فيها إيه (مصر ما بعد الثورة)

فيها إيه (مصر بعد الثورة)
فيها إيه
لو كل مَن بيطبّل للزعيم ساب طبلته
وقعد يخلّص شغلته
مسكين زعيمنا اللي يحب الناس تقول
عاش حضرته
لو مرة دام الكرسي لحد كان دام عليه
وفيها إيه
لو كل واحد منّنا عاش يوم نضيف
عاش يوم نضيف اسماً وفعلاً لو كفيف
مش بس اسمه يكون نضيف
ولا بس شكله يكون نضيف
دا كل حتة ف مصرنا محتاجة منّا جهدنا
نرفعها بيه
وفيها إيه
لو كل مسئول منّنا حس إنه مسئول عنّنا
وسهر بيحمل همّنا همّه يزوّد دخلنا
لجل ما يحبه الجميع ويكونوله ف يوم شفيع
يطلبوا من ربنا
ارضى يا ربي عليه
وفيها إيه
لو كل طالب ف المدارس شاف زميله أخ لِيه
مش خصم ليه
ليه يضربه؟! ليه عايزه دايما تحت منّه ويتبعه؟!
لو ضعيف ميعرّفه
يتعاون الاتنين وياخدو من إديه
وفيها إيه
لو كل ماشي ف الطريق بقة للإشارة محترم
وجنب منّه أخوه وأخته أبوه وابنه فيلتزم
هتقلّ حوادثنا الكتيرة هنبني أعلى م الهرم
مش محتاجين جندي مرور
تدفع إذا عدّيت عليه
وفيها إيه
لو يوم بتقضي مصلحة من مصلحة من غير ما تدفع
حتى لو سموه تبرُّع
ميجيش صاحبنا يقول يا سيد
فوت علينا بكرة لسة
ناقصة ختم النسر مش بالأكلا شيه
وفيها إيه
لو يوم بتتدخل قسم شرطة يقوموا ليك
والظابط ابن الناس يكون قلبه عليك
شغّل عساكره لخدمتك
ومبعش يومها قضيتك
والحق عاد .....
يكفيك تقول مشكور يا بيه
وفيها إيه
لو كل رواتبنا ف مصر اتعدّلت اتوحّدت
مش ناس بتاخد بالألافات عايزين تزيد
وناس بتاخد بالملايين من غير حساب بقة له رصيد
وناس بتاخد بالملاليم ما شافتش عيد
ويعيشوا ليه
وفيها إيه
أستاذنا اللي بيبني عقول ميكونش ليه زي البترول
ولا وزارة الاتصالات ولا الرياضة والإعلام
رغم ان كل الناس ف نهضتها كانت بدايتها
من التعليم
عايزينها تعلى وتبقى أعلى دولة ف العالم دا كله
صلّحوا التعليم هتلقوا كل حاجة بقت تمام
وتعظيم سلام لكل اللي هيبنيها
من العامل لحد البيه
وفيها إيه
لو يوم نلاقي رئيسنا بيمشي ف الشارع
على رجليه
من غير حرس
من غير مواكب أو جرس
يرعى حبايبه المحتاجين
الكل لما يشوفه هيبوسه
ويسلّم عليه
وفيها إيه
جوايا لسة حاجات كتير
عايزين نغيرها سوا
كل اللي بيشوف الفساد
عنده الدوا
اصرخ وقول لأ واشتكي
هتلاقي ميت مليون شَريف
واقفين معاك ضد الفساد
لو هتلاقيه
وفيها إيه



وفي البداية
أطلب من الإخوة التعليق الجاد والتعبير عن كل سلبية يرونها لتكون هذه القصيدة للشعب المصري كله
أخوكم

كلمات رائعه تعبر عن كل مصرى وما يتمناه لبلده الغالى مصر

الشاعر الرائع/ الاستاذ

رائع ما قدمت لنا هنا كلمات راقية

تقبل اخى مرورى واحترامى لقلمك

سعيد بمجرد مرورك أخي وأستاذي عادل عوض
وجعل الله السلامة من نصيبك يا أخي
والمنتدى منير بنجومه من أمثالك أخي الكريم
بالفعل هذا ما أتمناه
أن يتغير الشعب كما تغير النظام والحكومة
لأن مصر بشعبها
وهذا لا يمنع وجود من لم يصله التغيير ومن لم يتغير بعد
بدليل وأكبر دليل يدل على جهل من يقوم بهذا العمل
البناء على الأراضي الزراعية
ولا حول ولا قوة إلا بالله
فهذه مجرد دعوة من القلب لأن يعرف كل منا ما له وما عليه
*******
وكنت أتمنى أن تؤثر هذه الخاطرة في عباقرة العامية
ويكتبوا معي فيها
حتى تكون مساجلة بالعامية عنوانها
من أجل مصر أفضل
لكن حصل خير
والله الموفق

الأخت الباسمة
بسمة الورد
شكرا لمرورك وكلماتك الرقيقة
(أعجبني جدا توقيعك)
وفقنا اله وإياك لكل ما يحب ويرضى

الأستاذ كتب:

سعيد بمجرد مرورك أخي وأستاذي عادل عوض
وجعل الله السلامة من نصيبك يا أخي
والمنتدى منير بنجومه من أمثالك أخي الكريم
بالفعل هذا ما أتمناه
أن يتغير الشعب كما تغير النظام والحكومة
لأن مصر بشعبها
وهذا لا يمنع وجود من لم يصله التغيير ومن لم يتغير بعد
بدليل وأكبر دليل يدل على جهل من يقوم بهذا العمل
البناء على الأراضي الزراعية
ولا حول ولا قوة إلا بالله
فهذه مجرد دعوة من القلب لأن يعرف كل منا ما له وما عليه
*******
وكنت أتمنى أن تؤثر هذه الخاطرة في عباقرة العامية
ويكتبوا معي فيها
حتى تكون مساجلة بالعامية عنوانها
من أجل مصر أفضل
لكن حصل خير
والله الموفق

الشاعرة عزة الزرقانى كتب:

اشكرك استاذ على كم المواقف البنائه والمحفزة للخير والسلام والحب ولمصر الجديده

وفيها ايه لو كل واحد بدء بنفسه

فعلا الدنيا تبقى خير

دمت بخير وحب ايها الراقى فكريا ومبدع أدبيا

دمت بحب

أشكرك أختي الفاضلة
الشاعرة الرقيقة
عزة الزرقاني

ولقد تأخرت في ردي عن قصد
حتى يظل اسم سيادتكم منيرا بجانب موضوعي كآخر مشاركة من الشاعرة عزة الزرقاني



وفعلا ما هي إلا محاولة لنبذ السلوكيات السلبية الموجودة في مصرنا
ودعوة لروح جديدة يتم بثها في كل المصريين

واستكمالا للمسيرة

وفيها إيه
لو كل أستاذ يرضي ربه ويشرح الدرس بضمير
وإن مرة طالب قال يا والدي دي حتة صعبة ومش فاهمها
يبدأ الأستاذ يغيّر.. يبدأ الأستاذ يطوّر
يستجيب أستاذنا ليه
ويوصّل العلم بسهولة للصغيّر والكبير
على طول أخوه هيقلده ويغِير
لو كنت طالب أو مدرّس
صلّي فجرك وادعي ربك
د انصلاح الحال عليه
وفيها إيه
لو بنت بتمشي في الشارع وحواليها كتير صبيان
وأدبها بان ..... في ملابسها والاحتشام
الكل هيقول ديا أختي واجبي إني احافظ عليها
واللي يوم هيبص ليها ..... بصة وحشة
يومها ناكله بالسنان
لجل ميعود لاحترامه .... ويوم ما هيعود لالتزامه
تسعى كل الناس إليه
وفيها إيه
لو يوم نقرّب كلنا من ربنا
ميكونش فيه بينّا انتهاز
وتاجرنا ربحه قليل .... أصل القليل هو الحلال
وميستغلش للظروف ... هيبيع كتير .... يكسب تلال
وتاجرنا عارف .. على باله دايما
منين وفين؟ ... وجوابهم إيه؟
وفيها إيه