق
وللجميع تحياتي