معجب قديم

أحمد موسى كتب:

يعنـي إكمِّنّــي بهـــزر حبّــه
أطلـع واسمـي غـراب البيـن
***
طـوفه حبيبي أبويا وصاحبي
نبــض القلـب وضـي العيــن
***
وانتي يـ فوقه همس شعوري
جايّـه تثوري عشـان حـرفين
***
قــاسيـه عليّـا فــ ردِّك جـــدّا
زودتينـــي جـــراح وأنيـــن
***
بكره هراهنك واخطف نورا
واخطـف منُّه مـنار وحنيـن
***
عُمــر مـا حـدّ يثبِّـت مــيدو
د الخرصانه ف إيده عجيـن
***
شـاعـر طبعـا بس مُصـارع
ميـن يستحمل ضـربتي ميـن
***
إوعي يْغُـرِّك شكلي ولبسـي
وتقـولي أَكْلُـه مـربـى وتيـن
***
أو فرفور ولا يقدر يضرب
آخــره يسـبِّـل بــسّ بعيـــن
***
د التايكوندو يا فـوقـه فرمته
وانا ف اللفـه يادوب سنتيـن
***
شكل سنتكـــم سلـك مـعايــا
من د الـوقـت انتـوا التنيــن

هههههههه
تصبحوا على خير الآن إن عشت وكان لي أجل
هكمل معاكوا .. وإن إنتهى أجلى يبقى ربنا رحمكوا
وحلال عليكوا نورا وصحباتها
أنا يا جماعه بكتب والله عشان أخرج م اللي أنا فيه
وأنا اصغر من إني أكتب قدام الكبار بس بحاول أنسى شيء
بشيء تاني فاعذروني

هيا مساجلة ولا خناقه
قول ياضنايا مين مع مين
تيفه دا جامد جدا يابنى
يهزم حتى ولو تنين
منتاش شايف طولة وعرضه
ولا اكمنه لطيف وحنين
دا لوشاط الكورةف عارضه
يفلق شبكة جدو اتنين
خايفه عليك وكفايه تحدى
روح إحلم فى بيتين حلوين
ياللا يابابا نام واتغطى
روح على فصل المبتسرين
سيب الحب لناسه واهله
عاطف دا حبيب الملايين.


أوعى تزعل منى يااحمد احنا زى مابيقولوا القافيه حكمت ولا ايه؟

عاطف الجندى كتب:

عادل عوض سند كتب:

ايوه يا عم المعجب اظهر وبان ..

طب ممكن نعرف مين .. لو بان ف عنين حلوين

راح يصبح عشق وباين .. ويدوّخ ناس تانيين

القلب يكون ملاكى .. له واحد بس حبيب

اما انت التاكسى علامه .. وزباينه ف يوم ما تخيب

ابعتلى يا عم المعجب .. فى زبون او حتى اتنين

انا قلب وفعلاّ فاضى .. مليان احزان وانين

سريعاّ ومن وحى قصيدتك ايها الولهان ..

تقديرى يا عطوفه وربنا معاك .

هيه لسّه راسك مفتوحه ؟؟؟؟

هههههههههههههههه

القلب الفاضى موش إنت َ
يا أبو عادل يا حبِّيب
***
فى القطر إدولك علقة
و تقول الضرب زبيبْ
***
يا أبو سنة و قعت منك
آه يا أوحى عند طبيب
***

[center] وحياتك انت يا { اوسنى }

راح اهتّم كل سنانك

فاكرك فى القطر حارسنى

ماهى وقعت من أمثالك

عاطف الجندى كتب:

لو موش حاسة بحبي هاقول لك
إن العمر بلاش راح مني
***
و إن أنا معجب من أولها
و صمتي أهو خلي القلب يخونِّي
***
ما أنت ِ الفرحة اللى ملت عيني
و أنت ِ غنايا و شوقي و فني
***
و أنت ِ قصيدة شعر باقولها
ف عز الحزن بيضحك سِنِّي
***
و ألقى الكون بالفرحة نداني
و خدني لحد الشوق وصلني
***
ياما عيون ف الدنيا قالت لي
بس كلامهم ليك ِ يحيلني
***
باغرق جوه بحورك ما اطلع
مهما شطوط الناس تخايلني
***
يبقى أنا أبعد ليه عن قلبك
لو كان قلبك ناوى يشيلني ؟!
***

أغنية مرتجلة

أيوة يا طوفة ايه القول ده؟

خلى القلب يطير فرحان

قولى وكتّر منه ومنده

قول سمعّنى كلام ولهان

بس هااقولك حاجة وصدق

هافرح لما اشوفك تغرق

وانا هاعرف والسر يبان

هناء سعيد كتبت :

أيوة يا طوفة ايه القول ده؟

خلى القلب يطير فرحان

قولى وكتّر منه ومنده

قول سمعّنى كلام ولهان

بس هااقولك حاجة وصدق

هافرح لما اشوفك تغرق

وانا هاعرف والسر يبان

************

عادل عوض سند كتب:

هناء سعيد كتبت :

أيوة يا طوفة ايه القول ده؟

خلى القلب يطير فرحان

قولى وكتّر منه ومنده

قول سمعّنى كلام ولهان

بس هااقولك حاجة وصدق

هافرح لما اشوفك تغرق

وانا هاعرف والسر يبان

************

ياللا ياعم هناء اهى دخلت

كاشفه السر وعارفه كمان

انك عاشق داخله وفاضحه

سيرتك فوله ف كل لسان

لأ يا دولا انا بس بهزر

لو ها يقر مش راح اكتّر

اصله فاكر سره ف بير

بس انا عارفه بيعشق سُكر

لو مسموح ها نسيبه براحته

بس غايظنى منه صراحته

ينفع يعنى يكون متجوز

وبيضحك ع المُزة بتاعته؟

الشاعرة عزة الزرقانى كتب:

هناء سعيد كتب:

لو مسموح ها نسيبه براحته

بس غايظنى منه صراحته

ينفع يعنى يكون متجوز

وبيضحك ع المُزة بتاعته؟

مسموح ولا غير مسموح

ياختى ياننه خليه يروح

وح يرجع يعنى

ح يروح فين

و يقول لمراته

ياحبيبة الروح

طب ماهى طبعا حبة عينه

على طلباتها الله يعينه

ويعيشوا ف تبات ونبات

ونشوف الحراس ما سكينه


هههههههههههههههههههههههههه

أميرة البدرى كتب
الشاعر الرائع والمبدع
عاطف الجندى
غنائيه رائعه امتعتنا بفيضان من الرومانسيه الرائع
دمت مبدعا متألقا

سحر كلامك اثر فيه
طار النوم من نن عليه
همس كلامك زلزل قلبى
ده انا ف غرامك تهت يا حبى

ارجو ان تحوز خربشتى البسيطه اعجابك
تقبل مرورى وتقديرى
دمت بكل سعاده

يه حكايتكوانت وعادل
قطر وبطحه مع تعويرة؟
لأ والنبى منا ساكته يا عادل
دانتو وراكو حكايه كبيرة
واحد فيكو يقر بسرعة
كان فى بينكوعليها مصارعه؟
عقلى خلاص حيشت ياناس
وصَلتوها لدم وشاش؟
انا مش نايمه الليلة خلاص

وفاء أمين كتب:

قول وبراحتك حب ياطيفة
قرّ بنسمع حاجه لطيفه
معجب حالى ولا قديم
ميهمكش اكتب ياعظيم

وزى ماقال الاستاذ عادل حنحولها مساجلة
انا موافقة يا هيئة امم المنتدى وباقى التصويت جاااااااااااي

انا معجب بكل ما تكتبه يدك أيها العملاق .

أحمد موسى كتب:

نام يا كبير وارتاح واتهنّى
إللــي ينــام بيخـش الجنّـه

أصل النوم يا صديق غلوه
يبقى الحلم منين نجيبوه ؟
كله اتباع ف مزاد أوجاعنا
واحدة بواحدة الناس نسيوه

***
الظاهر لازم أنام الليلة
خخخخخخخخ
سلاممممم

أيه يا عطوف متخف شويه ياعم
دايما كده رايح جى
سبلينا حاجة جمبك
السلطان

أميرة البدرى كتب:

انا هستنى طيب اهو
شنطه شعرك بكره يا تيفه
بس اوعى تحمرق وتقول
اصلى نسينت الشنطه ياهوووووو

جيت و لا جيتى يا أغلى أميرة
مالكة القلب برقة و ذوق
***
رغم بإن الناس سرقتها
لما شافونى ببص لفوق
***
شنطة شعري راحت لكن
لسه عيونك مرسى و طوق
***