معجب قديم

أستاذ عاطف :
فيه معجب جديد وإن كنت ناوى تغرق فى الأشواق إعمل معروف وغرقه معاك: أيه الشقاوة دى يا كبير
أول مرة أستمتع بقصيدة عامية بهذه الطريقة أرجو المزيد والمزيد من هذا اللون
مع خالص تحياتى
الزهيرى

عاطف الجندى كتب:

لو موش حاسة بحبي هاقول لك
إن العمر بلاش راح مني
***
و إن أنا معجب من أولها
و صمتي أهو خلي القلب يخونِّي
***
ما أنت ِ الفرحة اللى ملت عيني
و أنت ِ غنايا و شوقي و فني
***
و أنت ِ قصيدة شعر باقولها
ف عز الحزن بيضحك سِنِّي
***
و ألقى الكون بالفرحة نداني
و خدني لحد الشوق وصلني
***
ياما عيون ف الدنيا قالت لي
بس كلامهم ليك ِ يحيلني
***
باغرق جوه بحورك ما اطلع
مهما شطوط الناس تخايلني
***
يبقى أنا أبعد ليه عن قلبك
لو كان قلبك ناوى يشيلني ؟!
***

أغنية مرتجلة

اية الحلاوة دى يااستاذ عاطف
كلمات رائعة وصياغة فنان بس اوعى تغرق
ماتطلعش تانى وهو حدلاقى قلب يشيلة فى الزمن دة
ماراح زمن الحب الجميل بس تسلم الايادى
وتقبل خالص تحياتى

شادية الملاح

طب قولى هاروح منك فين
وأنا على العشاق أستاذ
علمنى أتكلم باالعين
وأعاكس صورة فى برواز
وساعتها يا جندى راح أقولك
فى الحب فتاوى وألغاز
بس أنت بتبخل بعلامك
وكأنه سر وإعجاز
هههههههههههه

أخوك

عاطف الجندى كتب:

لو موش حاسة بحبي هاقول لك
إن العمر بلاش راح مني
***
و إن أنا معجب من أولها
و صمتي أهو خلي القلب يخونِّي
***
ما أنت ِ الفرحة اللى ملت عيني
و أنت ِ غنايا و شوقي و فني
***
و أنت ِ قصيدة شعر باقولها
ف عز الحزن بيضحك سِنِّي
***
و ألقى الكون بالفرحة نداني
و خدني لحد الشوق وصلني
***
ياما عيون ف الدنيا قالت لي
بس كلامهم ليك ِ يحيلني
***
باغرق جوه بحورك ما اطلع
مهما شطوط الناس تخايلني
***
يبقى أنا أبعد ليه عن قلبك
لو كان قلبك ناوى يشيلني ؟!
***

أغنية مرتجلة

عاطف الجندى كتب:

لو موش حاسة بحبي هاقول لك
إن العمر بلاش راح مني
***
و إن أنا معجب من أولها
و صمتي أهو خلي القلب يخونِّي
***
ما أنت ِ الفرحة اللى ملت عيني
و أنت ِ غنايا و شوقي و فني
***
و أنت ِ قصيدة شعر باقولها
ف عز الحزن بيضحك سِنِّي
***
و ألقى الكون بالفرحة نداني
و خدني لحد الشوق وصلني
***
ياما عيون ف الدنيا قالت لي
بس كلامهم ليك ِ يحيلني
***
باغرق جوه بحورك ما اطلع
مهما شطوط الناس تخايلني
***
يبقى أنا أبعد ليه عن قلبك
لو كان قلبك ناوى يشيلني ؟!
***

أغنية مرتجلة

قول وبراحتك حب ياطيفة
قرّ بنسمع حاجه لطيفه
معجب حالى ولا قديم
ميهمكش اكتب ياعظيم

وزى ماقال الاستاذ عادل حنحولها مساجلة
انا موافقة يا هيئة امم المنتدى وباقى التصويت جاااااااااااي

يا عم حرام عليك
سيبنى أنام أنت راجل مدير
موش موظف زى حالاتي
و حياتك من بعد المدرسة قاعد لكم
سلام

حــب بـراحتك وابــدر شعرك
فينــا تقــاوي غـــرام وحنيــن
***
خلّــي القـلـب يحـبّ ويعشــق
صــح ف مـره ولو ساعتيــن
***
وانا مش هكتب شعر قصادك
غيــر امَّــا ابقــى بجـد متيـن
***
قصّـر مهمــا تقصّــر هعــذر
مـا انـت وقعـت بنظرة عيـن
***
بـس اسـم الله عليك عرفنـي
إسمهـا إيه ؟ وبتسكن فين ؟
أحمد موسى والله انت جامد وانا حردعليك ارتجالى

اسمها نورا كمان امورة
شفته يمّيل مرة عليها
وشوشها الحلوةالأمورة
طب بسرعة ياخوفى عليها
صبحت بردوعليه غيورة
واما شافتنى بقت مسرورة
قالهااختى كدبنا عليها!

يانهار ابيض شفت ياتيفه
خش غراب البين يخطفها
لكن اوعى تزعل نفسك
وحياتك لأحرقه واخطفها
حاسب منه دا شاب حويط
غاوى السرقة والتنطيط
بس حقولك ايه ياشديد
منت بدأت تقول اوصافها
وانك معجب أوى وقديم
خليت مودى يستلطفها
طبعا شايفك منه غريم
وانت واخدها ومزبّطها
كدةبردو يامودى يالئيم
تخسر تيفه عشان تشقطها
بكرةتشيب وتلاقى غريب
يخطف منك حلوة بطولها
قرن غزال تتثبت بيه
وانت معاها ومتأبطها!

عاطف الجندى كتب:

و الله حلاوة قولك أحلى
مهما أنا قلت بإن أنا صَبْ
***
بس يا شادية ليه تلوميني
و قلبي يا حلوة ف حسنك طب
***
أنا لو هاغرق إبقى شيليني
و أرمى لي طوقك بسمة حب
***
لسه الحب يا شادية بيرسم
جوايا فرحة ف نبض القلب !
****

اوعى يا عاطف احسن اصدق
واخد مرة كلامك جد
اظن ان احنا صحاب م الاول
واللى مابينا اخوة وود
والفرحة اللى راسمها ف قلبك
لوراح الومك تصبح صد
واذاكان قلبك فضحك مرة
ابقى اظبطلة ميزان الحب
خدها نصيحة بكل مودة
ماتخلطش الهزار بالجد

تحياتى