إيدي فيها إيه ؟

شعر اشرقت راضى 11سنة



نمت يوم ف سريري
لقيت صوت بيصحِّيني
بيصرخ و يناديني
فايتني وحدي ليه
أحارب الأعادي
و كل يوم أشو ف

دم اخواتي و ولادي
يصرخ ويقول فينك
يا قدس يا بلادي
رحتوا فين يا عرب
لمَّا بيتي اتخرب
ده كل طفل قتلوه
كلكم شفتوه
نزِّلتوا دمعتين
و بعدها نستوه
أمريكا و إسرائيل
عاملين روحهم عزرائيل
سرقوا أرض فلسطين
و قتلوا ناس أبرياء طيبِّين
و ضيعوا عرض بنات طاهرين
لحد إمتى ها تفضلوا منتظرين
قوم يا عربي القدس بتناديك
مهمتك تقف وتمد لها إيديك
تاخد بتارها
و دا واجب عليك
و ترجَّع القدس تاني ليهم و ليك

في كل بلد عربي
تلقى شباب شجعان
يتمنى يمد إيده
لتحرير الأوطان
و دي طبعاً مهمة
رؤساء البلدان
لو جمعتم إيديكم
ها يكون لنا نصران
نصر رجوعك يا قدس
و ذل إسرائيل كمان
القضية بسيطة و محسومة
بالاتحاد هانقضي ع الجرثومة
...
...
و صحيت من نومي
مطَّمنة و مرعوبة
أصلي لقيت في إديا
...
واحدة حمامة سلام
و التانية فيها طوبة
القاهرة
30 /10 /2008

الأموره الموهوبه/أشرقت
ربنا يحميكي كلام جميل
وليكي مستقبل أدبي هايل
وأن بحييكي على القفله
ديا اللي أنا أعرف ناس
بتكتب بقالها عشرين سنه
ماتعرفش تعملها
وياريت الناس تقرا شغلك
علشان تعرف يعني إيه
الإنسان يتولد موهوب
وعايزك تكبري شويه كده
علشان لما أحب أشدك من ودانك
تتحملي وربنا يحميكي ويحببك في
القرايه لأن ده مفيد جداً
مع تحياتي/
السلاموني

رد عمو عادل عوض سند
الابنه العزيزه الشاعره الجميله

اشرقت راضى

جميل ان تستشعر فتاه فى سنك مشاكل وطنها وما يحدث

من مذابح فى ارضنا العربيه فلسطين .

وقد اسعدنى ان ارى فتيات فى عمرك يتحدثن عن هذه

القضيه المستعصيه .

وارى هنا رغم عمر القصيده تعدى العام ونصف العام

إلا انك لم تجلسى معها ولم تأخذ وقتها من التنقيح .

رغم ان قصائدك السابقه منقحة تماماّ .

لكن قصيده جميله واشد على يدك مشجعاّ لموهبتك النادره

تقديرى ابنتى اشرقت وتحياتى ..


ياريت تشرفينا فى ندوتنا الشهريه

فى اتحاد الكتاب السبت 6 / 3
عمو عادل انا بشكر حضرتك جدا القصيدة بتطلع معايا على حسب احساسى بيها ولكنى بحاول انى اوزنها على قد ما اقدر وهى فعلا من حوالى سنه ونصف او اكثر ولكنى مرجعتهاش تانى لانها نزلت فعلا فى ديوانى ولكنى سعيدة جدا بنقد حضرتك واهتمامك لانى ساتعلم منه الكثير

رد ابيه احمد موسى القصيدة من أروع ما يكون يا أشرقت
ولكن تحتاج فعلا للمراجعه زي ما عمنا عادل قال

إحنا عايزين المستوى في الطالع مش في النازل

مع السلامة يا قمر ابيه احمد انا بس عايزة اعرف حضراتكم ان مش اللى فاتت قديمة ودى جديدة ابدا كل القصايد دى منشورة فى الديوان ومجمعة من فترة طبعا قبل النشر انا منزلتش حاجة جديدة فى المنتدى او فى اى مكان انا بنزل قصائد الديوان بس

الله يا اشرقت عليكى وعلى احساسك الجميل عارف يا حبيبتى انتى ان شاء الله لما تكبرى هتبقى شاعرة كبيرة اوى
ربنا يحميكى يا حبيبتى احلى حاجه فى القصيدة انها لفلسطين
والاحلى انك عايشه القاضيه تسلمى يا قمر

تسلم الايادي يا أخت اشرقت
ونحن جميعاً نتمنى أن يتححق الحلم
وتنتهي هذه القضية وينصر الله جنده
حملة الحجارة