الغربه فيها الوجع

لغربه فيها الوجع

وسراب بيسرسب خوف

جوايا  لحظة قلق

فوق البدن مكشوف

بين الحزن والفرح

كتير من المسافات

دارت فيها سواقى الألم

ماسألت منهم كام

نهار أو مسا فات

داريت خوفى بصمتى

وسألت نفسى

ليه بس صُمتى؟

عن شهقة الآهات

هيا الحياه إغتراب

ولىَّ المشى ف المجهول

طريقه غربه وآسى

مكتوب مافيهشى عدول

وكتير من الأحزان

والصبح فيه إن كان

دليل جرح جديد

الخطوه فيه بالألم

مصحوبه بالتنهيد

والجرح مالكنى

إنت ف طريقه وحيد

ويامين يشاركنى

وقت الصفا ممنوع

فــ نهاره وفـ أمسى

محروم علىَّ رجوع

ف دربك أنا أمشى

وف  صفحة الوطن

مكتوب أنا شارد

سألت ليه ياطريق

حلف لىِّ .. ل يعاند

الخطوه فيك ياطريق

تِهد جبل صامد

ياضى نور إتخطف

ف زحمة المشاوير

تاهت سنين البراءه

فى عَتَامِةْ التَدابير

شبح الرجوع هزنى

وعيونه بصالىِّ

روح العناد الصبى

تسرى فــ أوصالىِّ

معقوله أكون فـ الوطن

وأعشق الترحال

إيه ياحب الوطن

راجع أنا ف الحال

طاهر السنباطى فى  1/5/

2012