لحظات .......’’ عمل قديم شوية,,

**********
لحظة غضب
--
شدت أيديك اللحظة دي
ناحية بداية
بير غويط
وقفلت قلبك والعيون
تربستها
وعملت نفسك قال
حويط
شعللت ف الكون
والبشر
وطلعت ف الأخر
كده
من غير ما تقصد
شيء عبيط..........!!؟
**
لحظة جنون
--
قربت م الخط اللي فاصل
بين ملامحك
والخريف
بدأت عيونك تنتفض
والعقل أصبح
ضيف سخيف
وبرغم دا
تعبان قوي
حاسس بإن الوقت دا
دايما بيلعب
بس لعبه
مش نضيف...!؟
**
لحظة شجن
--
سلمت نفسك للجدار
وسندت ضهرك
مرغماَ
وحلمت إنك راح تعود
من تاني ترسم لك
وطن
للفرح
لكن هو فين
ماهو من ايديك
وقعت خيوطة
من زمن...!!
**
لحظة هدوء
--
ايه يعني عمرك لو يفوت
ومادمت عايش
إنكتب
فوق الجنون
فوق الشجن
فوق الغضب
خليك عنيد ورقيق قوي
وإياك تسيب العقل منك
ينسحب...!؟
**
لحظة سماح
--
طب يعني إيه اللي انت فاكره
وهتلاقيه...!؟
ماهو عمرنا بيفوت ولازم
كلنا وبرغم عنا
نحيا فيه...
ونعدي عتبات الشجن
علشان نتبت ف الفرح
لما نلاقيه
*-*
لحظة رجوع
--
تعبت خلاص
ترسانة الحزن الكئيب
جابت أخرها
وانهزم
دق الغريب بابك كمان
وسمعت صوته
بيبتسم
وقفت حروفك كلها
مستغربة .....
يا هلترا دقة فرح
دي اللي ابتدت
فوق الملامح ترتسم
*-*

ما اروعها من لحظات لقطتها عين شاعر موهوب

اخي العزيز استمتعت بين لحظاتك3

تحياتي ومودتي

الشاعر الجميل

عماد عبد الحكيم

رائع فى صورك وتركيبات جملك الشعريه

علاوة على العمق الذى يحتويه حرفك الجميل .

مودتى وتحيتى ...

السلام عليكم .
لحظات مدهشة أخي عماد . استمتعت فيها
ودائما أنا في انتظار جديدك
سلمت آناملك ودمت في حفظ الرحمن

سلمت اناملك الندية على جمال ذائقتك
دائما تبهرنا بمواضيعك البراقة
متلهفين لابداعاتك القادمة
لك أطيب السلام..وازكى الاحترام .،
تقبل مروري
د. السيد عبد الله سالم
المنوفية – مصر

السلام عليكم ورحمة الله وبركاته
الأعزاء
---
أخي العزيز الشاعر /أحمد رجب
شاكر لك كلماتك أخي
واتمني أن أجد حرفك
دائما
--
أخي العزيز وأستاذي الشاعر / عادل عوض
كلمات أتمني أن أستحقها أخي
وأدعو الله أن يتكرر مرورك العطر
دائما
--
أخي العزيز الشاعر / حسن الجمال
شاكر لك كلماتك أخي
وأدعو الله أن تنل أعمالي القادمة إعجابك
--
أخي العزيز الشاعر /السيد سالم
كلمات أتمني أن أستحقها
وأتمنى أن أري حروفك دائما
وأن تعجبك أعمالي القادمة

» جرح قديم
» حالات... من عشق ٍ قديم
» زجل قديم .. فتيل الجوع
» [b]أنات على وتر قديم[/b]
» { جوه القطر } زجل قديم